Roma 8:19 - Allah Wene Hurumbik Keron

¹⁹ Eke yi angge di angge wal hebahon epmano inolohore boholma lahaboho neken wilil, At Allahen udaki suontep isawon etno aso wereg-o.

Roma 8:19 ပူးပေါင်းရင်းမြစ်များ

Matius 5:9

Eke hit hinindimuen dambul inaptuk ahe­bon halug, wa. At Allahen nudaki ulug hininuk soal hinabuhu-o.

Yohanes 1:12

It ap ninen ariroho At obam ebetuk eleg iseheg, it nin epmano hag At obam eberoko waruk apag. Eberoko waruk apagma, At etnowen hit At Allah udaki-at welamag ulug deloko hinombi saharuk ahi-o, ulug yig isebag.

Kisah Para Rasul 3:21

At belabik waruhuon etno boholma welatlug fobik yi angge di angge inim fano inabukag ulug belabik waruhu-o, ulug it nabi Allah wene yig isarukon epmanowen bilin hurumbik embebahon etno hiniluk-o.

Roma 8:14

Eke it obog Roh Kudus etnowen og inaplug larukon ari At Allah udaki-at wereg-o.

Roma 8:16

Eke At Allah Roh Kudus etno ninindimu ninim dambuksoho wilil, nit Allah udaki-at welahe-o, ulug ninim ninahla ebetuk ahe-o.

Roma 8:18

Eke kidia alem dahon ninobam umburukon ari hag doron-at-o, eke fobik suontep nisahuon etno hag mondog suon at-o, ulug nahla buruk ahi-o.

Roma 8:23

Ariroho suruk ari, it yi angge di angge wal hebahon epmano inakelehen-at hinel watuk eleg-o. Eke nit bilin alem neken At Roh Kudusen og nisarision etno fobik og nisawon etno aso wilil, At Allahen At udaki mondog welamag ulug ninombisahukon etno inim, eke ninebe fanoroho suontep nisahukon etno inim aso wilil, hinel watuk ahe-o.

Roma 9:26

Eke hinebe Allah udaki welahep fug ulug yig isaruk ambeg epmanowen At Allahen ilukon etno udaki welahep ulug yig isaruk amuhup-o,” ulug at Hosea etno yig epag.

1 Korintus 1:7

Ariroho warikipseg fam, hit o epma At Ninowe suon Yesus Kristus selegma aruhuon etno aso wilil, At Roh Kudusen og hisawon etno obog-at holarikip hisihi-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

2 Korintus 6:18

Endag hinaptuk aruhukseg, nebe Hinikni neken weregma, hit nudaki naholani neken welamuhup-o,” ulug An Allah noag werehon etnowen yig hisaruk ahi-o, ulug abug yig isebag ari, nit-at yig nisebag-o, nomini.

Galatia 3:26

Eke At Kristus hinim wilil obam ebetuk ahep etno fam At Allah udaki-at welahep-o.

Filipi 1:20

Eke kidia inim, eke fobik nintul nantul inim an neyabuk og nitision etno fanoroho suhuken ulug nindi haruk ahi-o. Ariroho nindi haruk wilil, an nindi oag weregsoho At Kristus inuk suontepfuhuken ulug suruk ahi-o. Eke an nebe niluk wilil ano, waratlug ano At Kristus inuk-at suontepfiog ulug suruk ahi-o.

Kolose 3:4

Eke At Kristus hit hinim welahep etno fam, At ebe suon etno waharuk aruhumu, At hinim hinoag weregsoho hinombisahaku-o.

Ibrani 12:27

Eke une fobik suhuk ulug ebag ari fam, yi angge di angge wal hebahon epmano obog-at aplohoksepfuhukseg, elehapsuhuk-o. Eke yi angge di angge mondog aplohok suhuk fuhon epmano welamuhup at-o, ulug hurumbik etno selegma-at yig nisaruk-o.

1 Petrus 1:13

Ari halug, hit hinindi yaharoho wilil, fobik At Yesus Kristus waruhureg, fanowon etno og nisahu, ulug hinindi ebetuk amiek-o.

1 Petrus 1:7

ari fam hit Allah wene etno hinoag weregsoho waruk amuhup-o. Eke emas etno hondoken olohore hulu atuk etno hag, hit Allah wene etno fanoroho waruk wilil, hinoag weregsoho welamuhuben ulug kidia aren hinaren baltuk wereg-o. Hinaren baltukmu, fobik At Yesus Kristus waruhu etno fam, hinim ilitoho amuhupseg, fanowon etno huluog ulug welahep-o.

1 Yohanes 3:1

Wa nomini, ninikni ninim hunduko ninombisaharisi etno eberiek-o. Eke nit ninebe Allah udaki ulug nininuk soal ninaptisi-o. It kweanmen ebetukon Allah inapeleg halug, nit Allah udaki welaheon epmano ariroho-at inapeleg-o.

1 Yohanes 3:2

Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.

Wahyu 21:7

Eke it inoag weregsoho anduhunmu welamuhubon etno An nudaki neken yi angge di angge obog-at og isahuk-o. Eke iren, “Ninikni Allah,” ulug yig nituk amuhup-o. Eke Anden, “Nudaki-o,” ulug og inaptuk aruhuk-o.