Roma 8:16 - Allah Wene Hurumbik Keron

¹⁶ Eke At Allah Roh Kudus etno ninindimu ninim dambuksoho wilil, nit Allah udaki-at welahe-o, ulug ninim ninahla ebetuk ahe-o.

Roma 8:16 ပူးပေါင်းရင်းမြစ်များ

Matius 5:9

Eke hit hinindimuen dambul inaptuk ahe­bon halug, wa. At Allahen nudaki ulug hininuk soal hinabuhu-o.

Lukas 20:36

Inebe malaikat ilitoho wilil, waraheg eleg iniluk mondog welamuhup-o. Eke At Allahen it aphe warehon wereg ambeg epmanowen obog-at iniluksoho minduhup isahu halug, At udaki-at welamuhup-o.

Yohanes 1:12

It ap ninen ariroho At obam ebetuk eleg iseheg, it nin epmano hag At obam eberoko waruk apag. Eberoko waruk apagma, At etnowen hit At Allah udaki-at welamag ulug deloko hinombi saharuk ahi-o, ulug yig isebag.

Kisah Para Rasul 5:32

Eke nit At Roh Kudus etno ninimen wene etno yig hisaruk ahe ari, At Allahen At une warukon epmano Roh Kudus og nisarukmu yig hisaruk ahe-o,” ulug yig isaruk apag.

Roma 8:14

Eke it obog Roh Kudus etnowen og inaplug larukon ari At Allah udaki-at wereg-o.

Roma 8:19

Eke yi angge di angge wal hebahon epmano inolohore boholma lahaboho neken wilil, At Allahen udaki suontep isawon etno aso wereg-o.

Roma 8:23

Ariroho suruk ari, it yi angge di angge wal hebahon epmano inakelehen-at hinel watuk eleg-o. Eke nit bilin alem neken At Roh Kudusen og nisarision etno fobik og nisawon etno aso wilil, At Allahen At udaki mondog welamag ulug ninombisahukon etno inim, eke ninebe fanoroho suontep nisahukon etno inim aso wilil, hinel watuk ahe-o.

Roma 8:26

Eke ari ilitoho, nit ninindi oag elehon etno At Roh Kudus etnowen yalmag nisaruk-o. Eke nit hag fanoroho wilil sembahyang uruk amon etno keroho uk-o? ulug ninapeleg niseheg, At Roh Kudus etnowen une niren uk haion etno fam ninake At Allah obam sembahyang uruk-o.

Roma 9:26

Eke hinebe Allah udaki welahep fug ulug yig isaruk ambeg epmanowen At Allahen ilukon etno udaki welahep ulug yig isaruk amuhup-o,” ulug at Hosea etno yig epag.

Roma 9:8

“It Ishak udaki epmano at Abraham etamuki ulug yig isahuk-o,” ulug ariroho yig epareg fam, it o kweanmen yi udag di udag endag atukon epmano it nin Allah udaki wereg eleg-o ulug niniluk atuk-o. Eke it Allahen hurumbik ebahon etno fam endag atukon etno hag At udaki ulug wereg-o.

2 Korintus 1:12

Eke niren suontepataruk aheon epmano alem du wereg-o, nit ninebe niniluk wilil, o kweanma o ahik ya da inim, eke hit wereg ambeg inim ya keheg sil nuruk atukuk ari, it aphe ninen ninindi wereg ulug bukon etno sohorep isalug ninindi seberoho wilil, At Allah oag weregsoho ahien nisebareg fam, Aren yig nisarukon etno-at yig isil larukuk ulug ninindi ebetuk ahe-o.

2 Korintus 1:22

Eke aren og hisahuk ulug abug yig nisebahon etno demat og nisahu ulug ninahla bukag ulug At Roh Kudus etno ninindimu og nisarisi-o.

2 Korintus 5:5

Eke ninebe ariroho ketoho ninombisahiog ulug surukon ari At Allah akeleg-at wereg-o; ariroho wilil, niren demat suhu ulug ninahla bukag ulug At Allah Roh Kudus etno og nisarisi-o.

2 Korintus 6:18

Endag hinaptuk aruhukseg, nebe Hinikni neken weregma, hit nudaki naholani neken welamuhup-o,” ulug An Allah noag werehon etnowen yig hisaruk ahi-o, ulug abug yig isebag ari, nit-at yig nisebag-o, nomini.

Galatia 3:26

Eke At Kristus hinim wilil obam ebetuk ahep etno fam At Allah udaki-at welahep-o.

Galatia 4:6

Eke hit ariroho Allah udaki atikipseg fam, At Allah Amlohoen angge Roh Kudus etno hinindimu belap hisa waharisi-o. Eke At Roh Kudus etno ninindimu wilil, “Ninikni,” ulug yig ituk-o.

Efesus 1:13

Eke hit ariroho-at wene fano wene demat urukon hinili wawon etno hinesanggo holtuk atikipseg At Kristus obam ebetuk atikip-o. Ebetuk atikipmu, eke At Allahen Roh Kudus og hisahuk ulug abug yig hisarision etno arat og hisarisireg fam, aphe inebe duma An nudaki at-o, ulug yig hisarisi etno hiren demat bukag ulug yig hisarisi-o.

Efesus 4:30

Eke At Roh Kudus hinindimu werehon etno olohore dahapfuk fug-o. Eke At Allahen hinili wahuon etno hinindimuen demat ulug hiniluk amag ulug At Roh Kudusen hinindimu yig hisaruk-o.

1 Yohanes 3:1

Wa nomini, ninikni ninim hunduko ninombisaharisi etno eberiek-o. Eke nit ninebe Allah udaki ulug nininuk soal ninaptisi-o. It kweanmen ebetukon Allah inapeleg halug, nit Allah udaki welaheon epmano ariroho-at inapeleg-o.

1 Yohanes 3:10

Eke it Allah udakion inim, it iblis udakion inim surukon ari ilit eleg-o. It mot mot suruk elehon, inomini inambit isarukon halug ari, Allah udaki fug-o.

1 Yohanes 3:2

Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.

1 Yohanes 4:13

Eke At Allah ninindimu wereg etno alem du at-o, Aren Roh Kudus etno og nisebag-o.

1 Yohanes 5:10

At Allah Amloho obam ebetuk nisalug, ari ninindi famen demat ulug ebetuk ahe-o, eke At Allah Amloho obam ebetlug eleg urukon halug, At Allah-at enggaltepfuruk-o. At Allahen At Yesus ari An Namloho at-o ulug ebahon etno ebetlug eleg urukon halug, At Allah-at enggaltepfuruk-o.

Wahyu 21:7

Eke it inoag weregsoho anduhunmu welamuhubon etno An nudaki neken yi angge di angge obog-at og isahuk-o. Eke iren, “Ninikni Allah,” ulug yig nituk amuhup-o. Eke Anden, “Nudaki-o,” ulug og inaptuk aruhuk-o.