Roma 8:1 - Allah Wene Hurumbik Keron

¹ Eke ari halug, it At Kristus Yesus inim werehon epmano onggo o dagma imbisahu fug-o.

Roma 8:1 ပူးပေါင်းရင်းမြစ်များ

Yohanes 14:20

Ariroho hiniluk wilil, An Nikni ninim ninebe misig-at welahe etno hag, hit An ninim ninebe misig-at welaheon epmano o ari sambit hiniluk amuhup-o.

Yohanes 15:4

Eke An hit ninim hunduhuk welamuhuk etno hag, hit An ninim hunduhuk welamuk-o. Eke e inggik misig kisiloko wilipfurukon etno akelehen anggen yihiruk eleg etno hag, hit An ninim hunduhuk eleg hisalug, anggen fanowon epmano yihikup fug-o.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Roma 16:3

Eke it Priskila Akwila ninim At Kristus Yesus eyabuk suruk aheon epmano heahi war inaptuk ahi-o.

Roma 16:7

Eke it ap an nungguluahon ininuk Andronikus Yunias etano, ninim o aphe dahon imbisaruk ambeg hele waroko kolap nisaharuson etano inim-at heahi war inaptuk amuk-o. Eke an At Kristus awene etno awan waruk eleg neyeheg it etanowen bilin warusareg fam, it ap mondep isebahon epmanowen it inebe iniluk-o.

Roma 5:1

Nit At Allah obam ebetuk nisalug, alem dahon ninobam werehon epmano elehep nisaharisimu, At Ninowe Yesus Kristus inuk fam At Allahen ninim fanoroho welamuog ulug dambuk ninaptisi-o.

Roma 5:16

Eke at ap misig dag sebahon etno inim, eke At Allahen og nisebahon etno inim ilitoho wereg eleg-o. Eke at ap etnowen alem misig dag sebareg fam, alem dahon epmano obam ombatebahon oke, eke niren alem dag anggolo suruk aheon epmano Allahen fanowon etno onggo eleg-at og nisaruk wilil, alem dahon ninobam werehon epmano elehep nisaharuk-o.

Roma 7:17

Eke ari fam, dahan fahan suruk ahi etno anden suruk ahi fug-o, at alem dag surukon nindimu werehon etnowen-at ariroho suruk-o.

Roma 7:20

Eke an alem dahon suk nambit haruk ahion etno-at suruk ahi ari fam anden ariroho suruk ahi fug ulug selegma atuk ari, alem dag surukon nindimu werehon etnowen-at suruk-o.

Roma 8:11

Eke At Allah At Yesus it aphe warehon wereg ambehen iluksoho minduhupfebahon etno Roh Kudus hinindimu wereg halug, At Kristus it aphe warehon wereg ambehen iluksoho minduhupfebahon etnowen At Roh Kudus etno hinindimu og hisaruk wilil, hinebe waramuhubon epmano hinilukep hisahaku-o.

Roma 8:14

Eke it obog Roh Kudus etnowen og inaplug larukon ari At Allah udaki-at wereg-o.

Roma 8:2

Eke At Roh Kudusen yig nitukon etno fam At Kristus Yesus ninim dambuksep nisaharisireg nilukep naharisi-o. Eke ariroho nilukep naharisireg fam, alem dag surukon inim, waratukon inim nobam werehon epmano elehep naharisi-o.

Roma 8:34

Eke ari halug, ap misihen inoag deloko o dagma imbisahu ano? Ari eleg-o. Eke At Kristus Yesus warapahon oke, fobik iluksoho minduhupfebag etno hag alem suon neken wereg-o. Eke iluksoho minduhupfebareg fam, At Allah inggik bikit fil wereg-o. Ariroho wilil, Aren nit ninake Allah obam sembahyang uruk-o.

Roma 8:39

eke yi angge di angge wal hebahon etno inim, it obog epmanowen nit At Allah ninim hunduhuk welaheon etno healep nisahakup fug-o. Eke At Allah nit ninebe indi hunduhuk wereg ari, At Ninowe Yesus Kristus obam ebetuk nisalug, ninebe indi hunduhuk wereg-o.

Roma 8:4

Eke ariroho sebag ari, nit kweanmen sukon etno mutlug lao sohorep isalug, At Roh Kudusen yig nisarukon etno-at ninesanggo holtuk wilil, wene duroho suruk amuk eke duroho suruk am fug ulug fanoroho yig nisebahon etno ilitoho suruk amag ulug ariroho sebag-o.

Roma 8:9

Eke hit hag, kweanmen sukon etno mutlug laruk ahep fug du, At Roh Kudusen yig hisarukon etno-at mutlug laruk ahep-o. Eke At Roh Kudus etno hinindimu-at wereg-o. Eke ap misig At Roh Kudus indimu elehon halug, At Kristusen angge eleg-o.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

1 Korintus 15:22

Eke it aphe obog alem at ap Adam etno fam waratukon etno At Allahen it obog-at Kristus inuk fam iniluk inabuhu-o.

2 Korintus 12:2

Eke at ap Kristus awene warukon misig etno an niluk-o. Eke at ap etno empat belas tahun bilin welahoahon epmano fam ebe o boholma-at walug lahabag-o. Walug lahabag ari demat walug lahabagma yig hisamin ano, we i og hebahon etno farim yig hisamin ano an napeleg-o, At Allah akeleg-at iluk-o.

2 Korintus 5:17

Eke ari halug, ap misig At Kristus inim werehon ari ket wal sehon neken wereg-o, eke amukon etno arat eleg atisireg, ket wal sehon etno-at wereg-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.

Galatia 3:26

Eke At Kristus hinim wilil obam ebetuk ahep etno fam At Allah udaki-at welahep-o.

Galatia 3:28

Eke ari halug, it Yahudi ap inim, eke it bilin Allah wene inapeleg welatuson epmano inim, eke it ap inanggimbu, iniknisi epmano inim, eke ap inim, hweap inim, it dahan fahan wereg eleg-o. Eke hit At Kristus Yesus hinim misig-at welahep etno fam obog ilitoho-at welahep-o.

Galatia 5:16

Eke hit At Roh Kudusen yig hisarukon etno-at suruk amag ulug yig hisihi-o. Ari halug, hit it aphe kweanmonen alem dahon suruk etno hag suruk am fug-o.

Galatia 5:25

Eke At Roh Kudusen ninilukep nisaharisi etno hag nit ninindimu At Roh Kudusen yig nisaruk halug, ilitoho-at suruk amuk-o.

Efesus 1:1

An Paulus, At Allah ahla buruk apareg, At Yesus Kristus awene yig isil lawag ulug mondep nahabahon etnowen, hit Allah udaki o Efesus epmen At Yesus Kristus obam ebetuk wilil At awene eberoko waruk ahebon epmano holal du bal hisihi-o.

Filipi 3:9

an nebe fanowon-at welahi-o, ulug uruk etno hag, an nonggarehen nebe fanowon welahi ulug uruk ahi fug-o. Eke ariroho uruk eleg wilil, At Kristus inuk eberoko warikik etno fam At Allahen an nindi fanoroho welamon etno og nitisimu, At Kristus inuk fam an fanowon welahi-o ulug uruk ahi-o.