Roma 7:9 - Allah Wene Hurumbik Keron

⁹ Eke wene duroho suruk amuk eke duroho suruk am fug ulug ebahon etno napeleg wilil, nebe niluk welatikikon oke, eke fobik wene duroho suruk amuk eke duroho suruk am fug ulug ebahon etno fam alem du dag surukon-o, ulug niluk atuk atikikseg,

Roma 7:9 ပူးပေါင်းရင်းမြစ်များ

Matius 19:20

Yig ituk apagma, at udag etnowen yig ituk wilil, “Wene ehenon etno waruk wilil, nintul nantul ilitoho suruk ahi-o. Ari halug, nin fobik keroho sik-o?” ulug yig epag.

Lukas 15:29

Yig itision oke, at amloho manggia etnowen ikni yig ituk wilil, ‘Eleg-o, an hanggimbu neken wilil, tahun anggolo heyabuk fanoroho surukmu hune yig nitikinon epmano arat holtuk atikik-o. Holtuk atikikon oke, haren nongge og nitikin-o? Eke an nomini ninim esoho esebukag ulug wam kambing misig og nitikin fug-o.

Lukas 18:21

Yig ituk apagma, eke at etnowen yig ituk wilil, “Yu-o Nowe. An udag doron heheg, wene etno holtug suruk wilil, nintul nantul ilitoho-at suruk ahi-o.”

Roma 10:5

Eke wene duroho suruk amuk eke duroho suruk am fug ulug ebahon etno fam At Allah inim dambulukon etno at Musaen wene holal umburuk wilil, “Ap misihen wene duroho suruk amuk eke duroho suruk am fug ulug ebahon ilitoho suruk halug, alem etno fam iluk mondog welaruhu-o,” ulug ebahon oke, at obam ebetuk etno fam At Allah inim dambulukon etno wene holal umburuk wilil,

Roma 7:10

nebe etno waratuk ahi ulug nahla birikik-o. Eke wene duroho suruk amuk eke duroho suruk am fug ulug ebahon etno aphe iniluk inabukag ulug og nisebahon oke, an hag nebe nowatisi-o.

Roma 7:11

Eke wene duroho suruk amuk eke duroho suruk am fug ulug ebahon etno fam du dag surukon ulug yig nitukon etno alem neken weregma, at alem dag surukon etnowen nindi kahaltuk atisireg, nowatisi-o.

Roma 7:4

Eke ariroho suruk etno hag, hit hinebe ari ilitoho welahep-o. Eke wene duroho suruk amuk eke duroho suruk am fug ulug ebahon etno hinim welam sohorep isalug, hweap inahuni waratukmu suhwe wereg etno hag welatikipseg, hit hinebe At Kristus udaki atikip etno fam hinebe kidia Aren angge-at welahep-o. Ari halug, eke e anggen fanowon yihik wereg etno hag, ninebe At Allah il fam fanoroho welamag ulug At Kristus ebe etno aphe warehon wereg ambeg epmanowen iluksoho minduhupfebag-o.

Roma 7:6

Eke it hweap inahuni waratukmu suhwe wereg etno hag, wene duroho suruk amuk eke duroho suruk am fug ulug ebahon etno fam hele war ninapahon etno ninim welam sohorep isarukuk-o. Eke ari halug, wene duroho suruk amuk eke duroho suruk am fug ulug ebahon wene holal balfahon etno alem amukon at-o ulug ninahla buruk wilil, anggimbu neken welam sohorep isalug, kidia At Roh Kudusen yig nisarukon etno hag alem keron at-o ulug anggimbu welahe-o.

Roma 7:8

Eke wene duroho suruk amuk eke duroho suruk am fug ulug ebahon etno fam, du dag suruk, ulug yig nitukon etno alem neken weregma, at alem dag surukon etnowen nindi kahaltuk wilil, yi angge di angge obog hulik ulug hindi eberin-o ulug yig nituk-o. Eke wene duroho suruk amuk eke duroho suruk am fug ulug ebahon etno ebe eleg welatlepmen, alem du dahon ulug ninindi ebebukon etno ninapeleg-at welatlo-o.

Roma 8:7

Eke ari fam, at misig kweanmen surukon etno-at ahla buruk halug, At Allah inim healeg wereg-o. Ariroho wilil, At Allahen wene duroho suruk amuk eke duroho suruk am fug ulug ebahon etno ilitoho suk hai atuken esanggo holtuk eleg-o.

Galatia 2:19

Eke wene duroho suruk amuk eke duroho suruk am fug ulug ebahon etno anden ilitoho siog ulug sirikikon etno hai atisireg fam, alem dahon etno-at nobam wereg heheg nebe warehon neken welatikikon oke, eke kidia At Allahen wene duroho suruk amuk eke duroho suruk am fug ulug ebahon etno ilitoho siog ulug niluk-at welahi-o.

Galatia 3:10

Eke it obog Yahudi aben wene duroho suruk amuk eke duroho suruk am fug ulug ebahon etno suog ulug surukon ari wene homali neken inobam wereg-o. Eke ari halug, alem ari fam Alkitab etnowen yig nisaruk wilil, “It obog Yahudi aben wene duroho suruk amuk eke duroho suruk am fug ulug ebahon etno obogsoho suruk eleg isalug, wene homali etno inobam umburuk-o,” ulug ariroho yig nisebag halug, it aphe obog Yahudi aben wene duroho suruk amuk eke duroho suruk am fug ebahon etno ilitoho suruk isalug, etno fam At Allahen alem dahon inobam werehon epmano elehepfuhu fug-o.