Roma 7:4 - Allah Wene Hurumbik Keron

⁴ Eke ariroho suruk etno hag, hit hinebe ari ilitoho welahep-o. Eke wene duroho suruk amuk eke duroho suruk am fug ulug ebahon etno hinim welam sohorep isalug, hweap inahuni waratukmu suhwe wereg etno hag welatikipseg, hit hinebe At Kristus udaki atikip etno fam hinebe kidia Aren angge-at welahep-o. Ari halug, eke e anggen fanowon yihik wereg etno hag, ninebe At Allah il fam fanoroho welamag ulug At Kristus ebe etno aphe warehon wereg ambeg epmanowen iluksoho minduhupfebag-o.

Roma 7:4 ပူးပေါင်းရင်းမြစ်များ

Matius 26:26

Yig ituk apareg, orom naruk wilil, At Yesus etnowen orom roti inggikmu waruk apareg, seneg wilil, “Nikni Allah wa,” ulug sembahyang uruk apareg, omini etno kut kut og isaruk wilil, “Orom du An nebe ilitoho-at-o, hit holalug amiek-o,” ulug yig isebag.

Markus 4:20

Eke i kwean sinon fam kililtil lebag etno hag ari, it nin wene inesanggo holtuk wilil, eberoko warukon epmano anggen yihiruk wilil, misig anggen tiga puluh yihiruk-o, eke misig anggen enam puluh yihiruk-o, eke misig anggen seratus yihiruk-o,” ulug yig isebag.

Yohanes 15:8

Eke hiren anggen anggolo yihikup epmano fam, An Nikni inuk suontepfuhup-o.

Yohanes 3:29

Eke hwe misig ahun etnowen-at uhwe holaruk-o. Eke at hwe etno ahun omini epmano inim dambuksoho wilil, at ahun etno une inesanggo holtug inahien haruk-o. Ari ilitoho at une etno nesanggo holtug nahien haruk ahi-o.

Yohanes 6:51

Eke orom iniluk inaptukon boholmen ambik waharision etno ari An at-o. Eke orom roti iniluk inaptukon etno naruk isalug, iniluk mondog welamuhup-o. Eke orom roti Anden og isahukon ari, it yi aphe di aphe kweanmon obog-at iniluk welamag ulug An nebe etno-at og isahuk-o,” ulug yig isebag.

Roma 6:11

Eke ari halug, hiren nit dag suruk aheon epmano sohorep isuog ulug warehon neken welaheon oke, At Kristus Yesus ninim wilil, At Allah ninim welamuog ulug niniluk welahe-o, ulug hinindi eberiuk-o.

Roma 6:14

Eke at alem dag surukon etno hinowe suon neken welam ari hai-o. Eke hit wene komo yig hisebahon etno apma neken welahep fug-o. At Allahen-at hinabua hisaruk heheg welahep-o.

Roma 6:2

Ari eleg-o. Eke nit hag dag suruk aheon epmano sohorep isuog ulug waratukukseg fam, keroho dag-at suruk amuhuk-o?

Roma 6:22

Ari halug, eke kidia hag, alem dag surukon epmano sohorep isalug, At Allah anggimbu-at welahep-o. Ariroho welahep etno fam, fanoroho suruk amon etno-at suog ulug wereg hiseheg, fobik hiniluk mondog welamon etno-at og hisahu-o.

Roma 7:3

Eke ari halug, at ahun ebe awan iluk wereg heheg, ap misig holaruk halug, ahun etno-at ilag waruk-o. Eke at ahun etno waratuk halug, at hwe etno suhwe atlug ap misig holaruk halug, ahun etno-at ilag waruk eleg-o.

Roma 7:6

Eke it hweap inahuni waratukmu suhwe wereg etno hag, wene duroho suruk amuk eke duroho suruk am fug ulug ebahon etno fam hele war ninapahon etno ninim welam sohorep isarukuk-o. Eke ari halug, wene duroho suruk amuk eke duroho suruk am fug ulug ebahon wene holal balfahon etno alem amukon at-o ulug ninahla buruk wilil, anggimbu neken welam sohorep isalug, kidia At Roh Kudusen yig nisarukon etno hag alem keron at-o ulug anggimbu welahe-o.

Roma 8:2

Eke At Roh Kudusen yig nitukon etno fam At Kristus Yesus ninim dambuksep nisaharisireg nilukep naharisi-o. Eke ariroho nilukep naharisireg fam, alem dag surukon inim, waratukon inim nobam werehon epmano elehep naharisi-o.

1 Korintus 10:16

Eke ambusu honanggowon nit At Allah wa yig itlug naruk aheon etno ari, At Kristus amep etno ninim hunduhuk welahe ano, eleg ano? Eke orom roti nit kuroko naruk aheon ari At Kristus ebe ninim hunduhuk welahe ano, eleg ano?

2 Korintus 11:2

Eke At Allahen ahmu hisaruk etno hag, an ariroho-at nahmu hisaruk ahi-o. Eke hweap duhumon ap misig-at abug yig ituk etno hag, hit hinebe At Kristus-at og iruhuk ulug nahla buruk wilil, hinindi yabuk suruk ahi-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.

Galatia 5:18

Eke At Roh Kudusen yig hisarukon etno demat suruk ahep halug, it Yahudi aben wene duroho suruk amuk eke duroho suruk am fug ulug ebahon etno anggimbu neken welahep fug-o.

Efesus 2:15

Eke it Yahudi aben wene duroho suruk amuk eke duroho suruk am fug ulug komo yig isebahon etno elegsoho umburuk atisireg, it inungguluag biren neken welatuson epmano misig-at welamag ulug wal haruk wilil, it inim At inim dambuk atusa-o.

Filipi 1:11

Eke ariroho wereg hisalug, yi angge di angge At Yesus Kristusen fanoroho suruk amon etno obogsoho og hisaruk aruhumu, ilitoho-at suruk amuhupseg fam, At Allah inuk-at suontepfuruk amuhup-o.

Filipi 4:17

Eke an yi angge di angge heahil sil nuruk ahi fuhon oke, eke hiren og nitikip etno fam, it Filipi aphe anggen fanowon yihiruk ari, At Allahen onggo og isahu ari nahla buruk ahi-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

Kolose 1:22

Hinebe At udaki atikipseg fam, hinindi dahon sohorep isalug, hinobabut motoho hinombisaharuk atisireg, at olohotma hinombisaharisi-o.

Kolose 1:6

Eke wene fano wene ari o ahik ya da ya laheg da laheg suruk halug, hit weregma-at waharisi-o. Waharukmu, At Allah ahien inobam umburuk halug, hit ariroho-at hinesanggo holtikipseg fam At Allah ahien hinobam umburuk-o.

Kolose 2:14

Hit dag suruk atikibon epmano hinaholal baleg weregma oag del hinaplep oke, eke hit hinaholal etno senetuk apareg, e salib etno fam warepfebag-o. Warepfuruk apareg, hit dag suruk atikibon epmano hinapelegsoho At apma hinombisahabag-o.

Kolose 2:20

Eke At Kristus warapag etno hag hit hinindi amukon etno sohorep isarikipseg oke, keroho ulug it yi ap di ap kweanmon inune holtuk ahep-o? Eke keroho ulug it kweanma suon neken werehon epmano inobam hinindi ebetuk ahep-o?

Ibrani 10:10

Eke At Yesus Kristus etno At Allahen du suhu ulug ahla bebahon etno ilitoho suruk wilil, At ebe nit obog ninonggo inggik misihim-at Allah ake ombatebag etno fam, niren dag suruk aheon epmano sohorep isalug, ninindi ho ninaptuk-o.

1 Petrus 2:24

Eke At Kristus niren dag suruk atukukon epmano omalo fam walug e fam lenggaloko embebag etno niren dahon sohorep isalug fanowon-at suruk amag ulug embebag-o. Eke it epmanowen At ebe ele suon wapag etno fam, hinebe fano atikip-o.

Wahyu 19:7

Ariroho weregma, ninahien haruk wi­lil, At Allah inuk-at suontepfuruk amuk-o. Eke ap misihen uhwe holaruk etno hag, kidia At Wam Domba Udag etno udaki inim wela­mon etno horog fanggog ehek-o.

Wahyu 21:9

Eke fobik it malaikat inebe sabiren angge ik oag olokon senetuson etno at misig nambeg waharuk atisireg, yig nituk wilil, “At Yesus udaki welamuhup ambeg epmano yanggul hipminen ma-o,” ulug yig nitisi-o.