Roma 7:24 - Allah Wene Hurumbik Keron

²⁴ Eke an nebe etno fanoroho welahi fug-o. Eke an nebe etnowen waramon etno-at huliog ulug suruk oke, at sen nili wahu-o?

Roma 7:24 ပူးပေါင်းရင်းမြစ်များ

Matius 5:4

Eke hit hinindi dag atuk ahebon halug, wa. Hinindi fano hinabuhu-o.

Matius 5:6

Eke hit At Allahen yig nisarukon etno-at suk ninindi-o ulug hinahla buruk ahebon halug, wa. At Allahen ilitoho-at og hisahu-o.

Lukas 4:18

“An Allah Ahurangge ninim welahe-o. Ninim wilil, Aren aphe inaharek elehon epmano wene fano wene etno yig isawag ulug minduhup naharuk wilil, ambusu amben fanowon etno nobam deltisi-o.

Roma 6:6

Eke an yig hisaminon du niniluk-at welahe-o. Eke At Kristus e fam lenggaloko embebagma warapag etno hag, nit ninindi amukon epmano ariroho-at waratisi-o. Eke ariroho alem dag suruk aheon epmano oag elegsoho imbisalug, fobik dag surukon epmano anggimbu neken welahe ha nowen ulug ninindi amukon epmano arat waratisi-o.

Roma 8:13

Eke kweanmen surukon epmano mutlug laruk hisalug, mondog-at waramuhup-o. Eke At Roh Kudus etno fam kweanmen dag suruk ahebon epmano waroko neken imbisaruk hisalug, hinebe mondog-at hiniluk welamuhup-o.

Roma 8:2

Eke At Roh Kudusen yig nitukon etno fam At Kristus Yesus ninim dambuksep nisaharisireg nilukep naharisi-o. Eke ariroho nilukep naharisireg fam, alem dag surukon inim, waratukon inim nobam werehon epmano elehep naharisi-o.

Roma 8:23

Ariroho suruk ari, it yi angge di angge wal hebahon epmano inakelehen-at hinel watuk eleg-o. Eke nit bilin alem neken At Roh Kudusen og nisarision etno fobik og nisawon etno aso wilil, At Allahen At udaki mondog welamag ulug ninombisahukon etno inim, eke ninebe fanoroho suontep nisahukon etno inim aso wilil, hinel watuk ahe-o.

Roma 8:26

Eke ari ilitoho, nit ninindi oag elehon etno At Roh Kudus etnowen yalmag nisaruk-o. Eke nit hag fanoroho wilil sembahyang uruk amon etno keroho uk-o? ulug ninapeleg niseheg, At Roh Kudus etnowen une niren uk haion etno fam ninake At Allah obam sembahyang uruk-o.

Kolose 2:11

Ari halug, hit it Israel ap suruk etno hag, hiniyunggul ambilik balfag fug-o. Hit hinindi dahon etno At Kristus inuk fam sohorep isawag ulug, hinindi ayeg waroko hinombisahabag-o.

2 Timotius 4:18

Eke it apheyen dahon epmano nobam umburukmu At Allahen nili waruk aruhu-o. Nili waruk aruhureg, boholma At wereg ambeg epma nombahaku-o. Ari halug At inuk-at nintul nantul suontepfuruk amuk-o, ulug an demat yig hisaruk ahi-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 2:15

it aphe waramon etno nintul nantul iniluk wilil inakolen suruk etno fam at iblis anggimbu welapahon etno it inilioko imbisebag-o.

Wahyu 21:4

Eke yi angge di angge amukon epmano elehep isari­sireg fam, At Allahen inil ambusu ho inabuhu-o. Waratukon alem etno eleg welaruhu-o. Eke ioba yatukon etno inim, yahan watukon etno inim, uk warukon etno inim, yi angge di angge satoho surukon alem etno inim eleg welaruhu-o,” ulug ariroho yig nituk­mu holtikik-o.