Roma 7:14 - Allah Wene Hurumbik Keron

¹⁴ Eke wene duroho suruk amuk eke duroho suruk am fug ulug ebahon etnowen hinindi duroho welamiek ulug yig nisaruk ari niniluk oke, eke an nebe kweanmon etno hag dag surukon etno anggimbu neken welahi-o.

Roma 7:14 ပူးပေါင်းရင်းမြစ်များ

Roma 7:18

Eke ari halug, an nobam alem fanoroho surukon etno mondog eleg ulug niluk-o. Eke an fanowon du suhuk ulug nahla buruk ahion oke, anden ilitoho sukon etno hai atuk-o.

Efesus 3:8

Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,

Matius 5:28

‘Hat misihen hwe du herako sik-o,’ ulug hilanggen kolap hahun ari fam, hindimuen-at herahakun-o.

Matius 5:22

Hini­luk welatikipseg oke, eke Anden yig hisa­ruk wilil, ‘At ap misi­hen alem eleg heheg omin misig indi olok atuk halug, oag del­tuk aruhu-o.’ Eke at misihen, ‘Nomin du nambit-o,’ ulug yig ituk halug, aphe dohaleg inahlen oag deluhup-o. Eke at misihen, ‘Nomin du waramag-o,’ ulug yig ituk halug, hondok olokma umbu­hu-o.

Lukas 7:6

At Yesus etno inim lebag. At ap uk warehon ibam etno horog fanggog ik lebareg wereg iseheg, eke at inowe etnowen osi nin fobik At Yesus ambeg lahap isebag. Lahap isaruk apagma, waharuk apareg yig isaruk wilil, “Ninowe-o, Hat hebe suon atma, Hat an nambeg wam ari hai-o.

Lukas 5:8

Eke ikan anggolo wapahon epmano at Simon Petrus ilanggen haruk apareg, indibahal yungguksoho horie uruk apareg, At Yesus yig ituk wilil, “Nowe-o, an ap dahon atma, sohorep nahalug wilip amin-o,” ulug yig ituk apagma,

Matius 18:25

Imbik waharuk apagma, at ap nomat anggolo obam werehon etnowen aharek elehen onggo og um hai apag. Hai atuk apagma, at inowe suon etnowen it osi epmano yig isaruk wilil, ‘Ap du inim, eke uhwe udaki aharek inim obog-at onggo baloko uang anggen etno an og nimuk-o,’ ulug yig isebag.

Matius 16:23

At Yesus etnowen olohore dahagsoho at Petrus etno yig ituk wilil, “Hat iblis nambolma welahen ari wilip amin-o. Haren An nolohot baltuk ahen-o. Eke hat At Allahen indi ebetuk etno hag ebetuk ahen fug-o. It apheyen inindi bulug uruk etno hag ehen hihi-o,” ulug yig epag.

Ibrani 4:12

Eke At Allahen wene ebahon etnowen niniluk ninaptuk wilil, oag weregsoho-at suruk-o. Eke karog enggat femag femag werehon etno enggat wereg-at oke, eke At Allah wene etno hag, mondog enggat werehon-at wilil, aphe inindi fam inim, inomanggen fam inim, inoag abohe fam inim, kuruk-o. Ariroho kuruk wilil, it apheyen du nindi ulug inahla burukon etno inim, eke inindi ebetukon etno inim obog-at selegmaroho bukaloko oag deltuk-o.

Roma 3:9

Eke ari halug, nit Yahudi ap hag fano, it ap Allah wene inapelehon epmano hag dag-o ulug ariroho uk ari fano behep ano? Ari eleg-o. Eke it Yahudi ap inim, eke it Allah wene inapelehon epmano inim obog-at dag sukon epmano-at mutlug laruk-o ulug bukaloko yig hisihi-o.

Roma 6:6

Eke an yig hisaminon du niniluk-at welahe-o. Eke At Kristus e fam lenggaloko embebagma warapag etno hag, nit ninindi amukon epmano ariroho-at waratisi-o. Eke ariroho alem dag suruk aheon epmano oag elegsoho imbisalug, fobik dag surukon epmano anggimbu neken welahe ha nowen ulug ninindi amukon epmano arat waratisi-o.

Galatia 4:3

Eke ari ilitoho nit ninindi ebetuk aheon etno awan su atuk eleg heheg, walhan du at-o, ulug at anggimbu neken uruk atukuk-o.