Roma 7:1 - Allah Wene Hurumbik Keron

¹ Nomini-o, at Musaen wene duroho suruk amuk eke duroho suruk am fug ulug ebahon etno hiniluk halug, anden yig hisaminon etno hinindi ebetlihip-o. Ari halug, ap misig iluk wilil, uhwe inim welamag ulug yig nisaruk-o.

Roma 7:1 ပူးပေါင်းရင်းမြစ်များ

Roma 1:13

Ariroho suhuk ari, hiren wene fano wene wawag ulug nilanggen hahukon etno o ari sambit yig isa lahuk-o, ulug nintul nantul nahla birikikon oke, hai atisi-o ulug hinindi ari ebetuk amuk-o, nomini. Eke hit yig hisahuk ulug nindi ebetikikon ari, it nin bilin Allah wene inapeleg welatuson yig isarikikmu warusa etno hag, hit fanoroho wawag ulug nindi ebetikik-o.

Roma 10:1

Ari halug, nomini-o. It Israel ap an nungguluahon epmano inili wawag ulug nahmu iseheg, eke inake Allah obam sembahyang eheg suruk ahi-o.

Roma 10:4

Eke At Kristusen bilin wene duroho suruk amuk eke duroho suruk am fug ulug ebahon etno ilitoho sebag etno fam, it yi aphe di aphe At obam ebetuk isalug, At Allahen alem dahon inobam werehon epmano elegsoho imbisalug At inim dambultuk-o.

Roma 6:14

Eke at alem dag surukon etno hinowe suon neken welam ari hai-o. Eke hit wene komo yig hisebahon etno apma neken welahep fug-o. At Allahen-at hinabua hisaruk heheg welahep-o.

Roma 6:3

Ari halug, eke an yig hisaminon du hit hiniluk at-o. Eke nit At Kristus Yesus ninim welamag ulug ikma belap ninaptusa ari, At ninim-at waramag ulug ikma belap ninaptusa-o. Eke ariroho ikma belap ninaptusareg fam, At warapag etno hag waratukuk etno fam At ninim dambuksoho o wikelma kolap nisaharusa-o.

Roma 7:6

Eke it hweap inahuni waratukmu suhwe wereg etno hag, wene duroho suruk amuk eke duroho suruk am fug ulug ebahon etno fam hele war ninapahon etno ninim welam sohorep isarukuk-o. Eke ari halug, wene duroho suruk amuk eke duroho suruk am fug ulug ebahon wene holal balfahon etno alem amukon at-o ulug ninahla buruk wilil, anggimbu neken welam sohorep isalug, kidia At Roh Kudusen yig nisarukon etno hag alem keron at-o ulug anggimbu welahe-o.

Roma 9:3

Eke it nomini ari inake At Allahen wene homali neken nobam umburuk wilil, At Kristus ninim healep nahuk ari fano ulug nahla bele-o.

1 Korintus 9:8

Eke an nune ihi ari, it apheyen surukon epmano ilitoho yig hisihi-o. Eke Allah wene duroho suruk amuk eke duroho suruk am fug ulug ebahon etnowen ariroho-at ilitoho neken yig nisaruk-o.

Galatia 4:21

Eke hit Yahudi aben wene duroho suruk amuk eke duroho suruk am fug ulug ebahon etno mutlug lahuk ulug hinahla buruk ahebon oke, hit wene ari hinesanggo holtuk ahep fug ano?