Roma 6:6 - Allah Wene Hurumbik Keron

⁶ Eke an yig hisaminon du niniluk-at welahe-o. Eke At Kristus e fam lenggaloko embebagma warapag etno hag, nit ninindi amukon epmano ariroho-at waratisi-o. Eke ariroho alem dag suruk aheon epmano oag elegsoho imbisalug, fobik dag surukon epmano anggimbu neken welahe ha nowen ulug ninindi amukon epmano arat waratisi-o.

Roma 6:6 ပူးပေါင်းရင်းမြစ်များ

Roma 6:12

Eke hit hinobabut amukon epmano wilil, hit hinindien bulug sirikibon epmano sohorep isuog ulug, alem dag surukon etnowen hit hinebe waramuhubon etno oag weregsoho seberep hisahuk nowen ulug yig hisihi-o. Eke hit hinebe atog-atog etnowen dag sehe ha nowen ulug alem dag surukon epmano apma seberoho welam fug-o.

Roma 6:22

Ari halug, eke kidia hag, alem dag surukon epmano sohorep isalug, At Allah anggimbu-at welahep-o. Ariroho welahep etno fam, fanoroho suruk amon etno-at suog ulug wereg hiseheg, fobik hiniluk mondog welamon etno-at og hisahu-o.

Roma 7:14

Eke wene duroho suruk amuk eke duroho suruk am fug ulug ebahon etnowen hinindi duroho welamiek ulug yig nisaruk ari niniluk oke, eke an nebe kweanmon etno hag dag surukon etno anggimbu neken welahi-o.

Roma 8:13

Eke kweanmen surukon epmano mutlug laruk hisalug, mondog-at waramuhup-o. Eke At Roh Kudus etno fam kweanmen dag suruk ahebon epmano waroko neken imbisaruk hisalug, hinebe mondog-at hiniluk welamuhup-o.

2 Korintus 5:14

Eke at ap misig etno aphe obog inake-at warapag-o ulug ninahla buruk wilil, At Kristusen ninebe indi hunduhuk wereg etno fam ilitoho-at suog ulug suruk ahe-o. Eke At ebe nit aphe obog ninake warapag halug, nit obog At ninim waratuk soag-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Galatia 5:24

Eke it At Yesus Kristus udaki epmanowen it aphe kweanmon yi angge di angge inindien dag surukon epmano obog-at elegsoho imbisarusa-o.

Galatia 6:14

Eke an hag, At Ninowe Yesus Kristus e fam lenggaloko embebagma, nit ninake warapahon etno inuk-at suontepfuruk aruhuk-o. Eke at ebe ariroho an nake warapareg fam, yi angge di angge it ap kweanmonen surukon epmano elegsoho imbisaruk ahi-o. Eke it aphe kweanmonen an nebe inapeleg neken atisi-o.

Efesus 4:22

Eke ari halug, hit bilin kwalem dahon etno laruk wilil, hinindi dahon wilil, hinebe dahapsarikibon oke, kidia hinobabut amukon etno obogsoho sohorep isiek-o.

Kolose 3:5

Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,

Titus 3:3

Eke nit bilin ariroho-at urunanggeroho wilil, ninik­nisi inune holeheg eleg-at dag suruk atukuk-o. Eke nit ninin­dien-at yi dag di dag suruk atukuk-o. Eke nit nambit ham­bit uruk wilil, niren it aphe ninambit hun inabeheg, eke it apheyen nit inambit hun ninabeheg suruk atukuk-o.