Roma 6:4 - Allah Wene Hurumbik Keron

⁴ Ariroho kolap nisaharusareg fam, At Kristus Ikni suon oag werehon etnowen iluksoho minduhupfebag etno hag, nit ariroho ninindi keron neken niniluk atlug welamag ulug minduhup nisaharisi-o.

Roma 6:4 ပူးပေါင်းရင်းမြစ်များ

Yohanes 11:40

Yig ituk apagma, At Yesusen yig ituk wilil, “Anden bilin hat hindimu demat ulug ebetuk healug, At Allahen sukfuganggeroho surukmu hamihin-o, ulug yig hirihi etno hat hapeleg ahenteg uruk ahen ano?” ulug yig epag.

Yohanes 2:11

Yig ituk apagma, At Yesus etno o Kana Galilea epmen alem sukfuganggeroho suruk apag ari fam, ap du suon ulug selegma atuk apagma, At omini epmanowen At obam demat ulug ebetuk apag.

Kisah Para Rasul 2:24

Ariroho watikibon oke, eke At Allahen it warehon wereg ambeg epmanowen iluksoho minduhupfirisi-o. Minduhupfirisi ari it warehon hinel watuk ambeg welam hai buruk atisireg, minduhupfirisi-o.

Kisah Para Rasul 2:32

At Allahen Yesus it aphe warehon wereg ambeg epmanowen minduhupfirisi-o. Ariroho minduhupfirision etno niniluk wilil yig hisaruk ahe-o.

Roma 6:19

Eke hit hinindi fanoroho ebebukag ulug, nune it apheyen uruk etno hag-at yig hisihi-o. Eke o amuk dag-at suruk wilil, hit hinebe dag surukon epmano anggimbu neken welamuog ulug apma seberepataruk atikibon oke, kidia hag fanoroho-at suruk wilil, alem fanoroho surukon etno anggimbu neken welamuog ulug hit hinebe obogsoho apma seberepataruk amuk-o.

Roma 6:3

Ari halug, eke an yig hisaminon du hit hiniluk at-o. Eke nit At Kristus Yesus ninim welamag ulug ikma belap ninaptusa ari, At ninim-at waramag ulug ikma belap ninaptusa-o. Eke ariroho ikma belap ninaptusareg fam, At warapag etno hag waratukuk etno fam At ninim dambuksoho o wikelma kolap nisaharusa-o.

Roma 6:8

Eke nit At Kristus ninim waratuk soag halug, nit At ninim-at niniluk welamuhuk ulug ninahla buruk ahe-o.

Roma 6:9

Eke At Kristus etno it aphe warehon wereg ambehen iluksoho minduhupfebareg fam, fobik wararuhu fug ulug niniluk at-o. Eke alem waratukon etnowen At Kristus etno seberoho umbuhu fug-o.

Roma 7:6

Eke it hweap inahuni waratukmu suhwe wereg etno hag, wene duroho suruk amuk eke duroho suruk am fug ulug ebahon etno fam hele war ninapahon etno ninim welam sohorep isarukuk-o. Eke ari halug, wene duroho suruk amuk eke duroho suruk am fug ulug ebahon wene holal balfahon etno alem amukon at-o ulug ninahla buruk wilil, anggimbu neken welam sohorep isalug, kidia At Roh Kudusen yig nisarukon etno hag alem keron at-o ulug anggimbu welahe-o.

Roma 8:11

Eke At Allah At Yesus it aphe warehon wereg ambehen iluksoho minduhupfebahon etno Roh Kudus hinindimu wereg halug, At Kristus it aphe warehon wereg ambehen iluksoho minduhupfebahon etnowen At Roh Kudus etno hinindimu og hisaruk wilil, hinebe waramuhubon epmano hinilukep hisahaku-o.

1 Korintus 6:14

Eke At Allahen Ninowe inuk suon etno iluksoho minduhupfebag etno hag, eke nit inim-at oag weregsoho min ninabuhu-o.

2 Korintus 13:4

Eke At ebe oag elehon neken e fam lenggaloko embebagma warapahon oke, At Allahen oag werehon etno-at og epagma, ebe iluk wereg-o. Eke nit At Kristus ninim wilil, At il fam ninoag elehon-at oke, eke fobik hit hineyabuk suruk nisalug, At Allahen oag werehon etno og nisaruk aruhumu, At Kristus ninim niniluk-at welamuhuk-o.

2 Korintus 5:17

Eke ari halug, ap misig At Kristus inim werehon ari ket wal sehon neken wereg-o, eke amukon etno arat eleg atisireg, ket wal sehon etno-at wereg-o.

Efesus 4:17

Eke ari halug, At Ninowe inuk fam nune oag weregsoho yig hisaruk ahi-o, eke it ap Allah wene inapelehon epmano inindimu urunanggeroho ebetuk wilil o hikmu werehon epmano ilitoho suruk am fug-o.

Efesus 5:8

Eke hit bilin o hikmu welatikibon oke, At Ninowe udaki atikipseg, o selegma-at welahep-o. Eke ariroho wilil, at o seleg udaki wereg etno hag welamuk-o.

Kolose 3:10

Eke alem keron ari, At Allah aphe inebe wal hebahon etnowen inobabut ketoho imbisaruk-o.

Kolose 4:1

Eke hat ap misig suon wilil, hanggimbu heyabuk surukon etno yikangge war inabeheg, eke winimug yig iseheg suk fug-o. Eke hat hune fanoroho-at yig isahun-o. Eke an Nowe boholma werehon etnowen ilanggen nearuk-o, ulug hahla buruk amuk-o.

1 Petrus 3:21

Eke amuk iken war inabuk nowen ulug inili webag etno hag, kidia ikma belap hinaptuk ari fam hinili waruk-o. Ari hinebe finggi etno eleg amag ulug ikma belap hinaptuk eleg-o. Hinindi Allah hinim hunduhuk wilil, hinobabut fanowon-at welamag ulug ikma belap hinaptuk-o. Ikma belap hinaptukon alem ari, At Yesus iluksoho minduhupfebag etno fam ikma belap hinaptuk-o. Eke At Yesus iluksoho minduhupfebagma,

1 Yohanes 2:6

Eke Allah ninim welahe-o, ulug uruk halug, At Yesus Kristus etnowen sebag etno ilitoho suk fano-o.