Roma 6:3 - Allah Wene Hurumbik Keron

³ Ari halug, eke an yig hisaminon du hit hiniluk at-o. Eke nit At Kristus Yesus ninim welamag ulug ikma belap ninaptusa ari, At ninim-at waramag ulug ikma belap ninaptusa-o. Eke ariroho ikma belap ninaptusareg fam, At warapag etno hag waratukuk etno fam At ninim dambuksoho o wikelma kolap nisaharusa-o.

Roma 6:3 ပူးပေါင်းရင်းမြစ်များ

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

Kisah Para Rasul 19:5

Yig isaruk atisimu, inesanggo holtusa. Inesanggo holtuk atusama, At Ninowe Yesus inuk fam ikma belap inaptusa.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 8:16

eke it Samaria aphe epmano At Ninowe Yesus inuk fam ikma belap inapahon oke, Roh Kudus awan inobam belabik waharuk elehen sembahyang uruk apag.

Roma 6:16

Eke an yig hisaminon du hiniluk welamuk-o. Eke hiren ap misig une hinesanggo holuog ulug apma seberoho welamuhup halug, ap une hinesanggo holtuk amuhubon etno anggimbu-at welamuhup-o. Eke ariroho wilil, dag urukon epmano apma seberoho welamuhup halug, mondog-at waramuhup-o. Eke At Allah une holtuk wilil apma seberoho welamuhup halug, At hinim-at fanoroho wilil dambuksoho welamuhup-o.

Roma 6:8

Eke nit At Kristus ninim waratuk soag halug, nit At ninim-at niniluk welamuhuk ulug ninahla buruk ahe-o.

Roma 7:1

Nomini-o, at Musaen wene duroho suruk amuk eke duroho suruk am fug ulug ebahon etno hiniluk halug, anden yig hisaminon etno hinindi ebetlihip-o. Ari halug, ap misig iluk wilil, uhwe inim welamag ulug yig nisaruk-o.

1 Korintus 10:2

Eke it epmano henaen og inaptuk apagma, it obog-at ik obahare baloko lebag etno fam at Musa inim obog-at ikma neken belap inaptuk apag-o.

1 Korintus 12:13

Eke At Allahen nit obog-at Roh Kudus misig etno Kristus ebe misig-at amag ulug belap nisa wapag. Eke it Yahudi ap inim, eke it Yunani ap inim, eke it aphe inanggimbu epmano inim, eke it unde werehon epmano inim, obog ninebe misig-at amag ulug ikma belap ninapag. Eke nit obog At Roh Kudusen ambusu etno misig-at og nisebagma, naruk ahe-o.

1 Korintus 15:29

Eke ari halug, it ap waratuson inubulukmu ikma belap inabukon ari keroho ulug suruk-o? Eke it waratuson epmano minduhup isahu fug ulug uruk atlepmen, keroho ulug inubulukmu ikma amburuk atlep-o?

1 Korintus 3:16

Eke hit hinebe At Allah ifaleg neken-at welahep oke, eke hit At Roh Kudus etno ninindimu wereg eleg buruk ahep ano?

1 Korintus 5:6

Eke hiren an suon hat suon uruk atikip etno famen fano sirikip fug-o. Eke roti su amag ulug dorat deloko belapfurukon etno fam obog-at su atuk etno hit hinapeleg neken welatikip ano?

1 Korintus 6:19

Eke At Allahen Roh Kudus etno og hisarisireg fam Roh Kudus etno hinindimu weregma, hit hinebe Roh Kudus etno ifaleg neken welahep ari, hit hinapeleg ano?

1 Korintus 6:9

Eke it aphe dag surukon epmano fobik At Allah weregma lahup fug etno hit hinapeleg ano? Hinindimuen hinenggal-at ebetuk am fug-o.

1 Korintus 9:13

Eke it ap At Allah ibam yabuk surukon epmano Allah ake umburukon epma naruk wereg-o; eke it Allah ake umburuk ambeg imbik larukon epmano At Allah ake nin minggiroko naruk etno hit hiniluk-o.

1 Korintus 9:24

Eke o buahen laruk ambeg epma it kwalema buahen larukon epmano obog-at buahen larukon oke, ap misig akeleg-at onggo holaruk ari hit hinapeleg ano? Eke ari halug, hit onggo fanowon epmano holahuken ulug buahen laruk amiek-o.

2 Korintus 13:5

Eke hit hag, nit demat Yesus obam ebetuk ahe ano ulug hinonggarehen hinahla buruk wilil, hinaren bal saruk amuk-o. Eke hit hinobabut dag suruk eleg hisalug, At Kristus Yesus hinindimu wereg etno hit hinapelehen suruk ahep ano?

Galatia 3:27

Eke hit hinebe At Kristus hinim welamag ulug ikma belap hinaptusareg fam, At Kristus obabut fanowon etno holarikip-o.

Yakobus 4:4

Eke hit hinindi fanoroho ebetuk ahep fug-o. It kweanmen dag surukon epmano ninim dambuksoho wereg nisalug, At Allahen sohorep nisaharuk-o. Eke it kweanmen dag surukon epmano nomin ulug inim wereg isalug, ari At Allah inim healeg wereg-o.

1 Petrus 3:21

Eke amuk iken war inabuk nowen ulug inili webag etno hag, kidia ikma belap hinaptuk ari fam hinili waruk-o. Ari hinebe finggi etno eleg amag ulug ikma belap hinaptuk eleg-o. Hinindi Allah hinim hunduhuk wilil, hinobabut fanowon-at welamag ulug ikma belap hinaptuk-o. Ikma belap hinaptukon alem ari, At Yesus iluksoho minduhupfebag etno fam ikma belap hinaptuk-o. Eke At Yesus iluksoho minduhupfebagma,