Roma 6:23 - Allah Wene Hurumbik Keron

²³ Eke dag surukon ari onggo waratukon etno-at og isaruk-o. Eke At Allahen ninabua nisaruk wilil onggo eleg yuhun-at og nisarukon ari, At Ninowe Yesus Kristus ninim niniluk mondog welamon etno-at og nisaruk-o.

Roma 6:23 ပူးပေါင်းရင်းမြစ်များ

Yohanes 3:36

Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Roma 5:12

Eke at ap misig akelehen sebareg fam o kweanma duma alem dag surukon epmano wereg apag ari fam, alem waratukon etno inim-at wereg apag-o. Ariroho wereg apagma, it yi aphe di aphe obohen-at dag sebareg fam, nit o ahik ya da obog-at waratuk ahe-o.

Yakobus 1:15

Eke inobabut etno fam dag surukon alem ari at-o. Eke dag surukon etno wereg halug, waratukon alem ari at-o.

Yohanes 6:40

eke fobik ahla bebahon misig yig nituk wilil, it yi aphe di aphe obohen Namloho hat inilanggen heahupseg, hobam ebetuk isalug, Anden iniluk welamon etno og isahuk-o. Ariroho og isaruk aruhukseg, fobik o ari fam obog-at iniluksoho minduhup isahuk-o, ulug yig nepahon etno-at yig hisaruk ahi-o,” ulug yig isebag.

Matius 25:46

Ariroho yig isaruk aruhukmu, it epmano o hondok olokma initog mondog welam ambeg epmano-at lahup-o. Eke it inobabut fanowon epmano hag, o fanoma iniluk mondog welamuhup ambeg epmano-at lahup-o,” ulug yig isebag.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Roma 5:21

Eke ari halug, alem dag surukon etnowen alem waratukon oag werehepfebag etno hag, alem At Allahen ninabua nisarukon etnowen alem dahon ninobam weregma elehepfukon etno oag werehepfuruk-o. Eke ariroho alem dahon ninobam weregma elehep nisaharisireg, At Yesus Kristus inuk fam ninitog mondog niniluk welamon etno-at og nisaruk-o.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

Yohanes 10:28

Eke Anden iniluk welamon og isaruk nealug, mondog waramuhup fug-o. Eke it inebe epmano An ninggikmu weregma, ap misihen diloko og inabuhu fug-o.

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.

Titus 1:2

Eke anden wene du demat ulug yanggul isaruk ahion etno fam it apheyen niniluk welamon etno og nisahu-o ulug inindi ebetuk-o. Eke At Allah enggal uruk elehon etnowen o kweanma duma awan wal haruk eleg wilil, hini­luk welamon etno og hisahuk ulug, abug yig nisaruk apareg,

Roma 5:17

Eke at ap misihen dag sebahon etno, alem neken weregma, alem waratukon etno oag wereg apag ari demat ulug niniluk-o. Eke at ap misig Yesus Kristusen sebahon etno fam alem niniluk welamon etno wereg apag ari, suon oag werehon neken-at wereg apag-o. Eke ariroho wereg apag ari fam, it yi aphe di aphe At Allahen inabua isalug, alem dahon inobam weregma elehepfukon etno onggo eleg-at og isaruk heheg, At Yesus Kristus inim wilil suon-at welamuhup-o.

Roma 6:16

Eke an yig hisaminon du hiniluk welamuk-o. Eke hiren ap misig une hinesanggo holuog ulug apma seberoho welamuhup halug, ap une hinesanggo holtuk amuhubon etno anggimbu-at welamuhup-o. Eke ariroho wilil, dag urukon epmano apma seberoho welamuhup halug, mondog-at waramuhup-o. Eke At Allah une holtuk wilil apma seberoho welamuhup halug, At hinim-at fanoroho wilil dambuksoho welamuhup-o.

Yohanes 17:2

Eke An nebe etno it yi aphe di aphe obog-at Inowe suon welamag ulug minduhup naharikinteg fam, Anden it aphe Haren og nitikinon epmano Anden iniluk welamon etno og isiog ulug suruk ahi-o.

Yohanes 6:68

Yig isaruk apagma, at Simon Petrus etnowen yig ituk wilil, “Ninowe-o. Nit sa ambeg lul-o? Hat wene niniluk welamon etno unde wilil, yig nisaruk ahen-o.

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

1 Yohanes 2:25

Eke mondog hinim hiniluk welamon etno At Yesusen hurumbik arat yig nisebag-o.

Galatia 3:10

Eke it obog Yahudi aben wene duroho suruk amuk eke duroho suruk am fug ulug ebahon etno suog ulug surukon ari wene homali neken inobam wereg-o. Eke ari halug, alem ari fam Alkitab etnowen yig nisaruk wilil, “It obog Yahudi aben wene duroho suruk amuk eke duroho suruk am fug ulug ebahon etno obogsoho suruk eleg isalug, wene homali etno inobam umburuk-o,” ulug ariroho yig nisebag halug, it aphe obog Yahudi aben wene duroho suruk amuk eke duroho suruk am fug ebahon etno ilitoho suruk isalug, etno fam At Allahen alem dahon inobam werehon epmano elehepfuhu fug-o.

Yohanes 4:14

Eke it aphe obog ik Anden og isahukon etno nahup halug, fobik obok hahup fug-o. Ik Anden og isahukon ari, eleruk inindimuen funaloko wilip atuk halug, ik ilukon etno anggolo aruhu-o. Anggolo atuk halug, etno fam iniluk welamon etno holahup-o,” ulug yig epag.

Yohanes 4:36

Eke it ap anggen baltuk isalug, onggo fanowon epmano og isaruk ari fam, anggen neken iniluk welamon etno-at holaruk-o. Ari halug, it ap i yatukon epmano inim, eke it anggen baltukon epmano inim obog dambuksoho inahien hahup-o.

Roma 1:32

Eke it ariroho surukon epmano At Allahen dag ban suruk isalug An war inabuhuk-o ulug ebahon wene etno iniluk wilil oke, eke iren-at dag seheg, eke it ninen ariroho dag surukon epmano inahien iseheg suruk-o.

Roma 6:21

Eke ariroho wilil, yi angge di angge kidia hinenggali haruk ahebon epmano suruk atikip etno fam, fano atukuk ulug buruk ahep ano? Ari eleg-o. Dag surukon ari enggabuk neken waratukon etno-at wereg-o.

Roma 8:6

Eke hat misig kweanmen sukon etno-at hahla buruk ahen halug, mondog-at wararuhun-o. Eke hat misig At Roh Kudusen yig hitukon etno-at hahla buruk ahen halug, At Allah hinim dambuksoho wilil, mondog-at hiluk welaruhun-o.

Roma 8:13

Eke kweanmen surukon epmano mutlug laruk hisalug, mondog-at waramuhup-o. Eke At Roh Kudus etno fam kweanmen dag suruk ahebon epmano waroko neken imbisaruk hisalug, hinebe mondog-at hiniluk welamuhup-o.

Roma 8:38

Eke waramon etno inim, eke niniluk welamon etno inim, eke it malaikat epmano inim, it inowesi boholmon inoag werehon etno inim, eke fobik sukon etno inim, eke kidia surukon epmano inim, eke it inowesi inoag werehon epmano inim, eke anduhunmu werehon epmano inim, eke apma werehon epmano inim,

Roma 8:39

eke yi angge di angge wal hebahon etno inim, it obog epmanowen nit At Allah ninim hunduhuk welaheon etno healep nisahakup fug-o. Eke At Allah nit ninebe indi hunduhuk wereg ari, At Ninowe Yesus Kristus obam ebetuk nisalug, ninebe indi hunduhuk wereg-o.