Roma 6:22 - Allah Wene Hurumbik Keron

²² Ari halug, eke kidia hag, alem dag surukon epmano sohorep isalug, At Allah anggimbu-at welahep-o. Ariroho welahep etno fam, fanoroho suruk amon etno-at suog ulug wereg hiseheg, fobik hiniluk mondog welamon etno-at og hisahu-o.

Roma 6:22 ပူးပေါင်းရင်းမြစ်များ

Matius 13:40

Hohol etno baluroho walug, hondok olokma yalepfebag etno hag,

Matius 13:43

Epma imbisaruk amuhupmu, eke it Allah udaki etno inolohore mo neken yatuk wilil, Inikni wereg ambeg epma inim wilil initog mondog welamuhup-o. Eke hit hinesanggo wereg halug, wene ari fanoroho holtuk amiek-o,” ulug At Yesusen yig isebag.

Matius 19:29

Eke hiren An ninuk su amag ulug hinifaleg inim, eke hinowe not inim, eke hiniknisi hinisasi inim eke hinudaki inim, eke hineyabuk inim obog-at sohorep isahup halug, Anden kidia-at inubulukmu obam seberoho obog-at og hisaruk ahi ari, fobik hiniluk mondog welamon etno-at og hisahuk-o.

Matius 25:46

Ariroho yig isaruk aruhukmu, it epmano o hondok olokma initog mondog welam ambeg epmano-at lahup-o. Eke it inobabut fanowon epmano hag, o fanoma iniluk mondog welamuhup ambeg epmano-at lahup-o,” ulug yig isebag.

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 15:2

Eke An e alem etno wereg neyeheg, e inggik anggen yihiruk elehon halug, dokoroho wilipfeheg, eke e inggik misig anggen yihirukon etno fobik anggoloroho yihiruk amag ulug engga buhon inim, il inim kisiloko wilip isaruk-o.

Yohanes 4:36

Eke it ap anggen baltuk isalug, onggo fanowon epmano og isaruk ari fam, anggen neken iniluk welamon etno-at holaruk-o. Ari halug, it ap i yatukon epmano inim, eke it anggen baltukon epmano inim obog dambuksoho inahien hahup-o.

Yohanes 8:32

Eke hiren wene demat uruk amon etno hiniluk atuk amuhupmu, At wene etnowen hele hibiloko hinombisahakuk-o,” ulug yig isebag.

Roma 6:14

Eke at alem dag surukon etno hinowe suon neken welam ari hai-o. Eke hit wene komo yig hisebahon etno apma neken welahep fug-o. At Allahen-at hinabua hisaruk heheg welahep-o.

Roma 6:18

Eke alem dag surukon epmano anggimbu neken welam sohorep isalug, alem fanoroho surukon etno anggimbu neken atikip-o.

Roma 6:21

Eke ariroho wilil, yi angge di angge kidia hinenggali haruk ahebon epmano suruk atikip etno fam, fano atukuk ulug buruk ahep ano? Ari eleg-o. Dag surukon ari enggabuk neken waratukon etno-at wereg-o.

Roma 7:25

Eke an hag At Ninowe Yesus Kristus inuk fam Allah wa ulug yig ituk ahi-o.

Roma 7:4

Eke ariroho suruk etno hag, hit hinebe ari ilitoho welahep-o. Eke wene duroho suruk amuk eke duroho suruk am fug ulug ebahon etno hinim welam sohorep isalug, hweap inahuni waratukmu suhwe wereg etno hag welatikipseg, hit hinebe At Kristus udaki atikip etno fam hinebe kidia Aren angge-at welahep-o. Ari halug, eke e anggen fanowon yihik wereg etno hag, ninebe At Allah il fam fanoroho welamag ulug At Kristus ebe etno aphe warehon wereg ambeg epmanowen iluksoho minduhupfebag-o.

Roma 8:2

Eke At Roh Kudusen yig nitukon etno fam At Kristus Yesus ninim dambuksep nisaharisireg nilukep naharisi-o. Eke ariroho nilukep naharisireg fam, alem dag surukon inim, waratukon inim nobam werehon epmano elehep naharisi-o.

1 Korintus 7:22

Eke ap misig ap inanggimbu wereg heheg, At Allahen ap etno At Ninowe inuk fam wol suruk halug, at ap ari Ninowe inuk suon aharek unde welamon-at atisi-o. Eke ariroho ap misig yi angge di angge unde werehon etno At Allahen wol suruk halug, ap etno At Kristus anggimbu atisi-o.

2 Korintus 3:17

Eke At Owe ulug holal fam embebahon etno ari At Roh Kudus ulug embebag-o. Eke At Ninowe Roh Kudus etno weregma inilanggen haruk isalug, iniluk amag ulug aren sum sambuntehon etno korep isaruk-o.

Galatia 1:10

Eke At Allah mutlug lawag ulug yig hisaruk ahi ano, eke ap misig mutlug lawag ulug yig hisiog ulug suruk ahi ano? Eke it aphe inahien neawag ulug suruk ahi ano? Ari eleg-o. Eke an hag it aphe inahien neawag ulug sil nuruk atlemen, At Kristus anggimbu welatle fug-o.

Galatia 5:13

Eke ari halug, nomini-o. Hit hinebe anggimbu neken welamon etno sohorep isalug, ap inindi werehon neken welamag ulug wol hinaptisi-o. Ariroho wol hinaptisireg fam, hinindi weregsoho wilil, kweanmen yuhun-at surukon etno suruk am fug-o. Eke hit hinomini hinindi hunduhuk wilil, hit hit yalmag yalmag suruk amuk-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Efesus 5:9

Eke o seleg ari, At Roh Kudus etnowen yi angge di angge fanoroho surukon inim, eke hinobabut motoho surukon etno inim, eke demat wene urukon etno inim obog-at yanggul hisaruk-o.

Filipi 1:11

Eke ariroho wereg hisalug, yi angge di angge At Yesus Kristusen fanoroho suruk amon etno obogsoho og hisaruk aruhumu, ilitoho-at suruk amuhupseg fam, At Allah inuk-at suontepfuruk amuhup-o.

Filipi 4:17

Eke an yi angge di angge heahil sil nuruk ahi fuhon oke, eke hiren og nitikip etno fam, it Filipi aphe anggen fanowon yihiruk ari, At Allahen onggo og isahu ari nahla buruk ahi-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

Kolose 4:12

Eke At Yesus Kristus anggimbu hinomin Epafras etnowen wahinaniog ulug heahi war hinaptuk-o.

Titus 1:1

An Paulus At Allah anggimbu wilil Yesus Kristus awene yig isil nuruk amag ulug mondep naharision etnowen wene holal du bal hirihi-o. Eke it aphe At Allahen imig inapahon etno wene du demat ulug inahla buruk wilil, fikfag yanggul isawag ulug heag naptisireg lahap naharisi-o.

Ibrani 12:14

Eke hit it yi aphe di aphe obog hinim dambuksoho welamuhuben hinobabut fanoroho-at suruk amuk-o. Hinobabut fanoroho suruk amuhup fug halug, At Ninowe etno hinilanggen hahup fug-o.

Yakobus 1:1

An Yakobus, At Allah inim eke Ninowe Yesus Kristus inim inanggimbu etnowen holal du fam hit obog Allah udaki o kweanma welahebon heahi war hinaptuk ahi-o.

1 Petrus 1:9

fanoroho hinombisahukon etno hinindi ebetuk ahep halug, etno-at waruk ahep-o.

1 Petrus 2:16

Eke hit Allah anggimbu wilil, ap inindi werehonen fanoroho suruk etno hag suruk amiek-o.

Wahyu 7:13

Uruk atusama, at penatua misig etnowen yig nituk wilil, “lt aphe inasum huluon wantehon du inebe kemen waharusa-o? Eke inebe sandeg-o?” ulug yig nituk atisimu,