Roma 6:14 - Allah Wene Hurumbik Keron

¹⁴ Eke at alem dag surukon etno hinowe suon neken welam ari hai-o. Eke hit wene komo yig hisebahon etno apma neken welahep fug-o. At Allahen-at hinabua hisaruk heheg welahep-o.

Roma 6:14 ပူးပေါင်းရင်းမြစ်များ

Matius 1:21

Eke udag ebe endetuk halug, inuk Yesus-at soaluhun-o. Eke it apheyen dag surukon elegsoho apma imbisalug inili wahu halug, inuk ari-at soaluhun-o.

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 1:17

Eke at Musaen wene duroho suruk amuk eke duroho suruk am fug ulug ebahon etno yig nisawag ulug At Allahen yig epahon oke, At Yesus Kristus etnowen ninabua nisawon wene etno inim, eke demat urukon wene etno inim yanggul nisawag ulug At Allahen yig epag-o.

Yohanes 8:36

Eke An Allah Amloho etnowen hele hibiloko hinombisaharuk nealug, hit hinebe ap yi angge di angge unde wereg ilitoho welamuhup-o.

Roma 11:6

Ariroho fuloko imbisarisi ari, iren suruson epmano fam fuloko imbisarisi fug-o. We Aren inabua suruk apag etno fam fuloko imbisarisi-o. Eke it apheyen surukon epmano fam At Allahen fuloko imbiselepmen, Aren inabua isarukon we hai neken-at inabua iselep-o.

Roma 4:16

Eke ari fam, at Abrahamen Allah obam ebepag etno fam abug yig epag-o. Ariroho abug yig epag ari, it Abraham etamuki epmano obog onggo umburuk eleg iseheg demat og hisahuk-o ulug abug yig epag-o. Eke at Abraham etamuki ulug ebahon ari, wene duroho suruk amuk eke duroho suruk am fug ulug ebahon etno ilitoho surukon ulug ebag fug-o. We at Abraham Allah obam ebepag etno hag ebetuk isalug ebag-o. Eke at Abraham ari nit obog ninikni neken-at wereg-o.

Roma 5:17

Eke at ap misihen dag sebahon etno, alem neken weregma, alem waratukon etno oag wereg apag ari demat ulug niniluk-o. Eke at ap misig Yesus Kristusen sebahon etno fam alem niniluk welamon etno wereg apag ari, suon oag werehon neken-at wereg apag-o. Eke ariroho wereg apag ari fam, it yi aphe di aphe At Allahen inabua isalug, alem dahon inobam weregma elehepfukon etno onggo eleg-at og isaruk heheg, At Yesus Kristus inim wilil suon-at welamuhup-o.

Roma 5:18

Eke ari halug, alem misig dag sebareg fam, alem dahon it yi aphe di aphe obog-at inobam wereg apag etno hag, alem misig fano sebag etno fam, it yi aphe di aphe obog alem dahon inobam werehon epmano elehepfuruk wilil, inilukep isaruk-o.

Roma 6:12

Eke hit hinobabut amukon epmano wilil, hit hinindien bulug sirikibon epmano sohorep isuog ulug, alem dag surukon etnowen hit hinebe waramuhubon etno oag weregsoho seberep hisahuk nowen ulug yig hisihi-o. Eke hit hinebe atog-atog etnowen dag sehe ha nowen ulug alem dag surukon epmano apma seberoho welam fug-o.

Roma 6:15

Eke ari halug, keroho uk-o? Nit wene komo yig nisebahon etno apma welam sohorep isalug, At Allahen ninabua nisarukmu welahe ari fam dag-at suruk amuk-o ulug uk ari fano buruk ahep ano? Ari mondog eleg-o.

Roma 8:12

Eke ari halug nomini-o. Nit ninebe etno kweanmen surukon etno ninesanggo holtug nomat neken holaruk wilil, mutlug lawag ulug ninombisaharisi fug-o.

Roma 8:2

Eke At Roh Kudusen yig nitukon etno fam At Kristus Yesus ninim dambuksep nisaharisireg nilukep naharisi-o. Eke ariroho nilukep naharisireg fam, alem dag surukon inim, waratukon inim nobam werehon epmano elehep naharisi-o.

Galatia 3:23

Eke At Yesus Kristus obam ebebukon etno ebe awan eleg heheg, wene duroho suruk amuk eke duroho suruk am fug ulug ebahon etno fam ninebe hele waroko neken ninombisaharisi-o. Eke At Yesus etno arat waharuk apagma, At obam ebebukon epmano arat selegma atisi-o.

Galatia 4:21

Eke hit Yahudi aben wene duroho suruk amuk eke duroho suruk am fug ulug ebahon etno mutlug lahuk ulug hinahla buruk ahebon oke, hit wene ari hinesanggo holtuk ahep fug ano?

Galatia 5:18

Eke At Roh Kudusen yig hisarukon etno demat suruk ahep halug, it Yahudi aben wene duroho suruk amuk eke duroho suruk am fug ulug ebahon etno anggimbu neken welahep fug-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 8:10

Yig isaruk wilil, “Fobik it Israel aphe ninim wene ariroho baltuk amuhukseg, ninim dambuluhuk-o. Eke Anden wene duroho suruk amuk eke duroho suruk am fug ulug yig isahukon etno inindimu holal neken baloko umbuhuk-o. Eke it epmano An nudaki wereg iseheg, Inikni Allah An-at welaruhuk-o.