Roma 6:12 - Allah Wene Hurumbik Keron

¹² Eke hit hinobabut amukon epmano wilil, hit hinindien bulug sirikibon epmano sohorep isuog ulug, alem dag surukon etnowen hit hinebe waramuhubon etno oag weregsoho seberep hisahuk nowen ulug yig hisihi-o. Eke hit hinebe atog-atog etnowen dag sehe ha nowen ulug alem dag surukon epmano apma seberoho welam fug-o.

Roma 6:12 ပူးပေါင်းရင်းမြစ်များ

Roma 13:14

Eke At Ninowe Yesus Kristusen angge etno hinasehen hinasing neken wantalug wilil, hit hinebe kweanmon etnowen dahan fahan suk ulug hinahla bulug surukon etno hinesanggo holtug eleg ilitoho suk fug-o.

Roma 2:8

eke it aphe nin epmano inindimuen suontepataruk wilil, wene demat urukon etno sohorep isalug, dag wene etno, inindi ebetukon ari, At Allah asineyen onggo dag seko imbisahu-o.

Roma 5:21

Eke ari halug, alem dag surukon etnowen alem waratukon oag werehepfebag etno hag, alem At Allahen ninabua nisarukon etnowen alem dahon ninobam weregma elehepfukon etno oag werehepfuruk-o. Eke ariroho alem dahon ninobam weregma elehep nisaharisireg, At Yesus Kristus inuk fam ninitog mondog niniluk welamon etno-at og nisaruk-o.

Roma 6:14

Eke at alem dag surukon etno hinowe suon neken welam ari hai-o. Eke hit wene komo yig hisebahon etno apma neken welahep fug-o. At Allahen-at hinabua hisaruk heheg welahep-o.

Roma 6:16

Eke an yig hisaminon du hiniluk welamuk-o. Eke hiren ap misig une hinesanggo holuog ulug apma seberoho welamuhup halug, ap une hinesanggo holtuk amuhubon etno anggimbu-at welamuhup-o. Eke ariroho wilil, dag urukon epmano apma seberoho welamuhup halug, mondog-at waramuhup-o. Eke At Allah une holtuk wilil apma seberoho welamuhup halug, At hinim-at fanoroho wilil dambuksoho welamuhup-o.

Roma 8:11

Eke At Allah At Yesus it aphe warehon wereg ambehen iluksoho minduhupfebahon etno Roh Kudus hinindimu wereg halug, At Kristus it aphe warehon wereg ambehen iluksoho minduhupfebahon etnowen At Roh Kudus etno hinindimu og hisaruk wilil, hinebe waramuhubon epmano hinilukep hisahaku-o.

Roma 8:13

Eke kweanmen surukon epmano mutlug laruk hisalug, mondog-at waramuhup-o. Eke At Roh Kudus etno fam kweanmen dag suruk ahebon epmano waroko neken imbisaruk hisalug, hinebe mondog-at hiniluk welamuhup-o.

2 Korintus 4:11

Eke nit ninebe niniluk wilil, At Yesus awene walug laruk aheon etno war ninabuog ulug surukmu, nit ninebe waramon oke niniluk atuk ahe etno fam At Yesus etno iluk wereg-o ulug selegma atuk-o.

2 Korintus 5:4

Eke kidia ninibam sum fam falehon epmano wereg nisalug, angginon etno ninobam umburukmu, ea ulug uruk ahe-o, eke ninebe kweanmon epmano eleg amag ulug suruk ahe fuhon oke, eke nit ninebe boholmon etno og nisao ninindien suruk ahe-o. Ari halug, alem niniluk welamon etnowen alem waratuk aheon etno elegsoho umbuhu-o.

Galatia 5:16

Eke hit At Roh Kudusen yig hisarukon etno-at suruk amag ulug yig hisihi-o. Ari halug, hit it aphe kweanmonen alem dahon suruk etno hag suruk am fug-o.

Galatia 5:24

Eke it At Yesus Kristus udaki epmanowen it aphe kweanmon yi angge di angge inindien dag surukon epmano obog-at elegsoho imbisarusa-o.

Efesus 2:3

Eke bilin Allah wene ninapeleg wilil, ninim ilitoho-at welatukuk-o. Ariroho wilil, ninakelehen yuhun-at seheg, eke ninebe kweanmon-at wilil ariroho suk ulug ninahla buruk atukukon epmano-at seheg suruk atukuk-o.

Efesus 4:22

Eke ari halug, hit bilin kwalem dahon etno laruk wilil, hinindi dahon wilil, hinebe dahapsarikibon oke, kidia hinobabut amukon etno obogsoho sohorep isiek-o.

1 Tesalonika 4:5

Eke it ap Allah wene inapelehon epmanowen inindien yuhun-at suruk etno hag, hit ariroho suruk am fug-o.

2 Timotius 2:22

Eke ari halug, it udag elege yuhun-at sil nurukon epmano sohorep isalug, fanoroho surukon etno inim, eke wene demat ulug ebetukon etno inim, eke aphe hinindi hunduhuk welamon etno inim huliog ulug suruk amin-o. Ariroho suruk wilil, it aphe inobabut fanowon epmanowen, “Hat Ninowe yalmag ninabin-o,” ulug urukon etno hinim fanoroho welamuk-o.

Titus 2:12

Nit o duma wilil, ninakol heheg eleg dag surukon etno inim, eke kweanmon ninindi urukon etno inim sohorep isalug, ninindi seberoho wilil holeg welamag ulug At indi hunduhuken og nisebareg fam yanggul nisaruk-o.

Titus 3:3

Eke nit bilin ariroho-at urunanggeroho wilil, ninik­nisi inune holeheg eleg-at dag suruk atukuk-o. Eke nit ninin­dien-at yi dag di dag suruk atukuk-o. Eke nit nambit ham­bit uruk wilil, niren it aphe ninambit hun inabeheg, eke it apheyen nit inambit hun ninabeheg suruk atukuk-o.

1 Petrus 1:14

Eke Allah wene-at holtuk wilil, amuk hinapelegma yi angge di angge suruk atikibon epmano seberoho sohorep isalug, fanoroho welamiek-o.

1 Petrus 2:11

Nomini-o, hit o kweanma huso neken welahep ulug yig hisihi-o. Kweanmen surukon epmano hinindimu kuk nowen ulug yaharoho welamiek-o.

Yudas 1:16

Ari halug, dagma imbisahubon ari, it inambilik butuk urukon epmano inim, it inune inabuaregsoho uruk elehon epmano inim, yi angge di angge suk ulug inahla burukon epmano inim, iren suontepatarukon epmano inim, it inenggal-at, nomin hat fano, ulug yig itukon etno inim, it epmano obog-at o dagma imbisahubon wereg-o.

Yudas 1:18

It etnowen wene hurumbik etno uruk wilil, “Fobik hit hinahunda yabuhubon etno waharuk amuhupseg, it inindi dahonen surukon etno-at sil wamuhup-o,” ulug wene hurumbik ebahon etno hit hiniluk-o.