Roma 5:8 - Allah Wene Hurumbik Keron

⁸ eke At Kristus nit dag suruk nisalug, ninake warapag ari, At Allah ninebe mondog indi hunduhuk wereg ulug selegma apag-o.

Roma 5:8 ပူးပေါင်းရင်းမြစ်များ

Yohanes 15:13

Eke at ap misig etno omini inake waratuk etno, omini indi hunduhuk wilil waratuk-o.

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.

Roma 3:5

Eke niren dag suruk ahe epmano fam, At Allahen fano surukon epmano selegma atuk halug, keroho uk-o? Eke an it apheyen uruk etno hag yig hisamin-o.

Roma 4:25

Eke niren dag surukon epmano ninake war amag ulug fuloko embebareg, nit alem dahon ninobam werehon epmano elehep nisahalug, At Allahen ninim dambuksoho ninombisahiog ulug iluksoho minduhupfebag-o.

Roma 5:20

Eke dag surukon etno du dag suruk ulug iniluk amag ulug wene duroho suruk amuk eke duroho suruk am fug ulug ebahon etno og isebag-o. Eke ariroho du dag suruk ulug selegma atuk apagma, alem At Allahen inabua isarukon etno-at su apag-o.

Roma 5:6

Eke nit hag awan ninoag eleg niseheg, At Allahen kidia arat ulug uruk apagma, At Kristus etno it dag surukon epmano inake warapag-o.

Roma 5:7

Eke ap fanowon etno ake ap misig waram fano at-o, ahla belebon oke,

Roma 8:32

Eke At Allahen Amloho etno ili wao sohorep isalug, nit obog ninake embebareg fam, At Kristus inim eke yi angge di angge obog inim og nisahu fug buruk ahep ano?

Roma 8:39

eke yi angge di angge wal hebahon etno inim, it obog epmanowen nit At Allah ninim hunduhuk welaheon etno healep nisahakup fug-o. Eke At Allah nit ninebe indi hunduhuk wereg ari, At Ninowe Yesus Kristus obam ebetuk nisalug, ninebe indi hunduhuk wereg-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Efesus 2:7

Eke At Yesus Kristus etno og nisaruk wilil, At Allahen An nindi hinobam hunduhuk wilil hinabua hisaruk ahi-o ulug selegmaroho yig nisarision etno it yi aphe di aphe fobik welamuhubon epmanowen At Allahen demat anggolo og nisaruk-o, ulug inahla bukag ulug yig nisarisi-o.

Efesus 5:2

Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

1 Timotius 1:16

Eke an bilin dag mondog suruk atikikon epmano At Kristus Yesusen fano naptisi etno it aphe ninen inilanggen nealug, wi, at Paulus dag suruk atision etno oke, At Allahen abua harisi-o, ulug inahla bulug, At Yesus obam ebetuk wilil, iniluk welamon etno holawag ulug fano naptisi-o.

Ibrani 8:3

Eke it ap Allah unde suon epmano hag, iren yi angge di angge Allah ake embeheg, eke wam waroko At Allah ake ulug hondok yaleheg suruk amag ulug minduhup isaruk-o. Ariroho suruk etno ilitoho nit Ninowe Allah unde suon etnowen angge Allah ake embebahon misig wereg-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.

1 Yohanes 3:16

Eke At Kristus nit ninake warapag etno niniluk-o. Nit halug, nit ninomini inake inili wa fano-o.