Roma 5:6 - Allah Wene Hurumbik Keron

⁶ Eke nit hag awan ninoag eleg niseheg, At Allahen kidia arat ulug uruk apagma, At Kristus etno it dag surukon epmano inake warapag-o.

Roma 5:6 ပူးပေါင်းရင်းမြစ်များ

Roma 11:26

Eke alem ari fam Alkitab wene holal baleg etnowen yig nisaruk wilil, “At ninili warukon etno o Sion epmen waharuk aruhureg, it Yakub udakien dag suruk atuson epmano elegsoho umburuk aruhureg, fano inabuhu-o.

Roma 4:25

Eke niren dag surukon epmano ninake war amag ulug fuloko embebareg, nit alem dahon ninobam werehon epmano elehep nisahalug, At Allahen ninim dambuksoho ninombisahiog ulug iluksoho minduhupfebag-o.

Roma 4:5

Eke ap misig onggarehen fano seheg eleg-at wilil, At Allahen nit dag suruk aheon epmano fano ninaptuk ulug obam ebetuk etno fam, At Allahen ap at obam ebetukon epmano ninim fanoroho welamuhuken ulug inim dambultuk-o.

Roma 5:10

Eke nit At Allah ninim healeg welahoahon oke, At Amloho warapareg fam Aren nomini ulug dambul ninaptisi-o. Eke ariroho At Allah omini ulug ninim dambuksoho wereg niseheg, At Kristus iluk werehon etnowen ninili wahu-o.

Roma 5:7

Eke ap fanowon etno ake ap misig waram fano at-o, ahla belebon oke,

Roma 5:8

eke At Kristus nit dag suruk nisalug, ninake warapag ari, At Allah ninebe mondog indi hunduhuk wereg ulug selegma apag-o.

Roma 8:32

Eke At Allahen Amloho etno ili wao sohorep isalug, nit obog ninake embebareg fam, At Kristus inim eke yi angge di angge obog inim og nisahu fug buruk ahep ano?

Roma 8:34

Eke ari halug, ap misihen inoag deloko o dagma imbisahu ano? Ari eleg-o. Eke At Kristus Yesus warapahon oke, fobik iluksoho minduhupfebag etno hag alem suon neken wereg-o. Eke iluksoho minduhupfebareg fam, At Allah inggik bikit fil wereg-o. Ariroho wilil, Aren nit ninake Allah obam sembahyang uruk-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Galatia 4:4

Ariroho uruk atukukon oke, eke fobik At Allahen sukon etno fanggog uruk apagma, At Allahen Amloho etno belabik wapag-o. Belabik waharuk apagma, hwe misig amloho neken endag apag-o.

Efesus 5:2

Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

Kolose 2:13

Eke hit amuk dag suruk wilil, ap warehon ilitoho welatikip-o. Eke hit amuk selema neken welatikibon epmanowen dag suruk atikibon epmano At Allahen hinapelegsoho apma hinombisaharisi etno fam, At Kristus hinim hiniluksoho minduhup hisaharisi-o.

1 Tesalonika 5:9

Eke At Allahen asine nisiog ulug imig ninapag fug-o. At Ninowe Yesus Kristus inuk fam ninili wawon etno holawag ulug imig ninapag-o.

1 Timotius 1:9

Eke wene duroho suruk amuk eke duroho suruk am fug ulug ebahon etno it aphe fano surukon epmanowen fano suruk amag ulug yig isebag fug-o. Ari it dag surukon inim, eke it dahan fahan surukon inim, eke iniknisi inisasi war inaptukon etno inim, eke it ap watukon etno inim,

Titus 2:12

Nit o duma wilil, ninakol heheg eleg dag surukon etno inim, eke kweanmon ninindi urukon etno inim sohorep isalug, ninindi seberoho wilil holeg welamag ulug At indi hunduhuken og nisebareg fam yanggul nisaruk-o.

Ibrani 8:3

Eke it ap Allah unde suon epmano hag, iren yi angge di angge Allah ake embeheg, eke wam waroko At Allah ake ulug hondok yaleheg suruk amag ulug minduhup isaruk-o. Ariroho suruk etno ilitoho nit Ninowe Allah unde suon etnowen angge Allah ake embebahon misig wereg-o.

Ibrani 9:26

o kweanma duma alem bilin wal hebag etno famen dahon etno obam umburukmu, nintul nantul-at waratlep-o. Ariroho selebon oke, kidia o ebe elehap sukon etno fanggog uruk heheg, At ebe etno misihim-at waharuk apareg, it apheyen dag surukon epmano elehap siog ulug At ebe misihim-at Allah ake ombatebag-o.

1 Petrus 1:20

At Kristus etno hit hinake-at oag deloko umburuk apareg, fobik kweanma belabik wapag.

2 Petrus 3:7

Eke bohol kwean kidia werehon etno fobik At Allah uneyen hondok fam war inabiog ulug wereg-o. Ariroho wereg ari, it dag surukon epmano obog-at hondok fam war inabiog ulug wereg-o.

Yudas 1:15

Eke it At Allah inuk wao sohorep isalug dag sil nurukon etno inim, At Allah ari dag surukon ulug inenggal-at obam denggeltil nurukon etno inim it o dagma imbisuog ulug wamuhup-o,” ulug at Henokh etnowen amuk-at hurumbik ebag.

Yudas 1:18

It etnowen wene hurumbik etno uruk wilil, “Fobik hit hinahunda yabuhubon etno waharuk amuhupseg, it inindi dahonen surukon etno-at sil wamuhup-o,” ulug wene hurumbik ebahon etno hit hiniluk-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.