Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Roma 5:2 - Allah Wene Hurumbik Keron

2 Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

အခန်းကိုကြည့်ပါ။ ကော်ပီ




Roma 5:2
43 ပူးပေါင်းရင်းမြစ်များ  

Yig ituk apagma, at ikni etnowen yig ituk wilil, ‘Hat nanggimbu hobabut fanoroho wilil yabuk suk harug fanowon etno ilitoho-at sirikin-o. Eke uang anggen dorat oke, fanoroho aso welatikin ari famen, fobik uang anggen anggolo aso welamag ulug minduhup hahakuk-o. Ariroho minduhup hahakuk ari, an hikni ninim ninahien hahuken ninim kuhuk-o,’ ulug yig epag-o.


Ariroho weregma, eke At Yesusen fobik dahagsoho yig isaruk wilil, “Ari halug, Anden wene demat uruk amon etno yig hisamin-o. It wam domba kuruk ambeg inasok etno ilitoho An-at welahi-o.


Eke sok ebe etno ilitoho An-at welahi-o. It inebe sok etno fam kuruk isalug, inili wahuk-o. Eke it ariroho waharukon halug, keheg wilip aheg suruk wilil, iren isinggangge fanowon epmano heag sahup-o.


Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.


Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.


Laruk apareg, o Antiokhia epma it Allah wene warukon epmano obog-at wonggal inaptuk apareg, it etanowen At Allah inim wilil sil nuruk apahon epmano dindiloko yig isaruk apag. Yig isaruk wilil, “At Allahen it aphe At awene inapelehon epmano eberoko wawag ulug og isarisi-o,” ulug dindiloko yig isaruk apareg,


Eke hit hag hinindi demat ulug ebetuk ahep ari fam inubulukmu welahep-o. Eke ariroho welahep ari fam hiren suontepatao sohorep isalug, hinakoltoho welamuk-o.


Eke hiren nit fobik fano ninabuhu ulug hinahla buruk wilil, it ninen dahon epmano hinobam umburuk isalug, hinindi hinahlahiroho-at welamuk-o. Ariroho wilil, nintul nantul sembahyang uruk amuk-o.


Eke hat misihen ap misig anggimbu oag deloko umbuk ari hai-o. At ap anggimbu ikni etnowen-at fano suruk ano, dag suruk ano ulug aren baltuk atlug, oag deloko umbuk ari fano. Eke At Allahen fanoroho imbisawon oag wereg etno fam fanoroho-at imbisahu-o.


Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.


Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,


Eke it yi aphe di aphe obohen dag surusa epmano fam At Allahen fano inabukon etno holao hai atuk-o.


Eke demat fanoroho ninombisahaku ulug ninahla buruk wilil, ninindi dag atuk eleg-o. Eke nit ninindimu At Allahen bilin Roh Kudus kelegsoho og nisarision etnowen yig nisaruk wilil, “At Allahen hit hinebe indi hunduhuk wereg-o,” ulug yig nisaruk-o.


Eke ari halug, it At Kristus Yesus inim werehon epmano onggo o dagma imbisahu fug-o.


Eke bilin ninili warisi ari hag, fobik ariroho-at ninili wahu ulug ninahla buruk ahe-o. Eke yi angge di angge og nisahu ulug ninahla buruk aheon etno kidia ninilanggen halug, fobik og nisahu ulug ninahla buruk ahe fug-o. Eke ap misig yi angge di angge kidia ilanggen harukon epmano og niruhu ulug ahla buruk eleg-o.


Hit hinindi hinapeleg am nowen ulug wene misig yig hisamin-o, nomini. Wene fano wene etno anden yig hisarukmu hiren webahon etno hit ari fam hinindi seberoho wilil hinindi oag weregsoho welahep-o.


Eke ari halug, hit obog ninolohore sum sambunteg elehon neken wilil, At Ninowe suon abikag suruk wilil alon werehon etno wukahi fam haruk etno hag ninilanggen haruk ahe-o. Eke At Roh Kudus etnowen nit ninebe At Ninowe etno ilitoho seg amag ulug suontep nisaharuk wereg-o.


Eke kidia nanggog atuk wilil, ninahap dag atuk aheon dorat welamuhukseg, fobik ninitog mondog wilil ninebe suon fano mondog welamuhuk-o.


Eke At Kristusen ariroho yig nisa wapareg fam, nit obog-at it Yahudi inim, eke hit Allah wene hinapeleg welatikibon inim, Roh Kudus misig etno-at ninindimu kurukmu, At Ninikni Allah misig-at obam ebetuk ahe-o.


Eke nit At Kristus ninim wilil, At obam ebetuk nisalug, ninakol elegsoho wilil At Allah apma waharuk ahe-o.


Alem ari fam, at ap dahon etno omini inim wamuhup ari sambit, hit hinim aptuk wilil, hinoag dohaleheg, kohog weheg suruk amuhupseg, minduhuk welamag ulug At Allahen oag werehon og hisarukon etno-at holaruk amuk-o.


Eke At Ninowe Yesus Kristus etno inim, eke At Ninikni Allah indi hunduhuken ninabua nisaruk wilil, niniluk welamon etno inim, eke fano ninabuhu-o, ulug ninindi ebetuk aheon etno inim og nisarision etnowen, hinindi yonggon hinabeheg, eke hinune inim, hineyabuk inim fanoroho suruk amag ulug hinoag werehep hisahakeg sukag ulug yig hisihi-o.


Ariroho yig isebahon oke, At Kristus etno hag Allah Amloho atma, At ibam unde wilil fanoroho aso wereg-o. Eke nit ninindi oag weregsoho wilil, Aren fanoroho suhu-o, ulug ninindi ebetuk aheon etno hag, At ibam neken welahe-o.


Ariroho yig isebag etno hag, Aren hurumbik urukon etno inim, eke At inuk fam urukon etno inim yig nisaruk halug, At Allahen enggal-at ulug imbisahu fug-o. Ari halug, nit At Allahen ninili wawag ulug obam ebetuk aheon etno ninindi oag weregsoho wilil, Aren og hisahuk ulug yig nisebahon etno aso welahe-o.


Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.


Yang­gul nitisimu, nilanggen harikik-o. O keron nilanggen harikikon etno helep fanowon yibatuk etno hag abikag suon yiba­tuk nilang­gen harikik-o.


Eke o etno mo eleg heheg, At Allahen-at seleg og isarisi-o. Eke o etno bikalem eleg he­heg, At Wam Domba Udag etnowen-at seleg og isarisi-o.


Nilanggen harikikseg weregma, une suon misig At horie uruk ambehen urukmu holtikik-o. Holtikikseg weregma, une etno­wen uruk wilil, “At Allah ibam aphe inanggelegma epmano ambehekseg fam, it inim inibam misig-at neken welamuhup-o. At udaki-at welamuhup-o. At Allah ebe it inim wilil, it Inikni-at welaruhu-o.


Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ