Roma 5:11 - Allah Wene Hurumbik Keron

¹¹ Eke ari fam, alem misig du wereg-o. Ari, At Ninowe Yesus Kristus etnowen At Allah ninim fanoroho dambuk ninaptisireg fam, At Allah ninim mondog-at welamuhuk ulug inuk ahe-o.

Roma 5:11 ပူးပေါင်းရင်းမြစ်များ

Lukas 1:46

At Maria etnowen uruk wilil, “An Nikni inuk suontepfuruk wilil,

Yohanes 1:12

It ap ninen ariroho At obam ebetuk eleg iseheg, it nin epmano hag At obam eberoko waruk apag. Eberoko waruk apagma, At etnowen hit At Allah udaki-at welamag ulug deloko hinombi saharuk ahi-o, ulug yig isebag.

Roma 11:15

Eke it hag ambit isarisireg fam, it ap kweanma obog o ahik ya da werehon epmano At Allahen fanoroho ninim welamuhuken ulug dambuk inaptisi-o. Eke ari fam, Aren it Yahudi ap inebe epmano ahmu isaruk halug, it aphe warehon inilukep isaruk etno hag inilukep isahu-o.

Roma 2:17

Eke hat hag, an Yahudi ap welahi ulug uruk ahen du, wene duroho suruk amuk eke duroho suruk am fug ulug ebahon etno hiluk wilil, At Allah Ninikni-at wereg ulug suontepfuruk ahen-o.

Roma 5:1

Nit At Allah obam ebetuk nisalug, alem dahon ninobam werehon epmano elehep nisaharisimu, At Ninowe Yesus Kristus inuk fam At Allahen ninim fanoroho welamuog ulug dambuk ninaptisi-o.

Roma 5:10

Eke nit At Allah ninim healeg welahoahon oke, At Amloho warapareg fam Aren nomini ulug dambul ninaptisi-o. Eke ariroho At Allah omini ulug ninim dambuksoho wereg niseheg, At Kristus iluk werehon etnowen ninili wahu-o.

Roma 5:3

Eke dahon ninobam umburuk nisalug, ninahientoho welahe-o. Eke dahon ninobam umburuk ari fam ninindi bugsoho welamon etno og nisaruk-o.

Roma 8:23

Ariroho suruk ari, it yi angge di angge wal hebahon epmano inakelehen-at hinel watuk eleg-o. Eke nit bilin alem neken At Roh Kudusen og nisarision etno fobik og nisawon etno aso wilil, At Allahen At udaki mondog welamag ulug ninombisahukon etno inim, eke ninebe fanoroho suontep nisahukon etno inim aso wilil, hinel watuk ahe-o.

Roma 9:10

Ariroho yig isebag ari, eke alem misig du wereg-o. Eke at ninetamu misig Ishak etno uhwe Ribka inimen inudaki biren endag inapag-o. Biren endag inapahon oke, At Allah ahla buruk apareg, at amloho misig etno-at fuloko imbiog ulug at hwe isina etno yig ituk wilil,

1 Korintus 10:16

Eke ambusu honanggowon nit At Allah wa yig itlug naruk aheon etno ari, At Kristus amep etno ninim hunduhuk welahe ano, eleg ano? Eke orom roti nit kuroko naruk aheon ari At Kristus ebe ninim hunduhuk welahe ano, eleg ano?

2 Korintus 8:19

Eke at ninomin ari an ninim lawag ulug it Allah udaki epmanowen fuloko umburusa-o. Ariroho fuloko umburusareg fam, niren At Allah inuk suontepfeheg, eke yalmag hinaptuk ahe ulug bukaloko yig iseheg suruk amuhuken ulug ninindi hunduhuk wilil sukon ari at ninomin etno ninim-at sil lahuk-o.

Galatia 4:9

Eke kidia At Allahen hit iluk wereg etno fam, hit At Allah hiniluk oke, hit keroho ulug it kwanangge inoag elehon etno farim fobik hinindi ebebuog ulug suruk ahep-o? Ariroho suruk ahep ari, hit nin fobik inim-at inanggimbu welamuog ulug suruk ahep ano?

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Filipi 3:1

Nomini-o, At Ninowe etnowen hinindi hinahientep hisaharuk amag ulug yig hisihi-o. Eke bilin holal bal hisarikikon hinindi oag wereg amag ulug, fobik etno-at dahagsoho bal hisao ari fano at-o.

Filipi 3:3

Eke nit hag Roh Kudus etno fam At Allah inuk weheg, eke At Yesus Kristus ninim wilil ninahientoho welaheg suruk ahe fam nit hag niniyunggul ambilik baleg neken welahe-o. Eke it iniyunggul ambilik balehon epmano inenggal-at wereg-o. Eke nit hag yi angge di angge nininggiken surukon epmano fam ninili wahu fug buruk ahe-o.

Filipi 4:4

Eke At Allahen og hisaruk etno fam hinindi hinahien haruk amuk-o. Eke hit hinindi hinahien haruk amag ulug misihim inim dahagsoho yig hisaruk ahi-o.

Kolose 2:6

Eke hiren Ninowe At Kristus Yesus at-o, ulug awene eberoko warikipseg fam, hinim mondog-at welamuk-o. At Kristus ebe alem neken weregma, hit inggik enggangga etno hinoag weregsoho welamuk-o.

1 Petrus 1:8

Eke At Yesus Kristus etno hinilanggen harikip fug oke, hinindimu hinim hunduhuk welahep-o. Eke At etno hinilanggen haruk ahep fug oke, At obam ebetuk ahep-o. Ariroho welahep ari, hinindi hinahien suon haruk wilil,