Roma 5:1 - Allah Wene Hurumbik Keron

¹ Nit At Allah obam ebetuk nisalug, alem dahon ninobam werehon epmano elehep nisaharisimu, At Ninowe Yesus Kristus inuk fam At Allahen ninim fanoroho welamuog ulug dambuk ninaptisi-o.

Roma 5:1 ပူးပေါင်းရင်းမြစ်များ

Lukas 19:38

“At Ninowe Ninikni inuk fam wahaon du At Allah ahien obam umbukag-o. Eke boholmen dambuk ninaptuk etno fam At Allah inuk suontepfuruk amuk-o,” ulug heahi watuk apag.

Lukas 19:42

Ioba yatuk apareg, uruk wilil, “O yoho fano hinabukon etno hinindi ebetlepmen fano oke, hit fanoroho hinilanggen haruk ahep fug-o.

Lukas 2:14

“Allah boholma werehon fog suruk amuk-o. At Allahen aphe kweanmon hinabua hisaruk halug, hinim dambuksoho welamuhup-o,” ulug ebag.

Yohanes 14:27

Ariroho ebebuhubon oke, eke kidia hag hinindi hinahlahiroho welamag ulug yig hisaruk ahi-o. Ariroho yig hisaruk wilil, An ninuk fam hinindi hinahlahiroho welamon etno og hisaruk ahi-o. Ariroho og hisaruk ahi ari, it ap kweanmonen inindi inahlahiroho welamag ulug og isaruk etno hag og isaruk ahi fug-o. Ariroho og hisaruk nealug, hit hinindi dag am fug-o. Eke hinakol ha fug-o.

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Kisah Para Rasul 10:36

Eke At Yesus Kristus yi aphe di aphe obog Ninowe inuk suon etnowen yig nisarukmu, wene fano wene dambuk ninaptukon etno bilin it Israel aphe yig isa waharisi etno hit hiniluk-o.

Roma 1:17

Eke o amuk wene holal balfahon etno fam yig nisaruk wilil, “It aphe inindi werehon epmano At Allah obam ebetuk isalug, alem dahon inobam werehon etno elehepfulug fanoroho ninim welamuhuken ulug dambuk inabuhu-o,” ulug wene holal balfag etno ilitoho, kidia, “It aphe wene fano wene etno eberoko waruk isalug, ari fam At Allahen alem dahon inobam werehon epmano elehepfulug fanoroho imbisahu-o,” ulug wene fano wene etnowen bukaloko yig nisaruk-o.

Roma 1:7

Hit Roma aphe obog At Allah udaki amuhuben ulug hinayonggo embebag-o. Ariroho hinayonggo embebag ari fam, an heahi war hinaptuk ahi-o. Eke At Ninikni Allah Ninowe Yesus Kristus inimen hinabua hisaruk wilil hinim welamag ulug wene holal du bal hisihi-o.

Roma 10:10

Eke ninindimuen demat ulug ebetuk aheon ari, At Allahen alem dahon etno elehep nisahukag ulug ebetuk ahe-o. Eke ninune fam demat ulug uruk aheon ari ninili wawag ulug-at uruk ahe-o.

Roma 10:15

Eke it wene yig isil nuruk amag ulug mondep isaruk eleg halug, wene etno keroho yig isil nuruk amuhup-o? Eke ari halug, Alkitab etnowen yig nisaruk wilil, “It wene fano wene yig isil wamon etno inahientoho wereg-o,” ulug yig nisaruk-o.

Roma 14:17

Eke At Allah weregma welamon etno alem ik orom naruk aheon epmano fam welamuhuk fug-o. Eke At Roh Kudusen alem dahon ninobam werehon epmano elehep nisahakeg, eke At Allah inim fanoroho welamag ulug dambulip nisahakeg, eke nit ninahien hawag ulug yig niseheg suruk halug, nit At Allah weregma welamon etno holahuk-o.

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

Roma 15:33

Eke At Allah yi aphe di aphe dambuk ninaptukon etno hit obog hinim welamag ulug an demat yig hisihi-o.

Roma 3:22

it apheyen inindi At Yesus Kristus obam ebetuk isalug, At Allahen it alem dahon inobam werehon epmano elehepfuruk-o. Eke it yi aphe di aphe obog At Kristus obam ebetuk isalug, At Allahen alem dahon etno ilitoho-at elehep isaruk-o. Ariroho suruk wilil, at misig alem dahon obam werehon epmano elehepfeheg, eke at misig sohorep iseheg suruk eleg-o.

Roma 3:30

Eke At Allah ebe etno misig-at wilil, it Yahudi aben At Yesus obam ebetuk isalug, inim fanoroho welamuog ulug dambuk inaptuk etno hag, it bilin Allah wene inapeleg welatuson epmano At Yesus obam ebetuk isalug, ariroho-at inim fanoroho welamuog ulug dambuk inaptuk-o.

Roma 4:5

Eke ap misig onggarehen fano seheg eleg-at wilil, At Allahen nit dag suruk aheon epmano fano ninaptuk ulug obam ebetuk etno fam, At Allahen ap at obam ebetukon epmano ninim fanoroho welamuhuken ulug inim dambultuk-o.

Roma 5:11

Eke ari fam, alem misig du wereg-o. Ari, At Ninowe Yesus Kristus etnowen At Allah ninim fanoroho dambuk ninaptisireg fam, At Allah ninim mondog-at welamuhuk ulug inuk ahe-o.

Roma 5:18

Eke ari halug, alem misig dag sebareg fam, alem dahon it yi aphe di aphe obog-at inobam wereg apag etno hag, alem misig fano sebag etno fam, it yi aphe di aphe obog alem dahon inobam werehon epmano elehepfuruk wilil, inilukep isaruk-o.

Roma 6:23

Eke dag surukon ari onggo waratukon etno-at og isaruk-o. Eke At Allahen ninabua nisaruk wilil onggo eleg yuhun-at og nisarukon ari, At Ninowe Yesus Kristus ninim niniluk mondog welamon etno-at og nisaruk-o.

Roma 9:30

Eke ari halug, keroho uk buruk ahep-o? Ari wene ebe duroho uk-o. Eke it aphe bilin Allah wene inapeleg welatuson epmanowen At Allah inim dambuluog ulug surusa fuhon oke, At Allah obam ebetuk isalug, aren alem dahon inobam werehon epmano elehep isalug, ninim fanoroho welamuhuken ulug dambuk inaptisi-o.

Galatia 2:16

Eke iren At Yesus Kristus obam ebetuk isalug etno fam alem dahon inobam werehon etno elehepfuruk-o. Eke nit ari ilitoho At Yesus Kristus obam ebetuk nisalug, alem dahon ninobam werehon epmano At Allahen elehepfukag ulug At Yesus Kristus obam ebetuk atukuk-o. Eke it Yahudi aben wene duroho suruk amuk eke duroho suruk am fug ulug ebahon etno ilitoho suruk ahe etno fam alem elehepfukag ulug surukuk fug-o. Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, ari fam At Allahen alem elehepfuruk eleg-o.

Galatia 3:25

Ariroho welatision oke, eke nit At Kristus obam ebetuk nisalug, alem dahon ninobam werehon epmano At Allahen elehepfukon etno aso wilil, nit yanggul nisarukon neken welatisi-o. Eke At Kristus obam ebebukon etno o ari sambit arat seg atisimu, at yanggul nisarukon etno fobik yanggul nisao sohorep isarisi-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Efesus 2:7

Eke At Yesus Kristus etno og nisaruk wilil, At Allahen An nindi hinobam hunduhuk wilil hinabua hisaruk ahi-o ulug selegmaroho yig nisarision etno it yi aphe di aphe fobik welamuhubon epmanowen At Allahen demat anggolo og nisaruk-o, ulug inahla bukag ulug yig nisarisi-o.

Filipi 3:9

an nebe fanowon-at welahi-o, ulug uruk etno hag, an nonggarehen nebe fanowon welahi ulug uruk ahi fug-o. Eke ariroho uruk eleg wilil, At Kristus inuk eberoko warikik etno fam At Allahen an nindi fanoroho welamon etno og nitisimu, At Kristus inuk fam an fanowon welahi-o ulug uruk ahi-o.

Kolose 1:20

Ari halug, At Allahen yi angge di angge obog epmano nimin dambuluhuken-o, ulug ahla buruk apagma, At Allah Amloho e fam lenggaloko embebagma, warapag etno fam, it apheyen yi dag di dag surukon epmano onggo At Kristusen balfag-o. Eke At Kristusen ariroho sebag etno fam, At Allah yi angge di angge inim, eke yi aphe di aphe inim, eke kweanmon inim, boholmon inim dambulfag-o.

Kolose 3:15

Nin eke hinindi hunduhuk wilil, hinebe misig-at welamuhuben ulug wol hisebag etno fam, wa ulug hinahla buruk amuk-o.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.

2 Tesalonika 3:16

Eke At Ninowe dambuk ninaptukon etnowen hit obog dambuksoho welamon etno og hiseheg, eke hinim welaheg suruk amag ulug yig hisehe-o.

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.