Roma 4:5 - Allah Wene Hurumbik Keron

⁵ Eke ap misig onggarehen fano seheg eleg-at wilil, At Allahen nit dag suruk aheon epmano fano ninaptuk ulug obam ebetuk etno fam, At Allahen ap at obam ebetukon epmano ninim fanoroho welamuhuken ulug inim dambultuk-o.

Roma 4:5 ပူးပေါင်းရင်းမြစ်များ

Markus 9:23

Yig ituk apagma, At Yesus etnowen yig ituk wilil, “Fano suruk hiluk halug ehen ari, keroho ulug ehen-o? It yi aphe di aphe obohen At Allah obam ebetuk isalug, iren kino urukon etno ilitoho-at suruk-o,” ulug yig epag.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Yohanes 6:29

“Hit Allah yabuk keroho suruk amuk ulug ehep ari, hit At Allahen lahabik waharision etno obam hinindi ebetuk amuk ulug yig hisaruk-o. Eke At obam ebetuk ahep etno ari Allah yabuk-at suruk ahep-o,” ulug yig isebag.

Roma 10:3

Eke At Allahen alem dahon ninobam werehon epmano elehep nisahalug At ninim dambuk ninabukon etno inapeleg wilil, inonggarehen-at inim dambuluhuken ulug suruk-o. Eke ariroho suruk ari, At Allahen ninim dambuk ninabukon etno apma seberoho welam inambit-o.

Roma 3:22

it apheyen inindi At Yesus Kristus obam ebetuk isalug, At Allahen it alem dahon inobam werehon epmano elehepfuruk-o. Eke it yi aphe di aphe obog At Kristus obam ebetuk isalug, At Allahen alem dahon etno ilitoho-at elehep isaruk-o. Ariroho suruk wilil, at misig alem dahon obam werehon epmano elehepfeheg, eke at misig sohorep iseheg suruk eleg-o.

Roma 4:24

Eke nit hag alem dahon ninobam werehon epmano elehep nisahalug, At Allahen ninim fanoroho welamuog ulug dambuk ninaptisi-o, ulug niniluk amag ulug wene holal embebag-o. Eke At Allah Ninowe Yesus it aphe warehon wereg ambehen iluksoho minduhupfebahon etno obam ninindi ebetuk ahe-o.

Roma 4:3

Eke at Alkitab etnowen yig nisaruk wilil, “At Abrahamen Allah obam ebetuk apag etno fam, At Allahen ninim fanoroho welamuhuken ulug inim dambulfag-o,” ulug yig nisaruk-o.

Roma 4:6

Eke ap onggarehen fano saruk elehon etno alem dahon obam wereg halug, At Allahen elehepfuruk ari fam, at Dauden ap du At Allah ahien haruk-o, ulug uruk apareg, eke fobik uruk wilil,

Filipi 3:9

an nebe fanowon-at welahi-o, ulug uruk etno hag, an nonggarehen nebe fanowon welahi ulug uruk ahi fug-o. Eke ariroho uruk eleg wilil, At Kristus inuk eberoko warikik etno fam At Allahen an nindi fanoroho welamon etno og nitisimu, At Kristus inuk fam an fanowon welahi-o ulug uruk ahi-o.