Roma 4:15 - Allah Wene Hurumbik Keron

¹⁵ Eke wene duroho suruk amuk eke duroho suruk am fug ulug ebahon etno wereg halug, At Allah asine inobam umburuk-o. Eke komo wene yig isebahon etno eleg halug, alem dahan fahan suruk amon etno inim-at eleg atuk-o.

Roma 4:15 ပူးပေါင်းရင်းမြစ်များ

Yohanes 15:22

Eke An nebe watle fureg, wene etno yig hisele fugmen, iren nit dag suruk ahe ulug inapeleg-at welatlep-o.

Yohanes 3:36

Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Roma 1:17

Eke o amuk wene holal balfahon etno fam yig nisaruk wilil, “It aphe inindi werehon epmano At Allah obam ebetuk isalug, alem dahon inobam werehon etno elehepfulug fanoroho ninim welamuhuken ulug dambuk inabuhu-o,” ulug wene holal balfag etno ilitoho, kidia, “It aphe wene fano wene etno eberoko waruk isalug, ari fam At Allahen alem dahon inobam werehon epmano elehepfulug fanoroho imbisahu-o,” ulug wene fano wene etnowen bukaloko yig nisaruk-o.

Roma 5:13

Eke wene duroho suruk amuk eke duroho suruk am fug ulug ebahon etno awan yig isaruk eleg heheg, it apheyen dag sebahon oke, eke wene ebe etno elehen alem du dag suruk ulug inobam embebag fug-o. Eke alem dahon etno inobam umburuk eleg heheg oke, alem Adam etno famen atog at Musa etno fam it aphe obog-at waratuk apag-o.

1 Korintus 15:56

Eke nit kidia dag suruk ahe epmano fam waratuk ahe-o. Eke wene duroho suruk amuk eke duroho suruk am fug ulug ebahon etno fam nit dag suruk aheon epmano oag wereg apag-o.

Galatia 3:10

Eke it obog Yahudi aben wene duroho suruk amuk eke duroho suruk am fug ulug ebahon etno suog ulug surukon ari wene homali neken inobam wereg-o. Eke ari halug, alem ari fam Alkitab etnowen yig nisaruk wilil, “It obog Yahudi aben wene duroho suruk amuk eke duroho suruk am fug ulug ebahon etno obogsoho suruk eleg isalug, wene homali etno inobam umburuk-o,” ulug ariroho yig nisebag halug, it aphe obog Yahudi aben wene duroho suruk amuk eke duroho suruk am fug ebahon etno ilitoho suruk isalug, etno fam At Allahen alem dahon inobam werehon epmano elehepfuhu fug-o.

Galatia 3:19

Eke ari halug, wene duroho suruk amuk eke duroho suruk am fug ulug ebahon etno nongge farim yig isebag-o? Eke ari, it apheyen dag surukon epmano du dag-o ulug bukal amag ulug yig isebag-o. Eke wene duroho suruk amuk eke duroho suruk am fug ebahon ari, at Abraham etamu abug yig epahon etno ebe awan waharuk eleg heheg yig isebag-o.

Efesus 5:6

Eke ap misihen enggal yig hisaruk wilil, hinindi kahalik wam nowen-o. Eke it aphe Allah wene inesanggo holtuk eleg wilil, inenggal urukon epmano At Allahen asine inobam umbuhu-o.

Kolose 3:6

dahon ari obog hinindimuen waroko neken sohorep isiek-o.

1 Yohanes 3:4

At misig obabut dahon halug, At Allahen komo yig nisarukon etno sahaltuk-o. Dag surukon ari, At Allah une sahaltukon at-o.

Wahyu 19:15

Waharuk atusama, At etno elmen karog engga­ron misig wilik waharuk atisimu, etno fam it yi aphe di aphe inungguluag dombog apmarep isiug ulug sirisi-o. Ariroho suruk atisireg, ahla buruk wilil, “Sega fam napmarep isa­ruk aruhukseg, e anggur anggen bisaltuk ambeg epmanowen At Allah inuk fam bisaltuk aruhuk-o,” ulug ahla birisi-o.