Roma 4:14 - Allah Wene Hurumbik Keron

¹⁴ Eke it wene duroho suruk amuk eke duroho suruk am fug ulug ebahon etno ilitoho suruk isalug At Allahen og hisahuk-o ulug yig iselepmen, At Allah obam ebebukon etno inim, eke At Allahen abug yig isebahon etno inim eleg atlep-o.

Roma 4:14 ပူးပေါင်းရင်းမြစ်များ

Roma 3:31

Eke ari halug, niren At Yesus obam ebetuk ahe etno fam wene duroho suruk amuk eke duroho suruk am fug ulug ebahon etno imbisaruk ahe buruk ahep ano? Ari eleg-o. Niren At Yesus obam ebetuk ahe etno fam, wene duroho suruk amuk eke duroho suruk am fug ulug ebahon etno ilitoho-at suruk ahe-o.

Roma 4:16

Eke ari fam, at Abrahamen Allah obam ebepag etno fam abug yig epag-o. Ariroho abug yig epag ari, it Abraham etamuki epmano obog onggo umburuk eleg iseheg demat og hisahuk-o ulug abug yig epag-o. Eke at Abraham etamuki ulug ebahon ari, wene duroho suruk amuk eke duroho suruk am fug ulug ebahon etno ilitoho surukon ulug ebag fug-o. We at Abraham Allah obam ebepag etno hag ebetuk isalug ebag-o. Eke at Abraham ari nit obog ninikni neken-at wereg-o.

1 Korintus 1:13

Ariroho uruk ahep oke, At Kristus ebe anggolo wereg ano? Eke at Paulus etno hit hinake e fam lenggalepfulug waroko embebag ano? Eke hit hinebe at Paulus udaki wilil inuk ebebukag ulug ikma belap hinaptusa ano?

Galatia 2:21

Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, etno fam At Allahen alem dahon obam werehon epmano elehepfelepmen, At Kristus etno werlek-at waratlep ari haruk ahep?

Galatia 5:4

Eke hit ninen it Yahudi aben wene duroho suruk amuk eke duroho suruk am fug ulug ebahon etno ilitoho suruk wilil, At Allahen alem dahon hinobam werehon epmano elehepfukag ulug suruk ahebon halug, At Kristus hinim healsaruk ahep-o. Ariroho suruk ahep ari, At Allahen hinabua hisawon etno elegsoho imbisaruk ahep-o.

Filipi 3:9

an nebe fanowon-at welahi-o, ulug uruk etno hag, an nonggarehen nebe fanowon welahi ulug uruk ahi fug-o. Eke ariroho uruk eleg wilil, At Kristus inuk eberoko warikik etno fam At Allahen an nindi fanoroho welamon etno og nitisimu, At Kristus inuk fam an fanowon welahi-o ulug uruk ahi-o.

Ibrani 7:19

Ariroho hai apag famen, onggo Aren fano ninabuhu-o ulug wene fanowon etno-at yig nisaruk wilil, og ninaplug At Allah wereg ambeg horogsoho neken ninombisaharuk-o.

Ibrani 7:28

Eke at Musaen wene duroho suruk amuk eke duroho suruk am fug ulug ebahon etno fam, it ap nin inindi dahon-at oke, Allah unde suon welamag ulug minduhup isebag-o. Ariroho minduhup isebahon oke, at Musaen wene duroho suruk amuk eke duroho suruk am fug ulug ebahon etno bilin ebareg fam, fobik At Allahen Amloho yig ituk wilil, “Hat An ninuk fam demat minduhup hahaki-o,” ulug yig ituk apagma, At etno itog mondog indi fanowon-at wereg-o, ulug yig isebag.