Roma 4:11 - Allah Wene Hurumbik Keron

¹¹ Ariroho inim dambultuk apareg, fobik-at iyunggul ambilik balfag-o. Eke at Abraham etno iyunggul ambilik awan baleg eleg wilil, At Allah obam ebetuk apareg fam, At Allahen ninim fanoroho welamuhuken ulug inim dambulfag-o. Ariroho ninim dambulehe ari demat-o ulug ahla bukag ulug iyunggul ambilik balfag-o. Eke it yi ap di ap iniyunggul ambilik baleg elehon epmanowen At Allah obam ebetuk isalug, aren ninim fanoroho welamuhuken ulug dambuk inaptukon etno at Abraham inikni neken wereg-o.

Roma 4:11 ပူးပေါင်းရင်းမြစ်များ

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Matius 8:11

Eke misig du hinindi eberiek-o. It aphe anggolo emu filon inim, ahamu filon inim waharuk amuhupseg, it Abraham, Ishak, Yakub inim boholma At Allah weregma epmano e daleg etno fam horieg welamuhup-o.

Lukas 19:9

Yig ituk apagma, At Yesusen yig ituk wilil, “Hat hebe Abraham etamu-at welahen halug, inili warukon etno o yoho hat hobam hombahaki-o.

Yohanes 3:33

Eke it ninen At awene etno eberoko waruk isalug, ari fam At Allahen demat uruk-o ulug selegmaroho bukaloko yig nisaruk-o.

Yohanes 3:36

Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Yohanes 6:35

Yig ituk apagma, At Yesusen yig isaruk wilil, “Orom roti ebe iniluk inaptukon ari An nebe at-o. Ari halug, it aphe obog An nambeg watlug nobam ebetukon epmano ik inim, orom roti inim obok hahup fug-o,” ulug yig isebag.

Yohanes 6:40

eke fobik ahla bebahon misig yig nituk wilil, it yi aphe di aphe obohen Namloho hat inilanggen heahupseg, hobam ebetuk isalug, Anden iniluk welamon etno og isahuk-o. Ariroho og isaruk aruhukseg, fobik o ari fam obog-at iniluksoho minduhup isahuk-o, ulug yig nepahon etno-at yig hisaruk ahi-o,” ulug yig isebag.

Yohanes 6:47

Yig isaruk apareg, eke fobik yig isaruk wilil, “An wene demat uruk amon etno yig hisamin-o. It aphe An nobam ebetuk isalug, iniluk welamon etno-at holaruk-o.

Yohanes 8:33

Yig isaruk apagma, eke it etnowen yig ituk wilil, “Nit ninebe etno at Abraham etamuki nowen, nit ninebe ap misig anggimbu neken wilil, hele waroko welatukuk fug-o. Ariroho welatukuk fuhon oke, Haren hele hibiloko hinombisahakuk ulug ehen ari, keroho ulug ehen-o?” ulug yig epag.

Roma 10:11

Eke Alkitab wene holal baleg etno famen yig nisaruk wilil, “It yi aphe di aphe At obam ebetuk isalug, inenggali hahup fug-o,”

Roma 10:4

Eke At Kristusen bilin wene duroho suruk amuk eke duroho suruk am fug ulug ebahon etno ilitoho sebag etno fam, it yi aphe di aphe At obam ebetuk isalug, At Allahen alem dahon inobam werehon epmano elegsoho imbisalug At inim dambultuk-o.

Roma 10:6

“Hit hinindi famen at sa hag boholma lahaku-o? ulug uruk am fug-o,” ulug ariroho ebag ari, it apheyen At Kristus ebe boholmen walug ambik wam nowen ulug ebag-o.

Roma 3:22

it apheyen inindi At Yesus Kristus obam ebetuk isalug, At Allahen it alem dahon inobam werehon epmano elehepfuruk-o. Eke it yi aphe di aphe obog At Kristus obam ebetuk isalug, At Allahen alem dahon etno ilitoho-at elehep isaruk-o. Ariroho suruk wilil, at misig alem dahon obam werehon epmano elehepfeheg, eke at misig sohorep iseheg suruk eleg-o.

Roma 3:26

kidia hag it aphe dag surukon epmano At Kristus inuk fam inobam inapelegsoho apma imbisaruk ulug selegma amag ulug suruk-o. Ariroho wilil, At Allah etno fanoroho-at suruk ulug yig nisaruk-o. Eke it aphe nin At Yesus obam ebetuk isalug, At Allahen ninim fanoroho welamuog ulug dambuk ninaptuk-o, ulug selegma atuk-o.

Roma 3:30

Eke At Allah ebe etno misig-at wilil, it Yahudi aben At Yesus obam ebetuk isalug, inim fanoroho welamuog ulug dambuk inaptuk etno hag, it bilin Allah wene inapeleg welatuson epmano At Yesus obam ebetuk isalug, ariroho-at inim fanoroho welamuog ulug dambuk inaptuk-o.

Roma 4:10

Ari halug, eke Alkitab etno fam yig nisaruk wilil, At Abraham bilin Allah obam ebetuk apag etno fam At Allahen ninim fanoroho welamuhuken ulug inim dambulfag-o, ulug ebahon etno misihim inim-at yig hisaruk ahi-o. Eke At Allahen Abraham inim dambulfag ari, at Abraham iyunggul ambilik baleg fam inim dambulfag ano, awan baleg eleg heheg inim dambulfag ano? Ari eleg-o. Awan baleg eleg heheg-at inim dambulfag-o.

Roma 9:30

Eke ari halug, keroho uk buruk ahep-o? Ari wene ebe duroho uk-o. Eke it aphe bilin Allah wene inapeleg welatuson epmanowen At Allah inim dambuluog ulug surusa fuhon oke, At Allah obam ebetuk isalug, aren alem dahon inobam werehon epmano elehep isalug, ninim fanoroho welamuhuken ulug dambuk inaptisi-o.

Roma 9:33

Eke helep ari fam at Alkitab etnowen yig nisaruk wilil, “Helep aphe iniog ahap watukon etno o Sion epma umburuk ahi ari, helep suon inambit harukon etno-at umburuk ahi-o. Eke At ebe helep ilitoho werehon etno obam ebetuk isalug, inenggali hahup fug-o,” ulug yig isebag-o.

Roma 9:6

Eke anden ihion ari, At Allahen hurumbik yig isebahon etno hai apag ulug yig hisaruk ahi fug-o. Eke it Israel aphe epmano it nin inobabut At Allahen udaki imig inapahon neken welapag fug-o.

2 Korintus 1:22

Eke aren og hisahuk ulug abug yig nisebahon etno demat og nisahu ulug ninahla bukag ulug At Roh Kudus etno ninindimu og nisarisi-o.

Galatia 3:22

Eke at Alkitab etnowen yig nisaruk wilil, “It yi aphe di aphe kweanmon obog dag-at suruk-o,” ulug yig nisaruk etno fam, it aphe At Yesus Kristus obam ebetukon etno At Allahen og hisahuk ulug abug yig nisebahon etno og isaruk-o.

Galatia 3:29

Eke hit hinebe At Kristusen angge welahep halug, at Abraham etamuki neken welahep-o. Eke hit at Abraham etamuki neken welahep halug, At Allahen og hisahuk ulug abug yig epahon etno hit-at og hisahu-o.

Galatia 3:7

it aphe At Allah obam ebetukon epmano obog at Abraham etamuki neken wereg-o ulug hinahla buruk amuk-o.

Galatia 5:5

Eke nit hag At Kristus obam ebetuk nisalug, At Allahen alem dahon ninobam werehon epmano elehepfuhu ulug ninindi ebetuk ahe-o. Eke At Roh Kudus etnowen yig nisarukmu, Aren alem dahon elehepfukon etno aso welahe-o.

Galatia 6:16

Eke hit an wene holal fam yig hisihion du-at mutlug laruk hisalug, At Allah udaki obog hinim At Allahen dambuk hinaptuk wilil, ahmu hisawag ulug yig hisihi-o.

Efesus 1:13

Eke hit ariroho-at wene fano wene demat urukon hinili wawon etno hinesanggo holtuk atikipseg At Kristus obam ebetuk atikip-o. Ebetuk atikipmu, eke At Allahen Roh Kudus og hisahuk ulug abug yig hisarision etno arat og hisarisireg fam, aphe inebe duma An nudaki at-o, ulug yig hisarisi etno hiren demat bukag ulug yig hisarisi-o.

Efesus 4:30

Eke At Roh Kudus hinindimu werehon etno olohore dahapfuk fug-o. Eke At Allahen hinili wahuon etno hinindimuen demat ulug hiniluk amag ulug At Roh Kudusen hinindimu yig hisaruk-o.

Filipi 3:9

an nebe fanowon-at welahi-o, ulug uruk etno hag, an nonggarehen nebe fanowon welahi ulug uruk ahi fug-o. Eke ariroho uruk eleg wilil, At Kristus inuk eberoko warikik etno fam At Allahen an nindi fanoroho welamon etno og nitisimu, At Kristus inuk fam an fanowon welahi-o ulug uruk ahi-o.

Ibrani 11:7

Eke at Nuh etno hag, indi demat ulug ebetuk wilil, At Allahen fobik war inabuhuk-o ulug ebahon etno ilanggen hebag fuhon oke, esanggo holfag-o. At Allahen ebahon etno esanggo holtuk apareg, aren so etno o ilitoho falfag. Falepfuruk apareg, at uhwe udaki inim so fam epmano kebareg weregma, inili webag-o. Inili webareg fam, aren it aphe kweanma obog inili oko imbisebag-o. Eke at indi demat ulug ebepag etno fam, At Allahen ap du obabut fano hihi ulug ahien obam embebag-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

Wahyu 9:4

Ariroho umburusa famen, isinggangge inim, e inim, engga werehon epmano inim naruk am fug-o; eke it aphe duma At Allahen angge ulug inilaho­ag fam holal elehon halug hinayeg bal inaptuk amiek-o, ulug yig isarusa-o.