Roma 3:4 - Allah Wene Hurumbik Keron

⁴ “Hat hune uruk ahen etno, it apheyen demat uruk inahla bukag ulug uruk ahen-o. Eke hat aphe inaren baltuk wilil, hune demat uruk ahen etno fam hawene etno su atuk-o,” ulug yig nisaruk-o.

Roma 3:4 ပူးပေါင်းရင်းမြစ်များ

Matius 11:19

Eke An Allahen minduhup naha­rision etno waharikikseg, ik inim, orom inim naruk wilil weregma, hit obohen, ‘Ap du bik himiek-o, At ebe etno it ap uang onggo kino urukon etno inim, eke it dag surukon epmano inim inomin wilil, orom inim, ik anggur inim inahumsoho naruk-o,’ ulug iri­kip-o. Ariroho irikibon oke, At Allahen ahla burukon etno demat suruk halug, ari fam At Allahen demat yig nisaruk-o ulug inahla buhup-o,” ulug yig ise­bag.

Lukas 20:16

At ebe waharuk aruhureg, it at eyabuk warukon epmano warep isaruk aruhureg, ap nin inubulukmu welamag ulug minduhup isahu-o,” ulug yig isebag. Yig isaruk apagma, eke it aphe epmanowen yig ituk wilil, “Eleg-o,” ulug yig ituk apagma,

Yohanes 3:33

Eke it ninen At awene etno eberoko waruk isalug, ari fam At Allahen demat uruk-o ulug selegmaroho bukaloko yig nisaruk-o.

Roma 11:1

Eke ari halug, At Allahen At udaki it Israel ap epmano ambit isarisireg sohorep isarisi ano? ulug hinog og saruk wilil, ari eleg-o, ulug yig isaruk ahi-o. Eke an nebe etno Israel ap-at wilil, nungguluag Benyaminon etno nebe Abraham etamu-at welahi-o.

Roma 11:11

Eke ari halug, it inebe mondog bule ambuog ulug iniog ya lenggag da lenggag surusa ano? Ari eleg-o, ulug yig hisaruk ahi-o. Eke it epmano hag bule amburusareg fam, it aphe Allah wene inapeleg welatuson epmano inili warisimu, iren uruk wilil, “Nit hag ninili wawim sirisi-o,” ulug uruk amag ulug, ariroho sirisi-o.

Roma 3:31

Eke ari halug, niren At Yesus obam ebetuk ahe etno fam wene duroho suruk amuk eke duroho suruk am fug ulug ebahon etno imbisaruk ahe buruk ahep ano? Ari eleg-o. Niren At Yesus obam ebetuk ahe etno fam, wene duroho suruk amuk eke duroho suruk am fug ulug ebahon etno ilitoho-at suruk ahe-o.

Roma 6:15

Eke ari halug, keroho uk-o? Nit wene komo yig nisebahon etno apma welam sohorep isalug, At Allahen ninabua nisarukmu welahe ari fam dag-at suruk amuk-o ulug uk ari fano buruk ahep ano? Ari mondog eleg-o.

Roma 6:2

Ari eleg-o. Eke nit hag dag suruk aheon epmano sohorep isuog ulug waratukukseg fam, keroho dag-at suruk amuhuk-o?

Roma 7:13

Eke ari halug, niren wene fanowon etnowen-at nowatisi-o ulug uk ari fano buruk ahep ano? Ari eleg-o. Alem dag surukon etnowen-at nowatisi-o. Eke komo wene fanowon etno-at yig nitukmu, alem dag surukon etnowen nowatisi ari, alem du dahon at-o, ulug selegma amag ulug nowatisi-o. Eke ari halug, wene duroho suruk amuk eke duroho suruk am fug ulug ebahon etno fam alem dag surukon ari mondog dahon at-o ulug selegmaroho bukal atisi-o.

Roma 7:7

Eke ari halug, keroho uk-o? Wene duroho suruk amuk eke duroho suruk am fug ulug ebahon etno dag-o ulug ariroho uk ari fano buruk ahep ano? Ari eleg-o. Eke wene duroho suruk amuk eke duroho suruk am fug ulug ebahon etno fam du dag suruk ulug niluk atisi-o. Eke wene duroho suruk amuk eke duroho suruk am fug ulug ebahon etno fam ap inaharek hulik ulug hinahla buk fug-o, ulug yig etlep fugmen, anden ap inaharek hulik ulug nahla bukon etno ari alem dahon at-o, ulug nahla bele fug-o.

Roma 9:14

Eke ari halug, keroho uk-o? Niren At Allah dahan fahan suruk ulug uk ari fano buruk ahep ano? Ari mondog eleg-o.

1 Korintus 6:15

Eke hit hinebe epmano At Kristus ebe inggik iog neken welahep ari hit hiniluk-o. Eke ap misig At Kristus ebe atog neken werehon etno dikiksoho walug, hwe ap misig ohopfeheg sil nurukon etno inim hundubuk ari fano behep ano? Ari mondog hai-o.

2 Korintus 1:18

Eke anden yig hisaruk wilil, nenggal inim demat inim yig hisarikik fug ari, At Allah iluk-o.

Galatia 2:17

Eke ari halug, niren At Kristus obam ebetuk wilil alem elehepfukag ulug suruk ahe etno fam, nit dag suruk aheon at-o ulug niniluk atlug, At Kristus ebe ari dag surukon etno anggimbu at-o, ulug ariroho uk ari fano buruk ahep ano? Ari eleg-o.

Galatia 2:21

Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, etno fam At Allahen alem dahon obam werehon epmano elehepfelepmen, At Kristus etno werlek-at waratlep ari haruk ahep?

Galatia 6:14

Eke an hag, At Ninowe Yesus Kristus e fam lenggaloko embebagma, nit ninake warapahon etno inuk-at suontepfuruk aruhuk-o. Eke at ebe ariroho an nake warapareg fam, yi angge di angge it ap kweanmonen surukon epmano elegsoho imbisaruk ahi-o. Eke it aphe kweanmonen an nebe inapeleg neken atisi-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

Titus 1:2

Eke anden wene du demat ulug yanggul isaruk ahion etno fam it apheyen niniluk welamon etno og nisahu-o ulug inindi ebetuk-o. Eke At Allah enggal uruk elehon etnowen o kweanma duma awan wal haruk eleg wilil, hini­luk welamon etno og hisahuk ulug, abug yig nisaruk apareg,

Ibrani 6:18

Ariroho yig isebag etno hag, Aren hurumbik urukon etno inim, eke At inuk fam urukon etno inim yig nisaruk halug, At Allahen enggal-at ulug imbisahu fug-o. Ari halug, nit At Allahen ninili wawag ulug obam ebetuk aheon etno ninindi oag weregsoho wilil, Aren og hisahuk ulug yig nisebahon etno aso welahe-o.

1 Yohanes 5:10

At Allah Amloho obam ebetuk nisalug, ari ninindi famen demat ulug ebetuk ahe-o, eke At Allah Amloho obam ebetlug eleg urukon halug, At Allah-at enggaltepfuruk-o. At Allahen At Yesus ari An Namloho at-o ulug ebahon etno ebetlug eleg urukon halug, At Allah-at enggaltepfuruk-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

Wahyu 3:7

Eke fobik an yig nituk wilil, “At it jemaat o Filadelfia aphe inaso werehon etno og emag ulug holal duroho imbimihin-o: At in­dien demat ulug surukon etnowen yig hisaruk wilil, Anden sok latuk ahion etno aben husuk hai-o. Eke Anden sok husuruk ahion etno it aben labuk hai-o. Ariroho suruk ahi ari, sok hobog bilin at Dauden seneg welapahon etno Anden seneg welahi-o.