Roma 3:28 - Allah Wene Hurumbik Keron

²⁸ Eke ari fam, ap misig At Yesus obam ebetuk halug, etno fam At Allahen alem dahon obam werehon epmano elehepfuruk-o. Eke wene duroho suruk amuk eke duroho suruk am fug ulug ebahon etno ilitoho surukon etno fam alem dahon obam werehon etno elehepfuruk eleg-o.

Roma 3:28 ပူးပေါင်းရင်းမြစ်များ

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Yohanes 6:40

eke fobik ahla bebahon misig yig nituk wilil, it yi aphe di aphe obohen Namloho hat inilanggen heahupseg, hobam ebetuk isalug, Anden iniluk welamon etno og isahuk-o. Ariroho og isaruk aruhukseg, fobik o ari fam obog-at iniluksoho minduhup isahuk-o, ulug yig nepahon etno-at yig hisaruk ahi-o,” ulug yig isebag.

Roma 3:26

kidia hag it aphe dag surukon epmano At Kristus inuk fam inobam inapelegsoho apma imbisaruk ulug selegma amag ulug suruk-o. Ariroho wilil, At Allah etno fanoroho-at suruk ulug yig nisaruk-o. Eke it aphe nin At Yesus obam ebetuk isalug, At Allahen ninim fanoroho welamuog ulug dambuk ninaptuk-o, ulug selegma atuk-o.

Roma 4:5

Eke ap misig onggarehen fano seheg eleg-at wilil, At Allahen nit dag suruk aheon epmano fano ninaptuk ulug obam ebetuk etno fam, At Allahen ap at obam ebetukon epmano ninim fanoroho welamuhuken ulug inim dambultuk-o.

Roma 5:1

Nit At Allah obam ebetuk nisalug, alem dahon ninobam werehon epmano elehep nisaharisimu, At Ninowe Yesus Kristus inuk fam At Allahen ninim fanoroho welamuog ulug dambuk ninaptisi-o.

Roma 8:3

Eke ninebe kweanmon etnowen fano suk ninoag elegma, at wene duroho suruk amuk eke duroho suruk am fug ulug ebahon etnowen fano ninabuk hai atision oke, At Allahen fano ninaptisi-o. Eke At Allahen Amloho etno it ap kweanmon inebe dag surukon epmano ilitoho belabik waharuk wilil, At Kristus obam alem dag surukon epmano onggo umbukag ulug belabik wapareg fam, alem dag surukon epmano oag deloko elehepfebag-o.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

Galatia 2:16

Eke iren At Yesus Kristus obam ebetuk isalug etno fam alem dahon inobam werehon etno elehepfuruk-o. Eke nit ari ilitoho At Yesus Kristus obam ebetuk nisalug, alem dahon ninobam werehon epmano At Allahen elehepfukag ulug At Yesus Kristus obam ebetuk atukuk-o. Eke it Yahudi aben wene duroho suruk amuk eke duroho suruk am fug ulug ebahon etno ilitoho suruk ahe etno fam alem elehepfukag ulug surukuk fug-o. Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, ari fam At Allahen alem elehepfuruk eleg-o.

Galatia 3:24

Eke ari halug, At Kristus etno awan waharuk eleg heheg, wene duroho suruk amuk eke duroho suruk am fug ulug ebahon etno nit yanggul nisarukon neken welatisi-o.

Galatia 3:8

Eke Alkitab fam yig nisaruk wilil, “It ap Allah wene inapelehon epmano fobik At Allah obam ebetuk isalug, alem dahon inobam werehon epmano At Allahen elehepfuhu-o,” ulug hurumbik Alkitab fam yig isebag-o. Ariroho yig isaruk apareg, wene fano wene hurumbik etno at Abraham yig ituk wilil, “Hat hetamu misig endag aruhu etno fam, At Allahen aphe kweanmon obog ahien inobam umbuhu-o,” ulug yig ituk apagma, at Abraham etnowen At Allah obam ebetuk apag. Ebetuk apagma, At Allah ahien obam embebag.

Efesus 2:9

Eke hinili wawon etno niren suruk atukukon epmano og nisarisi ulug suontepata fug-o. Hiren fanoroho suruk ahep ulug og hisarisi fug-o.

Filipi 3:9

an nebe fanowon-at welahi-o, ulug uruk etno hag, an nonggarehen nebe fanowon welahi ulug uruk ahi fug-o. Eke ariroho uruk eleg wilil, At Kristus inuk eberoko warikik etno fam At Allahen an nindi fanoroho welamon etno og nitisimu, At Kristus inuk fam an fanowon welahi-o ulug uruk ahi-o.

Titus 3:7

Eke At Yesusen nit ninonggo baltisireg fam, At Allah ninim dambul atukukseg, niniluk welamon etno og nisa­hu-o ulug ninindi ebetuk wilil, niniluk welamon etno huluog ulug suruk ahe-o, ulug wene ari demat yig hirihi-o.

Yakobus 2:18

Eke at ap misihen uruk wilil, “An hag Allah wene fanoroho suruk ahion-o, hat hag huneyen-at Allah wene waruk ahen-o,” ulug yig nitlepmen eke anden ap etno yig ituk wilil, “Ap misig uneyen Allah wene urukon oke, ilitoho suruk eleg wilil, keroho neken yuhun-at wereg-o. Eke yi angge di angge fanoroho surukon etno fam it aphe obohen, ap du Allah wene demat uruk-o, ulug yig imuhup-o,” ulug anden yig itle-o.

Yakobus 2:20

Eke hat hebe Allah wene uruk ahenon oke, ilitoho suruk ahen fug ari, urunangge neken suruk ahen-o. Allah wene waruk wilil oke, ilitoho suruk eleg isalug ari, Allah wene waruk elehon neken wereg etno hat hapeleg ano?

Yakobus 2:24

nit kidia bilin Allah wene weheg, fobik ilitoho seheg suruk nisalug, At Allahen ahien ninobam umbuhu-o; eke bilin Allah wene waruk wilil, fobik ilitoho sukon etno sohorep iseheg suruk nisalug, At Allah ahien ninobam umbuhu fug-o.