Roma 3:27 - Allah Wene Hurumbik Keron

²⁷ Eke ari halug, alem misig fam suontepatawon wereg buruk ahep ano? Ari eleg-o. Eke wene duroho suruk amuk eke duroho suruk am fug ulug ebahon etno ilitoho suruk nisalug, At Allahen ninim fanoroho welamuhuken ulug dambuk ninaptuk ano? Ari eleg-o. We At Yesus obam ebetuk nisalug-at ninim fanoroho welamuhuken ulug dambuk ninaptuk-o.

Roma 3:27 ပူးပေါင်းရင်းမြစ်များ

Markus 16:16

Eke iren wene fano wene yangguloko yig isahubon etno inindien demat ulug eberoko waruk isalug, ikma belap inabuhup etno fam inili og inabuhuk-o. Eke wene etno inindimu eberoko waruk eleg isalug, oag deloko o dagma-at imbisahuk-o.

Yohanes 3:36

Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Roma 10:5

Eke wene duroho suruk amuk eke duroho suruk am fug ulug ebahon etno fam At Allah inim dambulukon etno at Musaen wene holal umburuk wilil, “Ap misihen wene duroho suruk amuk eke duroho suruk am fug ulug ebahon ilitoho suruk halug, alem etno fam iluk mondog welaruhu-o,” ulug ebahon oke, at obam ebetuk etno fam At Allah inim dambulukon etno wene holal umburuk wilil,

Roma 11:6

Ariroho fuloko imbisarisi ari, iren suruson epmano fam fuloko imbisarisi fug-o. We Aren inabua suruk apag etno fam fuloko imbisarisi-o. Eke it apheyen surukon epmano fam At Allahen fuloko imbiselepmen, Aren inabua isarukon we hai neken-at inabua iselep-o.

Roma 2:17

Eke hat hag, an Yahudi ap welahi ulug uruk ahen du, wene duroho suruk amuk eke duroho suruk am fug ulug ebahon etno hiluk wilil, At Allah Ninikni-at wereg ulug suontepfuruk ahen-o.

Roma 2:23

Eke hat Allahen wene duroho suruk amuk eke duroho suruk am fug ulug ebahon etno suontepfuruk wilil, ilitoho suruk ahen fug du At Allah enggali watuk ahen ano?

Roma 3:19

Eke it wene duroho suruk amuk eke duroho suruk am fug ulug ebahon etno iniluk halug, wene etnowen komo yig isaruk-o. Eke ariroho yig isaruk ari, it aphe kweanmon obog dag surukon epmano At Allahen oag del inaptuk halug, iren nit dag surukuk fug-o, ulug alem dahon inobam werehon etno elehepfuk nowen ulug ariroho yig isaruk-o.

Roma 3:26

kidia hag it aphe dag surukon epmano At Kristus inuk fam inobam inapelegsoho apma imbisaruk ulug selegma amag ulug suruk-o. Ariroho wilil, At Allah etno fanoroho-at suruk ulug yig nisaruk-o. Eke it aphe nin At Yesus obam ebetuk isalug, At Allahen ninim fanoroho welamuog ulug dambuk ninaptuk-o, ulug selegma atuk-o.

Roma 4:2

Eke at Abraham etnowen bilin fano sebahon etno fam At Allah ninim fanoroho welamuhuken ulug dambultuk atlepmen, alem ari fam suontepatelep oke, aren At Allah il fam suontepatao ari eleg-o.

Roma 7:21

Eke ari fam, alem biren neken nindimu weregma haruk ahi-o. Eke fanowon du suhuk ulug nahla buruk wilil oke, dag sukon etno imihiog ulug suruk ahi-o.

Roma 7:23

alem dahan fahan surukon misig nindimu wereg haruk ahi-o. Eke alem dahan fahan surukon etnowen an nahien haruk ahion etno inim healeg wereg-o. Eke alem dahan fahan surukon etnowen an nebe alem dag surukon nobam werehon etno anggimbu welamag ulug hele waroko nombaharuk-o.

Roma 7:25

Eke an hag At Ninowe Yesus Kristus inuk fam Allah wa ulug yig ituk ahi-o.

Roma 8:2

Eke At Roh Kudusen yig nitukon etno fam At Kristus Yesus ninim dambuksep nisaharisireg nilukep naharisi-o. Eke ariroho nilukep naharisireg fam, alem dag surukon inim, waratukon inim nobam werehon epmano elehep naharisi-o.

Roma 9:11

“Hat hudaki at manggion etno ot fobikon etno anggimbu neken welaruhu-o,” ulug ariroho yig epag ari, at udaki etno awan endoho eleg wilil fanowon inim dahon inim suruk eleg iseheg, hurumbik-at yig epag-o.

Roma 9:31

Eke it Israel aphe epmano hag wene duroho suruk amuk eke duroho suruk am fug ulug ebahon etno fam At Allah inim dambuluog ulug suruson oke, alem dahon inobam werehon etno elehepatalug At Allah inim welamon etno ebetusa fug ari, keroho ulug ebetusa fug-o?

Roma 9:32

Ari At Allahen alem dahon ninobam werehon epmano sohorep isalug, dambuk ninabukag ulug obam ebereheg eleg-at wilil, niren fanoroho suruk aheon etno fam ninim dambuluhuk-o ulug inahla burusa-o. Ariroho buruk wilil, helep iniog ahap watukon etno fam watarusa-o.

1 Korintus 4:7

Eke hat hag ap sen hakeleg-at suon ulug ilanggen hearuk-o? Eke nongge hag og hitisi fug-o? Eke At Allahen obog og hitision oke, og hitisi fugmu neken, keroho ulug hat hinuk-at suontepataruk ahen-o?

Galatia 2:16

Eke iren At Yesus Kristus obam ebetuk isalug etno fam alem dahon inobam werehon etno elehepfuruk-o. Eke nit ari ilitoho At Yesus Kristus obam ebetuk nisalug, alem dahon ninobam werehon epmano At Allahen elehepfukag ulug At Yesus Kristus obam ebetuk atukuk-o. Eke it Yahudi aben wene duroho suruk amuk eke duroho suruk am fug ulug ebahon etno ilitoho suruk ahe etno fam alem elehepfukag ulug surukuk fug-o. Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, ari fam At Allahen alem elehepfuruk eleg-o.

Galatia 3:22

Eke at Alkitab etnowen yig nisaruk wilil, “It yi aphe di aphe kweanmon obog dag-at suruk-o,” ulug yig nisaruk etno fam, it aphe At Yesus Kristus obam ebetukon etno At Allahen og hisahuk ulug abug yig nisebahon etno og isaruk-o.