Roma 3:25 - Allah Wene Hurumbik Keron

²⁵ Eke At ebe At Allahen og nisebagma, nit ninake warapareg fam, ninindi At obam ebetuk nisalug, niren dag suruk atukukon epmano sohorep isalug, ninobam ninapelegsoho At apma ninombisaharuk-o. Eke At Allahen aphe ninim ariroho dambultuk ahe-o ulug surukon etno selegma amag ulug At Kristus og nisebag-o. Eke o amuk it aphe dag sebahon etno At Allah indi hunduhuk wilil dulum war inabuk sohorep isalug, inaso welapahon oke,

Roma 3:25 ပူးပေါင်းရင်းမြစ်များ

Yohanes 6:47

Yig isaruk apareg, eke fobik yig isaruk wilil, “An wene demat uruk amon etno yig hisamin-o. It aphe An nobam ebetuk isalug, iniluk welamon etno-at holaruk-o.

Kisah Para Rasul 14:16

Eke o amuk At Allahen yi aphe di aphe obog inobam dombog suruk amag ulug sohorep isebahon oke, inabuen yi angge di angge fanowon-at og isebag-o.

Kisah Para Rasul 15:18

ulug At Allahen amuk hurumbik ebahon etno wereg-o,” ulug at Yakobusen yig isaruk apareg,

Kisah Para Rasul 17:30

Eke amuk ninapeleg wilil dag suruk atukukon epmano ninobam ninapelegsoho apma ninombisahabahon oke, kidia At Allahen yi aphe di aphe obog hiren dag suruk ahebon epmano sohorep isalug An nawene etno waruk amiek-o, ulug yig nisaruk-o.

Kisah Para Rasul 2:23

Eke At Allahen indi ebetuk wilil, At Yesus senebukagsoho og isahuk ulug ahla buruk apareg og hisarisimu, hiren it ap selemon dahon epmanowen e fam lenggaloko paku waroko umbukag ulug og isarikipseg, hinim watikip-o.

Kisah Para Rasul 3:18

Eke At Allahen bilin it nabi inune fam At Kristus wabuhup-o ulug hurumbik yig isebag-o. Hurumbik yig isebag etno ilitoho-at seg atisi etno hiniluk-o.

Kisah Para Rasul 4:28

Watuson oke, eke Haren bilin hahla buruk wilil ariroho seg aruhu-o ulug uruk senahon etno fam-at surusa-o.

Roma 2:4

Eke At Allah etno ninabua nisaruk wereg heheg, at une sebeluk ulug uruk ahen ano? Eke nit dag suruk aheon epmano ninobam ninapelegsoho apma ninombisahalug, ninindi wereg amag ulug ninabuen yig nisarukon epmano hapelegma uruk ahen ano?

Roma 3:26

kidia hag it aphe dag surukon epmano At Kristus inuk fam inobam inapelegsoho apma imbisaruk ulug selegma amag ulug suruk-o. Ariroho wilil, At Allah etno fanoroho-at suruk ulug yig nisaruk-o. Eke it aphe nin At Yesus obam ebetuk isalug, At Allahen ninim fanoroho welamuog ulug dambuk ninaptuk-o, ulug selegma atuk-o.

Roma 5:1

Nit At Allah obam ebetuk nisalug, alem dahon ninobam werehon epmano elehep nisaharisimu, At Ninowe Yesus Kristus inuk fam At Allahen ninim fanoroho welamuog ulug dambuk ninaptisi-o.

Roma 5:11

Eke ari fam, alem misig du wereg-o. Ari, At Ninowe Yesus Kristus etnowen At Allah ninim fanoroho dambuk ninaptisireg fam, At Allah ninim mondog-at welamuhuk ulug inuk ahe-o.

Roma 5:18

Eke ari halug, alem misig dag sebareg fam, alem dahon it yi aphe di aphe obog-at inobam wereg apag etno hag, alem misig fano sebag etno fam, it yi aphe di aphe obog alem dahon inobam werehon epmano elehepfuruk wilil, inilukep isaruk-o.

Roma 5:9

Eke At ninake warapareg fam, alem dahon ninobam werehon etno elehep nisahabag halug, At Allahen asine ninobam umbuk nowen ulug ninili wahu-o.

1 Korintus 5:7

Eke hit hag roti keron neken amuhuken ulug, roti su amag ulug werehon amukon dag sirikibon epmano horoho wilipfisiek-o. Eke it Israel ap amuk wam domba Paskah esebuog ulug wapag etno hag, At Kristus etno nit ninake warapareg fam,

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Efesus 2:13

Eke bilin ariroho wilil, yatma neken welatikibon oke, At Kristus Yesus hinim dambuksoho hinombisahukag ulug At Kristus amep deloko umbulug warapareg fam, kidia hinebe horog-at neken welahep-o.

1 Timotius 1:15

Eke it aphe obohen eberoko wawag ulug, wene du demat yig hituk ahi-o, At Kristus Yesus etno it aphe dag surukon epmano fano inabiog ulug o kweanma duma wapag-o.

Ibrani 10:4

Ariroho umburuk oke, wam kambing amep inim, sapi kulog amep inim etnowen it apheyen dag surukon epmano inobam inapelegsoho elehap inaptuk eleg-o.

Ibrani 11:14

Eke it etno o kweanma duma huso neken welahe ulug demat uruk isalug, etno fam inibam keron-at heahil sil nuruk ulug niniluk atuk-o.

Ibrani 11:17

Eke At Allah etno indi demat ulug ebetuk halug, At Allahen aren baliug ulug yig ituk heheg, at Abraham etno amloho Ishak Allah ake waroko imbiug ulug sebag-o. Eke at Abraham etno bilin At Allahen hudaki hetamuki anggolo og hiruhuk ulug hurumbik yig epahon oke, at amloho misig-at endepahon etno Allah ake imbiug ulug sebag-o.

Ibrani 11:7

Eke at Nuh etno hag, indi demat ulug ebetuk wilil, At Allahen fobik war inabuhuk-o ulug ebahon etno ilanggen hebag fuhon oke, esanggo holfag-o. At Allahen ebahon etno esanggo holtuk apareg, aren so etno o ilitoho falfag. Falepfuruk apareg, at uhwe udaki inim so fam epmano kebareg weregma, inili webag-o. Inili webareg fam, aren it aphe kweanma obog inili oko imbisebag-o. Eke at indi demat ulug ebepag etno fam, At Allahen ap du obabut fano hihi ulug ahien obam embebag-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

Ibrani 9:5

Eke At Allah ampeti etno anduhunmu, it dag suruk apahon epmano imbisalug, At Allah ninim dambuluhuken ulug wam amep umburukon walu etno welapag. Eke walu etno alilukmu, it Allah malaikat inuk Kerub ilitoho ulug inebe biren halehon epmano minduhuk welapag. Ariroho minduhuk welapag ari, it Israel aben At Allah ninim hunduhuk welahe ulug inahla buruk amag ulug minduhupfebag. Ariroho minduhupfebag ari fam, nit at Musaen embebahon etno wene atog yaron-at olowon oke, kidia obog-at ul fug-o.

1 Yohanes 1:10

Eke nit ninindi fanowon-at uruk nisalug, At Allah enggal urukon neken uruk wilil, At awene senetuk ahe fug-o.

1 Yohanes 2:2

At Kristus etno motoho-at sebag etno fam, dag suruk aheon epmano ninapelegsoho ninombisaharuk-o, eke it aphe obohen dag surukon epmano inim-at inapelegsoho imbisaruk-o.

1 Yohanes 4:10

Eke bilin nit Allah ninindi hunduhuk welatuk sowag fug. Aren nit indi hunduhuk wilil Amloho belap nisa wapag. Ari niren dag suruk aheon etno apma seberoho umbukag ulug belap nisa wapag.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.

Wahyu 20:15

Nin eke niniluk wela­mon holal embebahon etno fam ininuk elehon halug, hondok olokma imbisarukmu harikik-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.