Roma 3:24 - Allah Wene Hurumbik Keron

²⁴ Eke ariroho wereg iseheg, At Allahen inabua isaruk wilil, iren onggo umbulug eleg-at At Kristus Yesus etnowen inili webareg fam, At Allahen alem dahon inobam werehon epmano elehepfuruk-o.

Roma 3:24 ပူးပေါင်းရင်းမြစ်များ

Kolose 1:14

At Amloho indi hunduhukon etno ninili wawag ulug og nisebareg fam, Aren nit dag suruk aheon epmano sohorep isalug ninapelegsoho apma seberoho imbisarisi-o.

Roma 5:9

Eke At ninake warapareg fam, alem dahon ninobam werehon etno elehep nisahabag halug, At Allahen asine ninobam umbuk nowen ulug ninili wahu-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Roma 4:16

Eke ari fam, at Abrahamen Allah obam ebepag etno fam abug yig epag-o. Ariroho abug yig epag ari, it Abraham etamuki epmano obog onggo umburuk eleg iseheg demat og hisahuk-o ulug abug yig epag-o. Eke at Abraham etamuki ulug ebahon ari, wene duroho suruk amuk eke duroho suruk am fug ulug ebahon etno ilitoho surukon ulug ebag fug-o. We at Abraham Allah obam ebepag etno hag ebetuk isalug ebag-o. Eke at Abraham ari nit obog ninikni neken-at wereg-o.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

1 Timotius 2:6

Eke At Yesus ari nit yi aphe di aphe obog-at ninonggo warapag-o. Eke At etno bilin warapareg fam, At Allahen aphe obog ninili wiog ulug suruk-o, ulug niniluk atuk-o.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.

Wahyu 7:14

eke anden yig ituk wilil, “Nowe, an napeleg-o, Hat-at hiluk-o,” ulug yig iti­kik-o. Yig ituk atikikmu, eke Aren yig nituk wilil, “It aphe du dahon inobam umburuson oke, inili holaruk atusareg waharusa-o. Eke it epmano inasum sabele horoho Wam Domba Udag amep etno fam hulu amag ulug are surusa-o.

Roma 4:4

Eke at ap misihen yabuk onggo og isaruk wilil, werlek-at og isik ulug ahla buruk eleg-o. We yabuk surukon etno onggo ilitoho-at og isik ulug ahla buruk-o.

Kisah Para Rasul 15:11

Eleg-o, nit At Yesus onggo eleg og nisebag etno fam ninili waruk-o. Eke it ari fam-at inili waruk-o,” ulug at Petrusen yig isebag.