Roma 3:22 - Allah Wene Hurumbik Keron

²² it apheyen inindi At Yesus Kristus obam ebetuk isalug, At Allahen it alem dahon inobam werehon epmano elehepfuruk-o. Eke it yi aphe di aphe obog At Kristus obam ebetuk isalug, At Allahen alem dahon etno ilitoho-at elehep isaruk-o. Ariroho suruk wilil, at misig alem dahon obam werehon epmano elehepfeheg, eke at misig sohorep iseheg suruk eleg-o.

Roma 3:22 ပူးပေါင်းရင်းမြစ်များ

Lukas 15:22

eke at ikni etnowen it anggimbu epmano wol isaruk wilil, ‘Hit hinebe dulum lalihipseg, sum fanowon etno walug, an namloho du wantepfeheg, senggan inggikmu wantepfeheg, eke eset iogmu wantepfeheg silihip-o.

Kisah Para Rasul 11:12

Waharuk atusama, eke At Roh Kudusen yig nituk wilil, ‘Hat hambit iseheg eleg-at hinim alu-o,’ ulug yig nituk atisimu, it nomini enggalimen angge etano ninim o Kaisarea laruk atukukseg, at Kornelius ibam etno kurukuk-o.

Kisah Para Rasul 15:9

Eke it epmano nit ninim ilitoho welamag ulug ninombisaharisimu, it epmano At awene eberoko waruk atusama, iren dag suruson epmano inapelegsoho apma imbisarisi-o.

Kisah Para Rasul 3:16

Eke At Yesus inuk fam ap iog oag elehon etno oag wereg aha-o. Oag wereg ahama, hehep ari At Yesus obam ebetuk wilil, inuk warukmu, hit hinil fam fano sehek-o.

Roma 1:17

Eke o amuk wene holal balfahon etno fam yig nisaruk wilil, “It aphe inindi werehon epmano At Allah obam ebetuk isalug, alem dahon inobam werehon etno elehepfulug fanoroho ninim welamuhuken ulug dambuk inabuhu-o,” ulug wene holal balfag etno ilitoho, kidia, “It aphe wene fano wene etno eberoko waruk isalug, ari fam At Allahen alem dahon inobam werehon epmano elehepfulug fanoroho imbisahu-o,” ulug wene fano wene etnowen bukaloko yig nisaruk-o.

Roma 10:12

ulug nit obog-at yig nisaruk ari, dahan fahan ninombisahalug yig nisaruk eleg-o. It Yahudi ap inim, it Allah wene bilin inapeleg welatuson epmano inim ilitoho-at yig nisaruk wilil, At Allah ebe it obog-at Ninikni wereg-o. Eke nit obohen At obam kino yig ituk nisalug, ahien anggolo-at ninobam umbuhu-o,

Roma 10:4

Eke At Kristusen bilin wene duroho suruk amuk eke duroho suruk am fug ulug ebahon etno ilitoho sebag etno fam, it yi aphe di aphe At obam ebetuk isalug, At Allahen alem dahon inobam werehon epmano elegsoho imbisalug At inim dambultuk-o.

Roma 2:1

Nomin-o, haren it ap nin inaren baltuk wilil, uruk ahen ano? Eke haren it duroho suruk ulug inaren baltuk wilil, ilitoho suruk ahen du hili huliog ulug suruk ahen ano? Eke hat misig honggareg hobam-at denggelsaruk ahen-o.

Roma 3:30

Eke At Allah ebe etno misig-at wilil, it Yahudi aben At Yesus obam ebetuk isalug, inim fanoroho welamuog ulug dambuk inaptuk etno hag, it bilin Allah wene inapeleg welatuson epmano At Yesus obam ebetuk isalug, ariroho-at inim fanoroho welamuog ulug dambuk inaptuk-o.

Roma 4:16

Eke ari fam, at Abrahamen Allah obam ebepag etno fam abug yig epag-o. Ariroho abug yig epag ari, it Abraham etamuki epmano obog onggo umburuk eleg iseheg demat og hisahuk-o ulug abug yig epag-o. Eke at Abraham etamuki ulug ebahon ari, wene duroho suruk amuk eke duroho suruk am fug ulug ebahon etno ilitoho surukon ulug ebag fug-o. We at Abraham Allah obam ebepag etno hag ebetuk isalug ebag-o. Eke at Abraham ari nit obog ninikni neken-at wereg-o.

Roma 8:1

Eke ari halug, it At Kristus Yesus inim werehon epmano onggo o dagma imbisahu fug-o.

Roma 9:30

Eke ari halug, keroho uk buruk ahep-o? Ari wene ebe duroho uk-o. Eke it aphe bilin Allah wene inapeleg welatuson epmanowen At Allah inim dambuluog ulug surusa fuhon oke, At Allah obam ebetuk isalug, aren alem dahon inobam werehon epmano elehep isalug, ninim fanoroho welamuhuken ulug dambuk inaptisi-o.

1 Korintus 12:13

Eke At Allahen nit obog-at Roh Kudus misig etno Kristus ebe misig-at amag ulug belap nisa wapag. Eke it Yahudi ap inim, eke it Yunani ap inim, eke it aphe inanggimbu epmano inim, eke it unde werehon epmano inim, obog ninebe misig-at amag ulug ikma belap ninapag. Eke nit obog At Roh Kudusen ambusu etno misig-at og nisebagma, naruk ahe-o.

1 Korintus 4:7

Eke hat hag ap sen hakeleg-at suon ulug ilanggen hearuk-o? Eke nongge hag og hitisi fug-o? Eke At Allahen obog og hitision oke, og hitisi fugmu neken, keroho ulug hat hinuk-at suontepataruk ahen-o?

Galatia 2:16

Eke iren At Yesus Kristus obam ebetuk isalug etno fam alem dahon inobam werehon etno elehepfuruk-o. Eke nit ari ilitoho At Yesus Kristus obam ebetuk nisalug, alem dahon ninobam werehon epmano At Allahen elehepfukag ulug At Yesus Kristus obam ebetuk atukuk-o. Eke it Yahudi aben wene duroho suruk amuk eke duroho suruk am fug ulug ebahon etno ilitoho suruk ahe etno fam alem elehepfukag ulug surukuk fug-o. Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, ari fam At Allahen alem elehepfuruk eleg-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Galatia 3:22

Eke at Alkitab etnowen yig nisaruk wilil, “It yi aphe di aphe kweanmon obog dag-at suruk-o,” ulug yig nisaruk etno fam, it aphe At Yesus Kristus obam ebetukon etno At Allahen og hisahuk ulug abug yig nisebahon etno og isaruk-o.

Galatia 3:28

Eke ari halug, it Yahudi ap inim, eke it bilin Allah wene inapeleg welatuson epmano inim, eke it ap inanggimbu, iniknisi epmano inim, eke ap inim, hweap inim, it dahan fahan wereg eleg-o. Eke hit At Kristus Yesus hinim misig-at welahep etno fam obog ilitoho-at welahep-o.

Efesus 3:12

Eke nit At Kristus ninim wilil, At obam ebetuk nisalug, ninakol elegsoho wilil At Allah apma waharuk ahe-o.

Filipi 3:9

an nebe fanowon-at welahi-o, ulug uruk etno hag, an nonggarehen nebe fanowon welahi ulug uruk ahi fug-o. Eke ariroho uruk eleg wilil, At Kristus inuk eberoko warikik etno fam At Allahen an nindi fanoroho welamon etno og nitisimu, At Kristus inuk fam an fanowon welahi-o ulug uruk ahi-o.

Kolose 3:11

Inobabut ketoho imbisarukon etno, it ap bilin Allah wene inapeleg welatuson inim, eke it Yahudi ap inim, it iniyunggul ambilik balehon etno inim, eke baleg elehon inim, it Barbar ap epmano inim, eke it Skit ap epmano inim, ari it aphe inune ninilukon epmano inim, eke inune ninapelehon epmano inim, eke ap suon inim, eke ap kimbu inim, it obog-at Kristus inim wilil, inebe misig-at inindi hunduhuk wereg-o.

Yakobus 2:23

Eke at Abraham etno Allah obam ebetuk apagma, At Allahen, “Hat fano suruk ahen-o,” ulug ahien obam umburuk apareg, yig ituk wilil, “Hat Abraham an nomin welahen-o,” ulug yig epag etno hag,