Roma 3:20 - Allah Wene Hurumbik Keron

²⁰ Eke wene duroho suruk amuk eke duroho suruk am fug ulug ebahon etno ilitoho suruk ari fam ap misig At Allah il fam alem dahon obam werehon epmano elehepfuhu fug-o. Eke wene duroho suruk amuk eke duroho suruk am fug ulug ebahon etnowen it aphe obog dag suruk-o, ulug bukaloko yig nisaruk-o.

Roma 3:20 ပူးပေါင်းရင်းမြစ်များ

Roma 2:13

Eke wene duroho suruk amuk eke duroho suruk am fug ulug ebahon etno inesanggo holtuk isalug-at, ari fam At Allahen alem dahon inobam werehon epmano elehepfuhu fug-o; wene duroho suruk amuk eke duroho suruk am fug ulug ebahon etno ilitoho suruk isalug hag, At Allahen alem dahon inobam werehon epmano elehepfuhu-o.

Roma 3:28

Eke ari fam, ap misig At Yesus obam ebetuk halug, etno fam At Allahen alem dahon obam werehon epmano elehepfuruk-o. Eke wene duroho suruk amuk eke duroho suruk am fug ulug ebahon etno ilitoho surukon etno fam alem dahon obam werehon etno elehepfuruk eleg-o.

Roma 4:13

Eke At Allahen hat Abraham hetamuki hinim o kweanma duma unde welamuhuben ulug og hisahuk-o, ulug abug yig epag etno, at Abrahamen wene duroho suruk amuk eke duroho suruk am fug ulug ebahon etno ilitoho surukmu yig epag fug-o. Eke at Abraham Allah obam ebetuk halug, inim dambulfag etno fam yig epag-o.

Roma 4:15

Eke wene duroho suruk amuk eke duroho suruk am fug ulug ebahon etno wereg halug, At Allah asine inobam umburuk-o. Eke komo wene yig isebahon etno eleg halug, alem dahan fahan suruk amon etno inim-at eleg atuk-o.

Roma 5:13

Eke wene duroho suruk amuk eke duroho suruk am fug ulug ebahon etno awan yig isaruk eleg heheg, it apheyen dag sebahon oke, eke wene ebe etno elehen alem du dag suruk ulug inobam embebag fug-o. Eke alem dahon etno inobam umburuk eleg heheg oke, alem Adam etno famen atog at Musa etno fam it aphe obog-at waratuk apag-o.

Roma 5:20

Eke dag surukon etno du dag suruk ulug iniluk amag ulug wene duroho suruk amuk eke duroho suruk am fug ulug ebahon etno og isebag-o. Eke ariroho du dag suruk ulug selegma atuk apagma, alem At Allahen inabua isarukon etno-at su apag-o.

Roma 7:11

Eke wene duroho suruk amuk eke duroho suruk am fug ulug ebahon etno fam du dag surukon ulug yig nitukon etno alem neken weregma, at alem dag surukon etnowen nindi kahaltuk atisireg, nowatisi-o.

Roma 9:32

Ari At Allahen alem dahon ninobam werehon epmano sohorep isalug, dambuk ninabukag ulug obam ebereheg eleg-at wilil, niren fanoroho suruk aheon etno fam ninim dambuluhuk-o ulug inahla burusa-o. Ariroho buruk wilil, helep iniog ahap watukon etno fam watarusa-o.

1 Korintus 15:56

Eke nit kidia dag suruk ahe epmano fam waratuk ahe-o. Eke wene duroho suruk amuk eke duroho suruk am fug ulug ebahon etno fam nit dag suruk aheon epmano oag wereg apag-o.

Galatia 2:16

Eke iren At Yesus Kristus obam ebetuk isalug etno fam alem dahon inobam werehon etno elehepfuruk-o. Eke nit ari ilitoho At Yesus Kristus obam ebetuk nisalug, alem dahon ninobam werehon epmano At Allahen elehepfukag ulug At Yesus Kristus obam ebetuk atukuk-o. Eke it Yahudi aben wene duroho suruk amuk eke duroho suruk am fug ulug ebahon etno ilitoho suruk ahe etno fam alem elehepfukag ulug surukuk fug-o. Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, ari fam At Allahen alem elehepfuruk eleg-o.

Galatia 2:19

Eke wene duroho suruk amuk eke duroho suruk am fug ulug ebahon etno anden ilitoho siog ulug sirikikon etno hai atisireg fam, alem dahon etno-at nobam wereg heheg nebe warehon neken welatikikon oke, eke kidia At Allahen wene duroho suruk amuk eke duroho suruk am fug ulug ebahon etno ilitoho siog ulug niluk-at welahi-o.

Galatia 5:4

Eke hit ninen it Yahudi aben wene duroho suruk amuk eke duroho suruk am fug ulug ebahon etno ilitoho suruk wilil, At Allahen alem dahon hinobam werehon epmano elehepfukag ulug suruk ahebon halug, At Kristus hinim healsaruk ahep-o. Ariroho suruk ahep ari, At Allahen hinabua hisawon etno elegsoho imbisaruk ahep-o.

Ibrani 7:19

Ariroho hai apag famen, onggo Aren fano ninabuhu-o ulug wene fanowon etno-at yig nisaruk wilil, og ninaplug At Allah wereg ambeg horogsoho neken ninombisaharuk-o.