Roma 2:9 - Allah Wene Hurumbik Keron

⁹ Eke it obog dag surukon epmano At Allahen fobik o hondok olokma imbisahu ambeg epmen oloken yahan watuk amuhup ari, it Yahudi ap inim, eke it Allah wene inapelehon inim ariroho-at suruk amuhup-o.

Roma 2:9 ပူးပေါင်းရင်းမြစ်များ

Matius 16:26

Eke hit o ahik ya da yi angge di angge obog unde welamuhupseg, etno fam fobik waram ari fano buruk ahep ano? Ari eleg-o. Eke hinebe waramuhupseg, fobik niniluk amulen ulug onggo nongge ombatahup-o?

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Kisah Para Rasul 11:18

Yig isaruk apagma, inesanggo holtuk apareg, iren, “Bilin ninune fanggogsoho eheon etno yig ituk sohorep isul, ulug inahla buruk apareg, At Allah inuk suontepfuruk apareg, uruk wilil, ari halug, At Allahen it At awene inapeleg welatuson epmano iren dag suruk atuson sohorep isalug, iniluk welamon wene etno og isaruk hehe-o,” ulug uruk apag.

Kisah Para Rasul 13:26

Ariroho yig isebag etno hag, eke kidia yig hisaruk ahi-o. Eke hit nomini Abraham etamuki inim, eke hit o duma Allah wene waruk ahebon inim obog-at yig hisamin-o. Wene ninili wawon etno nit-at yig nisaruk-o.

Kisah Para Rasul 20:21

Eke it Yahudi ap inim, it bilin Allah wene inapeleg welatuson inim obog-at iren dag surukon epmano inobam inapelegsoho imbisalug At Allahen apma imbisahureg fam, At Ninowe Yesus inuk eberoko wawag, ulug obog-at yig hisarikik-o.

Kisah Para Rasul 26:20

Demat ulug nindimu ebetuk atikikseg, bilin o Damsyik inim, o Yerusalem inim, eke fobik o Yudea obog inim, eke it o ahik ya da Allah wene inapeleg ambeg inim obog-at yig isil nuruk wilil, hit dag suruk atikibon epmano sohorep isalug, hinindi weregsoho At Allah inuk waruk wilil, nit demat wene waruk ahe ulug hiniluk amagsoho fanowon etno-at suruk amuk-o, ulug yig isil nuruk atikik.

Kisah Para Rasul 28:17

Imbik laruk atusama, inggik henahanam welatisireg, at Paulusen it Yahudi ap inowesi Romaon epmano wonggaliek ulug yig isaruk atisimu, it epmano obog-at wonggalik waharuk atusama, at Paulusen yig isaruk wilil, “Nomini-o, an it ninetamukien wene duroho suruk amuk eke duroho suruk am fug ulug yig nisebahon etno seberoho imbirikik fuhon oke, it Yahudi aben o Yerusalemen hele warep naharuk atusareg, nebe it Roma ap og isarusa.

Kisah Para Rasul 28:28

ulug at Paulusen yig isaruk wilil, “Ari halug, At Allahen ninili wawon wene etno it Allah wene inapelehon epmanowen demat ulug eberoko wawag ulug yig isaruk wereg-o,” ulug yig isaruk atisimu,

Kisah Para Rasul 3:26

At Amloho iluksoho minduhupfirisimu, bilin hit obog yi dag di dag suruk atikibon epmano sohorep isalug fano hinabukag ulug belap hisa waharisi-o,” ulug at Petrusen yig isaruk apag.

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 10:12

ulug nit obog-at yig nisaruk ari, dahan fahan ninombisahalug yig nisaruk eleg-o. It Yahudi ap inim, it Allah wene bilin inapeleg welatuson epmano inim ilitoho-at yig nisaruk wilil, At Allah ebe it obog-at Ninikni wereg-o. Eke nit obohen At obam kino yig ituk nisalug, ahien anggolo-at ninobam umbuhu-o,

Roma 2:10

Ek it obog fano surukon epmano, At Allahen akeleg neken fuloko imbisalug, heahi waroko dambuk inaptuk aruhu ari, it Yahudi ap inim, eke it bilin Allah wene inapeleg welatuson epmano inim obog-at dambul inaptuk aruhu-o.

Roma 8:35

Eke ari halug, At Kristus ninim hunduhuk welaheon etno ap sen heal ninabuhu-o? Eke it ninen dahon ninobam umburukon etno inim, eke ninebe seberep nisaharukon etno inim, eke muko wilip nisaharukon etno inim, eke orom obok hawon etno inim, eke yi angge di angge ninaharek eleg amon epmano inim, eke dag am nowen ulug ninakol haruk aheon etno inim, eke waramon etno inim, alem obog epmanowen nit At Kristus ninim heal ninabuhu buruk ahep ano? Ari eleg-o.

Roma 9:24

Eke ariroho inebe suontep isahuk ulug fuloko imbisebareg fam, it Yahudi ap inim, it bilin Allah wene inapeleg welatuson epmano inim obog-at wol nisarisi-o.

Galatia 3:28

Eke ari halug, it Yahudi ap inim, eke it bilin Allah wene inapeleg welatuson epmano inim, eke it ap inanggimbu, iniknisi epmano inim, eke ap inim, hweap inim, it dahan fahan wereg eleg-o. Eke hit At Kristus Yesus hinim misig-at welahep etno fam obog ilitoho-at welahep-o.

Kolose 3:11

Inobabut ketoho imbisarukon etno, it ap bilin Allah wene inapeleg welatuson inim, eke it Yahudi ap inim, it iniyunggul ambilik balehon etno inim, eke baleg elehon inim, it Barbar ap epmano inim, eke it Skit ap epmano inim, ari it aphe inune ninilukon epmano inim, eke inune ninapelehon epmano inim, eke ap suon inim, eke ap kimbu inim, it obog-at Kristus inim wilil, inebe misig-at inindi hunduhuk wereg-o.

2 Tesalonika 1:6

Eke At Allahen fobik motoho aphe oag del inaptuk wilil, it dahon hinobam umburukon etno onggo dahon inobam embeheg, eke hit kidia dahon hinobam umburukmu welahebon etno inim, eke nit inim, obog kelsawag ulug o fanoma ninombisahaku-o.

1 Petrus 4:17

Eke horog kidia aphe oag deloko imbisahu halug, it Allah udaki epmano hag bilin-at inaren baluhu-o. Eke nit bilin-at ninaren baluhureg, it Allah wene fano wene waruk elehon epmano fobik keroho inaren baloko imbisahu-o?