Roma 2:8 - Allah Wene Hurumbik Keron

⁸ eke it aphe nin epmano inindimuen suontepataruk wilil, wene demat urukon etno sohorep isalug, dag wene etno, inindi ebetukon ari, At Allah asineyen onggo dag seko imbisahu-o.

Roma 2:8 ပူးပေါင်းရင်းမြစ်များ

Roma 1:18

Eke it apheyen Allah wene ninambit-o ulug dag suruk wilil, it dag surukon epmanowen fano wene etno wehe ha nowen ulug sebeloko umburuk isalug, At Allah asineyen war inaptukon wene etno bukaloko yig nisaruk wereg-o.

Roma 10:16

Eke wene fano wene etno yig isil laruk oke, it ninen wene fanowon etno eberoko warusa fug ari fam, at Yesayaen uruk wilil, “Nowe-o, wene yig isarukukon etno at sen hag eberoko warisi-o?” ulug ebag-o.

Roma 15:18

Eke an nune oag weregsoho uruk ahi ari, At Kristusen yig nitukmu-at yabuk suruk atikik ulug yig hisaruk ahi-o. Eke At Kristus ninim yabuk sulug eleg anden-at yabuk sirikik ulug uk ari an nakol-o. Eke At Kristus etno ninim yabuk suruk wilil, it aphe bilin wene inapeleg welatuson epmano Allah wene inesanggo holtuk amag ulug nune yig iseheg, eke yabuk seheg,

Roma 6:17

Eke hiren At Allah wa ulug yig ituk amuk-o. Eke hit o amuk at alem dag surukon etno anggimbu neken welatikibon oke, kidia wene etno warikipseg, wene demat yanggul nisarukon du ninesanggo holtug ilitoho-at suruk amuk-o, ulug hinahientoho ebetuk ahep-o.

Roma 9:22

Ariroho suruk ari hag, At Allahen ilitoho-at suruk-o. Eke At asine inobam umbukon epmano inim, eke Aren oag weregsoho sukon etno inim obog-at iniluk amag ulug, it aphe asine inobam imbiog ulug werehon epmano dulum war inabeheg eleg orog-at inaren baltuk atlug inebe elegsoho imbisiog ulug suruk-o.

1 Korintus 11:16

Eke at ap misig wene alem du fam ninim heahuog ulug suruk halug, nit Allah udaki ninim dambuksoho welaheon epmano ninune sahaltuk ahe eleg-o.

2 Korintus 12:20

Eke fobik hinambeg waruhukseg, hit an nune hinesanggo holtuk ahep fuhon etno nilanggen hisahuk ari an nambit-o. Eke hiren at Paulus obabut ninambit haruk aheon etno-at waha ulug hiren ariroho yig num ari an nambit-o. Eke hit winimug abeheg, eke hinindi hinasine aheg, eke hinune fanggogsoho eheg, eke an-at suon aruhuken ulug eheg, eke aphe inobam denggeleheg, eke aik dahog eheg, eke hinonggarehen suontepateheg, eke narlog harlog seheg, hiren ariroho surukmu an nilanggen hisaruk ari nambit-o.

Filipi 1:17

Eke it iniluk wereg oke, eke it nin epmano inambit hun naptuk wilil, an hele wareg welahion etno obam seberoho dahon nobam umbuog ulug winimug neken uruk wilil, nit-at suon welamuhuken ulug inindi biren neken wilil, At Kristus awene etno yig isarukon ari fano at-o.

Filipi 2:3

Eke hiren uruk wilil, an nebe suon-at welaruhuk-o, ulug hinonggarehen suontepataruk wilil, suruk am fug-o. Eke nomini du fano wereg heheg, an dag welahi-o ulug it hinomini inil fam seberepataruk amiek-o.

2 Tesalonika 1:8

Ambik wamuhupseg, it inahondok eral ambulpulon etno fam it Allah inapelehon epmano o dagma imbisahup-o. Ariroho imbisahup ari, it At Ninowe Yesus awene fano wene inesanggo holuk inamberakon epmano inim-at nintul nantul o hondok olok inaruk aruhu ambeg epma welamag ulug imbisahup-o.

Titus 3:9

Eke yi angge di angge farim urunanggeroho winimug aptukon etno inim, eke ninetamuki ininuk du-o ulug wene yaron urukon etno inim, eke wene duroho suruk amuk eke duroho suruk am fug ulug ebahon etno farim yuhun-at winimug aptukon etno inim, ariroho urukon etno ebe mondog eleg halug sohorep isin-o.

Ibrani 10:27

Ariroho ninombisaharuk eleg halug, nit ninebe o dagma ninombisahaku ulug ninakoltoho welamuk-o. Eke niren dag suruk aheon epmano sohorep isaruk eleg nisalug, it nin At Allah inambit harukon epmano ninim ninoag deloko o hondok olokma-at ninombisahaku-o.

Ibrani 11:8

Eke at Abraham etno Allahen yig ituk wilil, “Hat hudaki hetamuki unde welamuhup ambeg epmano-at lag-o,” ulug wol haruk apagma, indimuen demat ulug ebetuk apareg, esanggo holfag. Holtuk apareg, o lao ambeg epmano apelehon oke, arat lebag.

Ibrani 5:9

lluk atuk apagma, At ebe it yi aphe di aphe obog-at yanggul isarukon welamag ulug minduhupfebareg fam, it yi aphe di aphe At une inesanggo holtuk isalug, inilioko iniluk welamon etno-at og isaruk amag ulug inggikmu embebag-o.

Yakobus 3:14

Eke hit hinuneyen nambit hambit eheg, eke hinindi famen hinasine heheg, eke yi angge di angge an-at hulik ulug hinahla beheg suruk wilil, an-at suon ulug, fano wene etno sohorep isalug hinenggal wene etno uruk am fug-o.

Yakobus 3:16

Eke it apheyen nambit hambit eheg, yi angge di angge an-at hulik ulug inahla beheg, suruk ambeg epmanowen it aphe obog healeg wilil, yi dag di dag suruk-o.

1 Petrus 3:1

Eke hit hweap epmano hinahuni inune holtuk amiek-o. Eke it hinahuni nin Allah wene waruk elehon oke, hit inune fanoroho holtuk hisalug, Allah wene waruk amuhup-o.

1 Petrus 4:17

Eke horog kidia aphe oag deloko imbisahu halug, it Allah udaki epmano hag bilin-at inaren baluhu-o. Eke nit bilin-at ninaren baluhureg, it Allah wene fano wene waruk elehon epmano fobik keroho inaren baloko imbisahu-o?

Wahyu 14:10

eke ininggikmu, eke inilahoagma walo aholal werehon etno inim, At Allahen asineroho dahon etno inobam umbuhu-o. Eke it malaikat epmano inim, eke At Wam Domba Udag etno inim inolohotmen it obog dag suruson epmano o hondok olokma welamuhup-o.

Wahyu 16:19

Suruk heheg, eke fobik o ahik sumu etno kwean ele kahaltisi-o; eke o ahik ya da aphe inibam epmano obog-at mialtil larisi-o. Ariroho mialtil larisi ari, At Allahen it Babel aphe epmanowen dag suruson epmano indi ebetuk wilil, it aphe epma werehon war inabiug ulug ariro­ho mialtil larisi-o.