Roma 2:7 - Allah Wene Hurumbik Keron

⁷ Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

Roma 2:7 ပူးပေါင်းရင်းမြစ်များ

Matius 25:46

Ariroho yig isaruk aruhukmu, it epmano o hondok olokma initog mondog welam ambeg epmano-at lahup-o. Eke it inobabut fanowon epmano hag, o fanoma iniluk mondog welamuhup ambeg epmano-at lahup-o,” ulug yig isebag.

Lukas 21:19

Ariroho suhu hiniluk wilil, hinindi oag weregsoho welamuhup etno fam hinebe hinili holahup-o,” ulug At Yesusen yig isebag.

Lukas 8:15

Eke i angge kwean sinon fam kililtil lebag etno hag, ari it aphe wene etno inesanggo holtug inindi fanoroho ebereheg, eke anggen yihukag ulug amug wareheg suruk-o,” ulug At Yesusen yig isebag.

Yohanes 4:36

Eke it ap anggen baltuk isalug, onggo fanowon epmano og isaruk ari fam, anggen neken iniluk welamon etno-at holaruk-o. Ari halug, it ap i yatukon epmano inim, eke it anggen baltukon epmano inim obog dambuksoho inahien hahup-o.

Yohanes 5:44

Eke ari halug, hit hit suontepatawon hinindi haruk ahebon oke, At Allahen suontep hisahukag ulug suruk ahep fug du, hit An nawene etno keroho eberoko welep-o?

Roma 2:10

Ek it obog fano surukon epmano, At Allahen akeleg neken fuloko imbisalug, heahi waroko dambuk inaptuk aruhu ari, it Yahudi ap inim, eke it bilin Allah wene inapeleg welatuson epmano inim obog-at dambul inaptuk aruhu-o.

Roma 6:23

Eke dag surukon ari onggo waratukon etno-at og isaruk-o. Eke At Allahen ninabua nisaruk wilil onggo eleg yuhun-at og nisarukon ari, At Ninowe Yesus Kristus ninim niniluk mondog welamon etno-at og nisaruk-o.

Roma 8:18

Eke kidia alem dahon ninobam umburukon ari hag doron-at-o, eke fobik suontep nisahuon etno hag mondog suon at-o, ulug nahla buruk ahi-o.

Roma 9:23

Eke Aren it aphe nin anggoloroho inabua isaruk atlug suontep isawon etno iniluk amag fuloko imbisebag-o.

1 Korintus 15:42

Eke ari halug, waramuhuk ambehen min ninabuhuon etno ilitoho-at wereg-o. Eke i yahowon ari filik atukon oke, eke unggum laharukon etno mondog welaruhu-o.

1 Korintus 15:50

Eke alem du farim yig hisihi-o, nomini, ninebe ninahap kweanmon etno At Allah wereg ambeg kulug Aren angge etno holao ari hai-o. Eke filik atukon epmanowen dag atuk elehon etno holao ari hai-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

Galatia 6:9

Eke ari halug, fanoroho sukon etno orog-at suruk am fug-o. Eke nintul nantul fanoroho suruk nisalug, fobik o ari sambit anggen fanowon etno-at bal sahuk-o.

Efesus 6:24

Eke hit obog nintul nantul At Ninowe Yesus Kristus hinindi mondog hunduhuk welahebon etno At Allahen hinabua hisawag ulug yig hisihi-o.

Kolose 1:27

Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

1 Timotius 1:17

Fano naptisireg fam, At Ninikni Allah suon itog mondog werehon, aphe inilanggen haruk elehon etno inuk-at suontepfuruk amuk-o, ulug an demat yig hirihi-o.

2 Timotius 1:10

eke kidia At Yesus Kristus ninili warukon etnowen At Allahen hinabua hisaruk-o, ulug dindiloko yig nisarisi-o. Ariroho wene fano wene etno yig nisaruk wilil, hiniluk welamon wene etno yig hisaruk ahi-o, ulug yig nisarisireg fam, waratukon alem etno elegsoho imbirisi-o.

Ibrani 2:7

Eke Hat Allahen it ap epmano yi angge di angge unde welamag ulug minduhup isaruk senag ulug yig nisarukon etno,

Ibrani 6:12

Eke hit hinaboraliroho suhup halug, nit ninambit-o. Eke it ap nin, inindimu fanoroho ebetuk wilil, dahon etno inobam umburuk iseheg yuhun-at wereg isalug, At Allahen og hisaruk-o ulug abug ebahon etno holuog ulug wereg etno hag, hit ariroho-at welamag ulug yig hisehe-o.

Ibrani 6:15

Yig ituk apagma, at Abraham etno indi seberoho wilil, og umon etno aso weregma, At Allahen abug yig epahon etno arat og epag-o.

1 Yohanes 2:25

Eke mondog hinim hiniluk welamon etno At Yesusen hurumbik arat yig nisebag-o.