Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Roma 2:4 - Allah Wene Hurumbik Keron

4 Eke At Allah etno ninabua nisaruk wereg heheg, at une sebeluk ulug uruk ahen ano? Eke nit dag suruk aheon epmano ninobam ninapelegsoho apma ninombisahalug, ninindi wereg amag ulug ninabuen yig nisarukon epmano hapelegma uruk ahen ano?

အခန်းကိုကြည့်ပါ။ ကော်ပီ




Roma 2:4
51 ပူးပေါင်းရင်းမြစ်များ  

ulug nit obog-at yig nisaruk ari, dahan fahan ninombisahalug yig nisaruk eleg-o. It Yahudi ap inim, it Allah wene bilin inapeleg welatuson epmano inim ilitoho-at yig nisaruk wilil, At Allah ebe it obog-at Ninikni wereg-o. Eke nit obohen At obam kino yig ituk nisalug, ahien anggolo-at ninobam umbuhu-o,


Eke ari halug, At Allahen it nin ahmu iseheg, it nin ambit iseheg surukon epmano hinindi ebetuk amuk-o. Eke it bule amburuson epmano ambit isaruk wilil, hit hag ahmu hisarisi-o. Eke Aren ahmu hisaruk heheg, hiren fanoroho obam ebetuk eleg hisalug, yumbuksoho sohorep hisahaku-o.


Eke At Allahen ahla burukon ari mondog suon neken-at wereg-o. Eke At ebe indi oag werehon etnowen yi angge di angge alem obog-at iluk wereg-o. Eke Aren duroho suhuk ulug ahla burukon etno at sen alem heahaku-o? Eke alem ariroho suhuk ulug indi ebetukon etno sen aren baluhu-o?


Eke At ebe At Allahen og nisebagma, nit ninake warapareg fam, ninindi At obam ebetuk nisalug, niren dag suruk atukukon epmano sohorep isalug, ninobam ninapelegsoho At apma ninombisaharuk-o. Eke At Allahen aphe ninim ariroho dambultuk ahe-o ulug surukon etno selegma amag ulug At Kristus og nisebag-o. Eke o amuk it aphe dag sebahon etno At Allah indi hunduhuk wilil dulum war inabuk sohorep isalug, inaso welapahon oke,


Eke ari halug, keroho uk-o? At Allahen fobik obam seberoho ninabua nisawag ulug dag-at suruk amuk ulug uk ari fano behep ano?


Eke ari halug, keroho uk-o? Nit wene komo yig nisebahon etno apma welam sohorep isalug, At Allahen ninabua nisarukmu welahe ari fam dag-at suruk amuk-o ulug uk ari fano buruk ahep ano? Ari mondog eleg-o.


Eke it epmano inindi kahaluog ulug dahon anggolo inobam umburuson oke, inahien anggolo haruk wilil, Allah ake ulug yi angge di angge anggolo umburusa-o. Ariroho umburusa ari, it inaharek dorat werehon oke,


Eke hit fanoroho hinindi ebetuk hisalug, fano hinabiog ulug wol hisarision etno inim, eke At udaki ahien inobam umburuk wilil, og hisahuk ulug abug yig hisarision etno inim,


Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.


Ariroho suruk nisalug, At Allah asine ninobam umburuk heheg welatukuk-o.


Eke At Yesus Kristus etno og nisaruk wilil, At Allahen An nindi hinobam hunduhuk wilil hinabua hisaruk ahi-o ulug selegmaroho yig nisarision etno it yi aphe di aphe fobik welamuhubon epmanowen At Allahen demat anggolo og nisaruk-o, ulug inahla bukag ulug yig nisarisi-o.


Eke At Allah suon yi angge di angge obog unde werehon etnowen Aren angge Roh Kudus etno fam hinindi oag werehep hisahakeg,


Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,


Eke At Nikni Allah, yi angge di angge obog unde werehon etnowen At Kristus Yesus inuk fam Aren angge erlog-at og hisahu-o.


Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.


Allah wene etno hiniluk wilil, hinindi demat ulug ebetuk amuhupseg, hit hinoag weregsoho welamuhuben ulug hit hinake yabuk suruk ahi-o. Eke ari halug, At Kristus bilin heraho neken welapahon etno ebe iniluk atlug,


Eke an bilin dag mondog suruk atikikon epmano At Kristus Yesusen fano naptisi etno it aphe ninen inilanggen nealug, wi, at Paulus dag suruk atision etno oke, At Allahen abua harisi-o, ulug inahla bulug, At Yesus obam ebetuk wilil, iniluk welamon etno holawag ulug fano naptisi-o.


Eke it inaharek kweanmon yi angge di angge anggolo werehon halug, inindi suontepataruk wilil ninaharek epmano fam fano welaruhuk-o ulug uk nowen ulug yig isimin-o. Eke nit ninahien hawag ulug At Allah yi angge di angge anggolo og nisarukon etnowen-at fano ninabuhu-o ulug uruk amagsoho yig isimin-o.


Yig isa lebag etno it amuk Allah une holtuk apag fuhon etno-at yig isa lebag. Ari at Nuh etno so faltukmu, At Allahen aphe obog inaso welapareg, fobik inebe sirehen angge-at iken war inabuk nowen ulug inili webag.


Yi wene di wene yig hisihion epmano obog hiniluk weregma, an ninim nintul nantul dahagsoho yig hisaruk amuhuk-o.


At Allahen ninabua nisalug ninaso wereg-o. Ariroho wereg ari, fobik ninili wiog ulug ninaso wereg-o, ulug hinindi ebetuk amiek-o. Eke an wene yig hisaruk ahi du, bilin at Paulusen holal fam yig hisarision etno-at yig hisaruk ahi.


Eke misig du hit hiniluk amag ulug yig hisaruk ahi-o. Fobik it ap inindien bulug inenggal urukon etno yig hisa wamuhup-o. Yig hisa wamuhupseg, hinahunda yabuog ulug yig hisaruk wilil,


Ari it inapelehon epmanowen At Allahen orog-at suruk hehe-o ulug uruk oke, orog-at suruk eleg-o. Aren ninabua nisaruk wilil, war ninabuk amberaken nit obog dag suruk aheon epmano seberepfulug sohorep isawag ulug ninaso wereg-o.


Ari halug, at hwe arien dag sirision epmano sohorep isawag ulug aso welatikikon oke, aren wanggik surukon etno sohorep isao ambera­ken suruk-o.


Eke An nebe sok elma wilil, kik haruk ahi-o. Kik haruk ahion etno ap misihen esanggo holtug hut neahumu, at ibam etno kuhukseg, ninim nahuk-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ