Roma 2:27 - Allah Wene Hurumbik Keron

²⁷ Eke hit Yahudi ap it ap Allah wene inapelehon epmanowen-at oag del hinabuhup-o. Ariroho suhup ari, hit hag wene duroho suruk amuk eke duroho suruk am fug ebahon etno wene holal embeheg, eke hiniyunggul ambilik bal seheg, suruk wilil oke, wene ebe hag seberoko imbisaruk ahep-o. Eke it hag inebe iniyunggul ambilik baleg eleg wilil oke, wene ebe-at inesanggo holtug ilitoho suruk-o.

Roma 2:27 ပူးပေါင်းရင်းမြစ်များ

Matius 3:15

Yig ituk apagma, At Yesusen yig ituk wilil, “Eleg-o, eke ariroho ehenteg oke, wene duroho suruk amuk eke duroho suruk am fug ulug ebahon etno ilitoho suk ari fano-o,” ulug yig ituk apagma, une eleg atuk apareg, Yesus ikma belapag.

Kisah Para Rasul 13:22

Minduhupfebahon etno sohorep isaruk apareg, fobik Allahen Daud etno inowe raja welamag ulug minduhupfebag. Minduhupfuruk apareg, Allahen Daud etno aren baltuk wilil at Daud Isai amloho minduhupfirikikon etno nahientoho welahi-o. Eke at Anden yig itukon epmano fanoroho esanggo holtug suruk-o ulug At Allahen ebag.

Roma 13:10

Eke inomini inindi hunduhuk wereg halug, dahon epmano inobam umburuk eleg-o. Eke ari halug, it aphe inim hinindi hunduhuk wereg hisalug wene duroho suruk amuk eke duroho suruk am fug ulug ebahon etno ilitoho-at suruk-o.

Roma 2:15

Eke it epmano wene duroho suruk amuk eke duroho suruk am fug ulug ebahon etno inapeleg wilil oke, inindimu wereg etno it inobabut surukon epmano fam selegma atuk-o. Eke ariroho selegma atuk ari, inahla burukon epmano fam komo yig isarukon epmano inim-at selegma atuk-o. Eke iren it it hat du dag sehen ulug obam denggeleheg, eke at misig hobam eleg ulug alem elehepfeheg suruk-o.

Roma 2:25

Eke hat hiyunggul ambilik balehon du, wene duroho suruk amuk eke duroho suruk am fug ulug ebahon etno ilitoho suruk healug, fano at-o. Eke ilitoho suruk eleg healug, hat hiyunggul ambilik baleg ari werlek-at baleg welahen-o.

Roma 2:26

Eke at ap misig Allah wene apeleg wilil, iyunggul ambilik baleg elehon etnowen wene duroho suruk amuk eke duroho suruk am fug ulug ebahon etno ilitoho suruk halug, at ebe Allah il fam iyunggul ambilik balehon neken wereg eleg buruk ahen ano?

Roma 2:29

Eke ap misig ahap selemen-at Yahudi ap ulug wereg eleg-o. Eke wene holal baleg etno uneyen-at wane sulug Yahudi ap atuk eleg-o. We indi undama At Allah Roh Kudusen fano sirision etno hag ari demat Yahudi ap ulug wereg-o. Eke at ap arion hag it apheyen suontepfuruk eleg-o, At Allahen-at suontepfuruk-o.

Roma 3:30

Eke At Allah ebe etno misig-at wilil, it Yahudi aben At Yesus obam ebetuk isalug, inim fanoroho welamuog ulug dambuk inaptuk etno hag, it bilin Allah wene inapeleg welatuson epmano At Yesus obam ebetuk isalug, ariroho-at inim fanoroho welamuog ulug dambuk inaptuk-o.

Roma 8:4

Eke ariroho sebag ari, nit kweanmen sukon etno mutlug lao sohorep isalug, At Roh Kudusen yig nisarukon etno-at ninesanggo holtuk wilil, wene duroho suruk amuk eke duroho suruk am fug ulug fanoroho yig nisebahon etno ilitoho suruk amag ulug ariroho sebag-o.

1 Korintus 7:19

Eke alem iniyunggul ambilik baltukon etno inim, baltuk elehon etno inim ebe mondog eleg-o. At Allahen wene duroho suruk amuk eke duroho suruk am fug ulug yig nisebahon etno ilitoho sukon ari alem suon-at wereg-o.

2 Korintus 3:6

Eke hurumbik keron etno yabuk motoho sukag ulug At Allahen ninindi enggatep nisaharisi-o. Eke hurumbik keron yabuk ari, we holal baleg etno akeleg fam suruk ahi fug-o. At Roh Kudus etnowen-at yanggul nisarukmu suruk ahe-o. Eke holal baleg etno akeleg fam, alem dahon etno ninobam umburuk wilil, war ninaptuk oke, At Roh Kudus etnowen ninilukep nisaharuk-o.

Galatia 5:14

Eke wene duroho suruk amuk eke duroho suruk am fug ulug ebahon etno alem misig-at duma weregma yig hisamin-o, “Alem ari, hit hinebe hinonggarehen hinabua saruk ahep etno hag, hiren it aphe obog ariroho inabua isaruk amuk-o,” ulug wene engga wene ebahon etno fam yig hisaruk ahi-o.

Efesus 2:11

Eke hit hinebe Allah wene hinapeleg wilil endag apahon epmano it Yahudi aben ininggiken surukon epmano fam, nit hag niniyunggul ambilik balehon welahe-o, eke hit hag hiniyunggul ambilik baleg elehon welahep-o ulug yig hisebahon etno hit bilin keroho welatukuk ulug hinahla ebetuk amiek-o.

2 Timotius 3:15

Eke Alkitab ari fam wene etno niniluk amuhukseg weregma, At Yesus Kristus obam ebetuk hisalug, aren hinili wahu-o, ulug Alkitaben yig nisaruk-o.

Ibrani 11:3

Eke bohol inim kwean inim At Allahen bilin wene uruk apareg, wal hebahon etno inim, eke Aren wal hebareg fam yi angge di angge haruk ahe fuhon epmanowen eke it yi angge di angge haruk aheon epmano werehepfebahon epmano inim niren demat ulug ninindi ebetuk ahe etno fam niniluk atuk-o.