Roma 2:26 - Allah Wene Hurumbik Keron

²⁶ Eke at ap misig Allah wene apeleg wilil, iyunggul ambilik baleg elehon etnowen wene duroho suruk amuk eke duroho suruk am fug ulug ebahon etno ilitoho suruk halug, at ebe Allah il fam iyunggul ambilik balehon neken wereg eleg buruk ahen ano?

Roma 2:26 ပူးပေါင်းရင်းမြစ်များ

Matius 15:28

Yig ituk apagma, At Yesusen yig ituk wilil, “Hat hwe du nobam demat ulug eberehenteg fam, haren kino yig nerehenon etno ilitoho fano arikon-o,” ulug yig ituk apagma, ebahon etno ilitoho ahaloho dulum-at fano apag.

Roma 2:25

Eke hat hiyunggul ambilik balehon du, wene duroho suruk amuk eke duroho suruk am fug ulug ebahon etno ilitoho suruk healug, fano at-o. Eke ilitoho suruk eleg healug, hat hiyunggul ambilik baleg ari werlek-at baleg welahen-o.

Roma 2:27

Eke hit Yahudi ap it ap Allah wene inapelehon epmanowen-at oag del hinabuhup-o. Ariroho suhup ari, hit hag wene duroho suruk amuk eke duroho suruk am fug ebahon etno wene holal embeheg, eke hiniyunggul ambilik bal seheg, suruk wilil oke, wene ebe hag seberoko imbisaruk ahep-o. Eke it hag inebe iniyunggul ambilik baleg eleg wilil oke, wene ebe-at inesanggo holtug ilitoho suruk-o.

Roma 3:30

Eke At Allah ebe etno misig-at wilil, it Yahudi aben At Yesus obam ebetuk isalug, inim fanoroho welamuog ulug dambuk inaptuk etno hag, it bilin Allah wene inapeleg welatuson epmano At Yesus obam ebetuk isalug, ariroho-at inim fanoroho welamuog ulug dambuk inaptuk-o.

Roma 8:4

Eke ariroho sebag ari, nit kweanmen sukon etno mutlug lao sohorep isalug, At Roh Kudusen yig nisarukon etno-at ninesanggo holtuk wilil, wene duroho suruk amuk eke duroho suruk am fug ulug fanoroho yig nisebahon etno ilitoho suruk amag ulug ariroho sebag-o.

Galatia 6:15

Eke iniyunggul ambilik balukon alem etno At Yesus Kristus waharuk wilil elehepfebareg fam, kidia ninebe inim, ninindi inim ketoho ninombisahukon etno alem suon neken wereg-o.

Efesus 2:11

Eke hit hinebe Allah wene hinapeleg wilil endag apahon epmano it Yahudi aben ininggiken surukon epmano fam, nit hag niniyunggul ambilik balehon welahe-o, eke hit hag hiniyunggul ambilik baleg elehon welahep-o ulug yig hisebahon etno hit bilin keroho welatukuk ulug hinahla ebetuk amiek-o.

Filipi 3:3

Eke nit hag Roh Kudus etno fam At Allah inuk weheg, eke At Yesus Kristus ninim wilil ninahientoho welaheg suruk ahe fam nit hag niniyunggul ambilik baleg neken welahe-o. Eke it iniyunggul ambilik balehon epmano inenggal-at wereg-o. Eke nit hag yi angge di angge nininggiken surukon epmano fam ninili wahu fug buruk ahe-o.

Kolose 2:11

Ari halug, hit it Israel ap suruk etno hag, hiniyunggul ambilik balfag fug-o. Hit hinindi dahon etno At Kristus inuk fam sohorep isawag ulug, hinindi ayeg waroko hinombisahabag-o.