Roma 2:21 - Allah Wene Hurumbik Keron

²¹ Eke ari halug, it nin hag yanggul isaruk ahenon oke, honggareg hag yanggul saruk ahen fug ano? Eke apheyen angge epmano herahuk fug-o, ulug yig isaruk ahenon oke, honggarehen hag halomnangge heraharuk ahen ano?

Roma 2:21 ပူးပေါင်းရင်းမြစ်များ

Matius 21:13

“At Allahen ebahon etno Alkitab fam wene baleg weregma yig hisamin-o. At Allahen An nibam ari it apheyen sembahyang ik kuruk ambeg inibam du at-o, ulug uruk amuhup-o, ulug ebahon etno hinapeleg ano? Ariroho ebahon etno wereg heheg oke, it ap yi angge di angge inalomnangge heraharukon etno heraharik laruk etno hag, hit At Allah ibam du kik waharuk ahep-o,” ulug yig isebag.

Lukas 11:46

eke At Yesusen yig isaruk wilil, “Hit wene holal baleg unde hag hinabua-o. Hiren angginon walug la fuhon epmano aphe inobam umburuk ahebon oke, hinim yalmako walug luog ulug suruk ahep fug ari hinabua-o.

Lukas 12:47

At anggimbu etno oweyen fikfag sukag ulug yanggul itukon oke, ilitoho seheg eleg, o aso fanoroho welaheg eleg suruk halug, yikangge anggolo waruhu-o.

Lukas 19:22

Yig ituk apagma, eke at inowe etnowen yig ituk wilil, ‘Nanggimbu dahon du wai, anden wene dahon etno hobam imbiminen haren ehenon etno-at yig hipmin-o. Eke an nindi humbulig wilil, it ninen angge holaruk ahi epmano hag, anden i yatikik fuhon oke, bal saruk ahi etno hat hiluk wilil ehen-o.

Lukas 4:23

Aren yig isaruk wilil, “Hiren An yig nitlihibon epmano An niluk-o. Eke ‘Hat hebe ap uson-at halug, honggarehen-at fano simin,’ yig nitlihip-o. Eke misig ‘O Kapernaumen surukmu nit ninesanggo holtukukon epmano ilitoho, o Hat hebe endag atikin ambeg dumen simihin,’ ulug yig nitlihip-o, ulug An kidia yig hisaruk ahi.

1 Korintus 9:27

Eke anden it ap nin wene yig isarikikon epmano onggo fanowon epmano og num sohorep nahuk nowen ulug an nebe seberepataruk wilil, at etno anggimburepatiog ulug suruk ahi-o.

Galatia 6:13

Eke it epmano iniyunggul ambilik bal sarukon oke, wene duroho suruk amuk eke duroho suruk am fug ulug ebahon etno ilitoho suruk eleg-o. Eke iren nit nininuk suontep nisahukag ulug inahla buruk wilil, hiren hiniyunggul ambilik bal simiek ulug yig hisaruk-o.