Roma 2:16 - Allah Wene Hurumbik Keron

¹⁶ Eke ari halug, o ari sambit At Allahen At Yesus Kristus inuk fam it yi aphe di aphe obog inindimu herako ebetukon etno selegmaroho bukaloko umbulug inoag del inabuhu-o, ulug an wene fano wene etno fam yig hisaruk ahi-o.

Roma 2:16 ပူးပေါင်းရင်းမြစ်များ

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Lukas 8:17

Yi angge di angge herahoma werehon selegma umbukag ulug wereg-o. Eke yi wene di wene inindimu heraho werehon selegmen bukalukag ulug alem heahaku-o.

Yohanes 12:48

Ari halug, it aphe ninen An nobam ebetuk eleg wilil, An nawene ninambit-o, ulug uruk isalug At misihen inoag deloko imbisahu-o. Ariroho imbisahu ari, wene Anden yig isaruk ahion etnowen-at inoag deloko imbisahu-o.

Kisah Para Rasul 10:42

Narukukseg weregma, Aren wene fano wene etno aphe obog yig isa lahup ulug yig nisarisi-o. Eke An Yesus etno At Allahen fobik yi aphe di aphe inilukon inim, warehon inim, obog-at oag del inabukag ulug minduhup naharisireg fam, hit aphe obog yig isil alu-o, ulug yig nisarisi-o.

Kisah Para Rasul 17:31

Eke fobik ap misig aren fuloko og nisebahon etnowen nit kweanmon yi aphe di aphe obog-at fanoroho ninaren baltuk atlug ninombisahaku ulug hurumbik arat yig nisarisi-o. Ariroho yig nisarision etno demat ulug ninindi ebebukag ulug ap etno it warehon wereg ambehen iluksoho minduhupfirisi-o,” ulug yig isarisi.

Roma 16:25

Ari fam, nit obohen At Allah inuk-at suontepfuruk amuk-o. Eke wene fano wene yig hisaruk ahion etno inim, eke At Yesus Kristus awene etno inim, eke wene o amuk herako neken welapahon oke, kidia selegma bukaloko yig nisarukon etno inim obog-at hiren demat-o ulug hinindi ebebukag ulug At Allahen hinindi oag werehon etno og hisiog ulug oag weregsoho suruk-o.

Roma 2:5

Eke At Allah asineyen demat ninaren balepfulug onggo baloko selegma ninombisahaku etno sambit o dagma hombahakuon oke, hat hahlahiroho welahen ari fam mondog dagma-at hombahaku-o.

Roma 3:6

At Allahen asine ninobam umburuk halug ari aren dag suruk ulug uk fano buruk ahep ano? Ari eleg-o. Eke aren fano suruk eleg halug, it aphe kweanmon epmano aren keroho oag del inabuhu-o?

1 Korintus 15:1

Hit hinindi hinapeleg am nowen ulug wene misig yig hisamin-o, nomini. Wene fano wene etno anden yig hisarukmu hiren webahon etno hit ari fam hinindi seberoho wilil hinindi oag weregsoho welahep-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Korintus 5:10

Eke nit obog At Kristusen ninoag del ninabukag ulug At wereg ambeg minarik lahukmu, nit ninebe o kweanma duma wilil suruk atukukon epmano onggo ilitoho-at og nisahu-o. Ariroho og nisaruk wilil, fano suruk atukukon halug, o fanowon etno heag niseheg, eke dag suruk atukukon halug, o dahon etno heag niseheg suhu-o.

Galatia 1:11

Nomini-o, wene fano wene anden yig isil laruk ahion etno bilin it aphe obohen ebag fug-o, ulug an demat yig hisaruk ahi-o.

1 Timotius 1:11

Eke wene fano wene ari, aphe yig isawag ulug At Allah ahien ninobam umburukon etnowen minduhup naharisi-o.

2 Timotius 2:8

Ebetuk wilil, eke At Yesus Kristus etno inim obam ebetuk amin-o. Eke At Yesus etno Daud etamu neken weregma, aphe waratuk ambehen iluksoho minduhupfebag ulug, wene fano wene etno aphe yig isil nuruk ahi-o.

2 Timotius 4:1

Eke At Allah inim, At Kristus Yesus aphe inilukon inim, warehon inim oag del inabuhuon etno inil fam nune oag weregsoho yig hituk ahi-o; At Yesus etno waruhureg, aphe obog Inikni aruhu halug,

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Ibrani 9:27

Eke nit yi aphe di aphe obog epmano misihim-at waratuk nisalug, At Allahen oag deloko ninombisaharuk-o.

1 Petrus 4:5

Hinobam denggeltuk ari, fobik At Allahen it inilukon inim, warehon inim inaren baloko imbisahu etno iniluk heheg, fobik At Allah niren suruk aheon epmano keroho yig imuhuk-o? ulug inakolen suruk-o.

2 Petrus 2:9

Eke bilin at Lot ili webag etno hag, fobik At Allahen it aphe inobabut fanowon epmano o fanoma imbiseheg, it dag surukon o dagma imbiseheg suhu-o. Eke it Allah wene ninambit-o, ulug urukon epmano inim, it kweanmen surukon etno inim obog-at dagma imbisiog ulug wereg-o.