Roma 2:15 - Allah Wene Hurumbik Keron

¹⁵ Eke it epmano wene duroho suruk amuk eke duroho suruk am fug ulug ebahon etno inapeleg wilil oke, inindimu wereg etno it inobabut surukon epmano fam selegma atuk-o. Eke ariroho selegma atuk ari, inahla burukon epmano fam komo yig isarukon epmano inim-at selegma atuk-o. Eke iren it it hat du dag sehen ulug obam denggeleheg, eke at misig hobam eleg ulug alem elehepfeheg suruk-o.

Roma 2:15 ပူးပေါင်းရင်းမြစ်များ

2 Korintus 5:11

Eke At Ninowe ebe ninakoltoho welamon etno niniluk halug, it aphe obog At obam ebebukag ulug yig isaruk ahe-o. Eke At Allahen ninebe obog-at iluk wereg etno hag, hiren nit ninobabut surukon epmano hiniluk wereg ulug nahla buruk ahi-o.

Titus 1:15

Eke it ap inindi fanowon halug yi angge di angge obog-at nao ari fano at-o. Eke it ninen Allah wene ebetuk eleg wilil, inindi dahon halug, yi angge di angge nawon etno usa ulug uruk-o. Eke it ariroho urukon epmano inahla burukon inim, eke inobabut surukon inim obog-at sabele neken denggelepatalug wereg-o.

2 Korintus 1:12

Eke niren suontepataruk aheon epmano alem du wereg-o, nit ninebe niniluk wilil, o kweanma o ahik ya da inim, eke hit wereg ambeg inim ya keheg sil nuruk atukuk ari, it aphe ninen ninindi wereg ulug bukon etno sohorep isalug ninindi seberoho wilil, At Allah oag weregsoho ahien nisebareg fam, Aren yig nisarukon etno-at yig isil larukuk ulug ninindi ebetuk ahe-o.

1 Timotius 4:2

Eke it ap ariroho yanggul isarukon ari inebe inenggal urukon weregma, inindimu alem dahon etno inonggarehen hele homagsaruk-o.

Roma 9:1

Eke anden At Kristus inuk fam yig hisamin ari, nenggal imin fug-o. Eke an nindimuen demat bukag ulug At Roh Kudus etnowen henggal uruk ahen ulug yig nituk eleg-o.

Kisah Para Rasul 24:16

Eke At Allah inim, it aphe inim obog-at inil fam nobabut fano-at welariog ulug suruk ahi-o.

Kisah Para Rasul 23:1

Minduhupfuruk atisimu, at Paulusen it Yahudi ap inowesi suon epmano inolohotma ilanggen yet isaruk atisireg, yig isaruk wilil, “Nomini-o, an amuk inim eke kidia inim At Allah il fam dag sirikikon napelegsoho apma nombaharuk atisimu nindi nahlahiroho-at welahi-o,” ulug yig isaruk atisimu,

Yohanes 8:9

Holal baltuk heheg, Aren yig isebahon etno inesanggo holtuk apareg, it inanggohon epmano bilin wilip aheg, eke it nin fobik wilip aheg suruk apag, obog sohorep isalug wilip apag. Wilip atuk apagma, At Yesus hwe minduhupfebahon etno inim inakeleg-at welapag.

Roma 2:14

Eke it aphe Allah wene inapelehon epmano wene duroho suruk amuk eke duroho suruk am fug ulug ebahon etno inapeleg oke, inonggarehen inahla bulug wene duroho suruk amuk eke duroho suruk am fug ulug ebahon etno ilitoho suruk-o. Eke it epmano wene duroho suruk amuk eke duroho suruk am fug ulug ebahon etno inapeleg oke, inonggarehen-at ariroho siuk ulug yig saruk-o.

Roma 2:27

Eke hit Yahudi ap it ap Allah wene inapelehon epmanowen-at oag del hinabuhup-o. Ariroho suhup ari, hit hag wene duroho suruk amuk eke duroho suruk am fug ebahon etno wene holal embeheg, eke hiniyunggul ambilik bal seheg, suruk wilil oke, wene ebe hag seberoko imbisaruk ahep-o. Eke it hag inebe iniyunggul ambilik baleg eleg wilil oke, wene ebe-at inesanggo holtug ilitoho suruk-o.