Roma 2:1 - Allah Wene Hurumbik Keron

¹ Nomin-o, haren it ap nin inaren baltuk wilil, uruk ahen ano? Eke haren it duroho suruk ulug inaren baltuk wilil, ilitoho suruk ahen du hili huliog ulug suruk ahen ano? Eke hat misig honggareg hobam-at denggelsaruk ahen-o.

Roma 2:1 ပူးပေါင်းရင်းမြစ်များ

Lukas 12:14

eke At Yesusen yig ituk wilil, “Nomin-o, hit oag del hinaptuk wilil, hinikni inggik seneg epmano sumbut hisaruk amag ulug An sen minduhup naharisi-o?” ulug yig epag.

Lukas 19:22

Yig ituk apagma, eke at inowe etnowen yig ituk wilil, ‘Nanggimbu dahon du wai, anden wene dahon etno hobam imbiminen haren ehenon etno-at yig hipmin-o. Eke an nindi humbulig wilil, it ninen angge holaruk ahi epmano hag, anden i yatikik fuhon oke, bal saruk ahi etno hat hiluk wilil ehen-o.

Lukas 6:37

At Yesusen yig isaruk wilil, “At Allahen hinabug baluk nowen eke hiren aphe inabug baluk fug-o. Eke At Allahen oag del hinabuk nowen, hiren aphe oag del inabuk fug-o. Eke At Allahen hit dag sirikibon epmano hinobam hinapalegsoho apma hinombisahukag ulug, eke hiren it nin dag surukon epmano inobam inapelegsoho hinapma imbisaruk amiek-o.

Roma 14:22

Eke hiren ari nao fano at-o ulug hinahla buruk ahebon epmano hinakeleg-at wilil, At Allah-at yig ituk amuk-o. Eke at ap misihen du suk fano at-o ulug ahla buruk oke, at ahla burukon etno suruk wilil, dag suruk ahi ulug indi ebetuk eleg wilil, ahien haruk-o.

Roma 2:2

Eke it dag surukon ari At Allahen inaren balepfulug dag seko imbisahu ari demat suhu-o ulug niniluk heheg,

Roma 2:3

it dag suruk-o, ulug inaren baltuk ahen oke, hat ariroho suruk ahenon epmano At Allahen dag seko hombahaku fug ulug buruk ahen ano?

Roma 3:9

Eke ari halug, nit Yahudi ap hag fano, it ap Allah wene inapelehon epmano hag dag-o ulug ariroho uk ari fano behep ano? Ari eleg-o. Eke it Yahudi ap inim, eke it Allah wene inapelehon epmano inim obog-at dag sukon epmano-at mutlug laruk-o ulug bukaloko yig hisihi-o.

Roma 9:20

nomin, hat At Allah wene onggo yig ituk ahen du, hat hebe kerohon welahen-o? Eke sohorluk kwean kabohon etnowen at ap sohorluk haloko umburukon etno yig ituk wilil, “An duroho welahi du hat keroho ulug seko nombaharikin-o?” ulug hinog wao ari mondog hai-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

1 Korintus 7:16

Eke hat hwe du, nahun ili wahuk fug ano? ulug hahla buruk am fug-o. Eke hat ap du, nuhwe ili wahuk fug ano? ulug hahla buruk am fug-o.

Yakobus 2:20

Eke hat hebe Allah wene uruk ahenon oke, ilitoho suruk ahen fug ari, urunangge neken suruk ahen-o. Allah wene waruk wilil oke, ilitoho suruk eleg isalug ari, Allah wene waruk elehon neken wereg etno hat hapeleg ano?

Yakobus 4:11

Nomini-o, hat misihen homin misig obam denggeleheg, eke hat misig homin misig obam denggeleheg ari suruk am fug-o. Eke homin misig hinune dahon obam umburuk wilil, obam denggeltuk hisalug, wene duroho suruk amuk eke duroho suruk am fug ulug ebahon wene etno inim-at obam denggeltuk ahep-o. Eke wene duroho suruk amuk eke duroho suruk am fug ulug ebahon wene etno obam denggeltuk wilil, wene ebahon etno hinesanggo holuk sohorep isalug, hinapma umburuk ahep oke, eke komo yig nisaruk wilil, ninaren baltukon ari At Allah-at wereg-o.