Roma 16:20 - Allah Wene Hurumbik Keron

²⁰ Eke At Allah nit dambuk ninaptukon etnowen at iblis etno hiniog hendan bisalukag ulug dulum-at hinapma umbuhu-o. Eke At Ninowe Yesus etnowen hinabua hisaruk wilil hinim welamag ulug yig hisihi-o.

Roma 16:20 ပူးပေါင်းရင်းမြစ်များ

Lukas 10:19

Hit walo hukalo obam hiniog umbukon etno inim, eke setan oag werehon wilipfukon etno inim Anden oag werehon etno og hisarikikseg fam, war hinabuhup fug-o.

1 Yohanes 3:8

Eke at misig nintul nantul dag surukon halug, at iblisen angge-at wereg-o. At iblis halug, dag surukon ari itog-at wereg-o. Eke at iblisen surukon etno eleg amag ulug At Yesus, Allah Amloho kweanma wapag-o.

Wahyu 12:10

Belap inabik waharuk atusama, eke fobik boholmen une suon urukmu holtikik-o. Nesanggo holeg weregma, une etnowen uruk wilil, “At Allahen aphe inili wawon epmano kidia fanggog ehek-o. Eke At Allah inim, At Amloho Kristus etno inim suon ahesa-o. Suon ahesareg fam, At Allah olohotma ninomini nintul nantul inambolma dahaltukon epmano boholmen hik isehesa-o.

Roma 15:33

Eke At Allah yi aphe di aphe dambuk ninaptukon etno hit obog hinim welamag ulug an demat yig hisihi-o.

Wahyu 22:21

Ari halug, At Ninowe Yesus etno ahien nit obog ninobam umbukag ulug yig hisihi-o arat. Amin.

1 Tesalonika 5:28

Eke At Ninowe Yesus Kristus etnowen hit obog hinabua hisaruk amag ulug yig hisihi-o.

2 Tesalonika 3:18

Eke At Ninowe Yesus Kristus etno hinim wilil hinabua hisawag ulug yig hisihi-o.

Roma 8:37

Eke At nit ninebe indi hunduhuk wereg heheg, alem misihen heal ninabuhu fug ulug demat niniluk welahe-o.

Filemon 1:25

Eke Ninowe Yesus Kris­tus etnowen hinabua hisaruk wilil, Aren hit obog hinim welamag ulug yig hirihi-o.

Filipi 4:23

Eke At Ninowe Yesus Kristus etnowen hinabua hisaruk wilil hinim welamag ulug yig hisihi-o.

Galatia 6:18

Eke At Ninowe Yesus Kristus etnowen hinabua hisaruk wilil, hit obog hinim welamag ulug yig hisihi-o, nomini wa.

1 Korintus 16:23

Eke At Ninowe Yesus etnowen hinabua hisawag ulug yig hisihi-o.

2 Timotius 4:22

Eke At Ninowe Yesus Kristus etnowen hat inim, eke hit obog inim hinabua hisaruk wilil, hinim welamag ulug yig hirihi-o.

Roma 16:23

Eke at Gayus, an nebe inim, eke it Allah udaki obog inim ibam og ninaplug kurukon etnowen inim-at heahi war hinaptuk-o. Eke at Erastus o duma uang unde werehon etno inim, eke at ninomin Kwartus etno inimen heahi war hinaptuk-o.

Matius 4:10

ulug yig ituk apagma, eke At Yesusen yig ituk wilil, “Hat iblis hebe lag-o. Ninikni Allah-at sembahy­ang obam uruk am fano-o. Nit At akeleg-at andu­ananggeroho welam ari fano-o, ulug wene baleg ari wereg-o,” ulug yig ituk apag­ma,

Roma 16:24

Eke At Ninowe Yesus Kristus etnowen hinabua hisaruk wilil, hit obog hinim welamag ulug yig hisihi-o.