Roma 16:18 - Allah Wene Hurumbik Keron

¹⁸ Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

Roma 16:18 ပူးပေါင်းရင်းမြစ်များ

Matius 24:11

Ariroho suruk iseheg, it ap nin nabi ap neken wilil, iren inenggal-at an Allah wene uruk ahion at-o, ulug yig isaruk amuhupseg, ap anggolo-at inindi kahal inabuhup-o.

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 6:24

At Yesusen yig isaruk wilil, ”Ap misihen ap biren inanggimbu welam ari hai-o. Misig nindi misig nambit-o, ulug misig ahengga senetuk wilil, misig sohorep isahu-o. Ari halug, At Allah inim, at Mamon ari uang anggen ulug werehon etno inim, it biren inanggimbu welam ari hai-o.

Matius 7:15

Eke At Yesusen yig isaruk wilil, “It ap wene demat uruk elehon etno hinambeg waharukim yaharoho welamiek-o. It etno inasum selemon wam domba ahap neken wantehon oke, eke inindi undama oloyangge etnowen suruk hag aphe yuhun-at ayeg libil inaptuk-o.

Yohanes 12:26

Eke at ap misig An nanggimbu welariog ulug ahla buruk halug, mug naplug waharuk amag-o. Ariroho waharuk halug, An wereg ambeg epma ninim lahuk-o. Eke it yi aphe di aphe obog An nanggimbu wereg isalug, An Niknien suontep isahu-o,” ulug yig isebag.

Roma 14:18

Eke it yi aphe di aphe obog ariroho At Kristus anggimbu neken werehon halug, At Allah ahien inobam embeheg, eke it apheyen inahien iseheg suruk-o.

Roma 16:19

Eke hit hag wene fano wene etno fanoroho-at eberoko waruk ahep ari fam it yi aphe di aphe obohen inesanggo holtusa halug, an nahien hisaruk ahi-o. Eke fano surukon etno hag hiniluksoho wilil, dag surukon epmano hinapeleg welam ari fano nahla buruk ahi-o.

2 Korintus 11:3

Eke bilin at walo etnowen hwe Hawa enggal-at yig ituk wilil indi kahalfag etno hag, hit ariroho hinindi ebetuk ahebon epmano hinapeleg atlug At Kristus mutlug motoho lawon etno sohorep isao ari an nakol-o.

2 Korintus 2:17

Eke it nin epmanowen Allah wene yuhun-at inenggal neken yig isaruk etno hag suruk eleg wilil, nit ninebe At Allahen mondep nisahabahon etno At Kristus anggimbu atukukseg, At Allah il fam wilil, Aren yig nisaruk etno hag motoho yig isaruk ahe-o.

2 Korintus 4:2

Eke herako suruk aheon epmano inim, eke ninenggali haon suruk aheon epmano inim, eke ninenggal-at suruk aheon etno inim, eke Allah wene dahan fahan yig isaruk aheon etno inim, obog-at sohorep isarukukseg, demat ulug urukon wene etno yig nisarukmu At Allah olohotmen, it aphe inindi werehon etnowen inahien nisawag ulug nit motoho-at suruk amuk-o.

Galatia 1:10

Eke At Allah mutlug lawag ulug yig hisaruk ahi ano, eke ap misig mutlug lawag ulug yig hisiog ulug suruk ahi ano? Eke it aphe inahien neawag ulug suruk ahi ano? Ari eleg-o. Eke an hag it aphe inahien neawag ulug sil nuruk atlemen, At Kristus anggimbu welatle fug-o.

Filipi 2:21

Eke it yi aphe di aphe epmanowen inonggareg ineyabuk sukon inahla burukon oke, At Yesus Kristus eyabuk sukon etno hag inahla buruk eleg-o.

Filipi 3:19

Eke it epmano fobik o dagma lahup-o. Eke it inikni suon neken inahum-at wereg-o. Eke it yi angge di angge inenggali haon epmano fam suontepataruk-o. Eke it yi angge di angge kweanmon epmano-at inahla buruk-o.

Kolose 2:4

Ari halug, ap urunangge neken sil nurukon misihen wene fanowon du at-o ulug hinindi kahalik wam nowen ulug an wene du yig hisaruk ahi-o.

Kolose 3:24

Eke hit hinahientoho suruk amuhupmu, At Allahen onggo dugsoho hinombisahebahon etno og hisahu-o. Eke hit aphe inanggimbu oke, At Kristus anggimbu-at welahep-o. Ari halug, at eyabuk fanoroho suruk amuk-o.

2 Tesalonika 2:10

Eke it aphe fobik o dagma lahubon epmano at ap dahon etnowen yiroho diroho enggal-at surukon epmano fam inindi kahalik waruhu-o. Eke ariroho kahalik waharuk aruhumu, it aphe etnowen wene inili wawon demat urukon etno sohorep isahup ari fam, inonggareg inobaburen o dagma lahup-o.

1 Timotius 6:5

Eke it ariroho surukon ari wene demat ulug ebetukon etno sohorep isalug wene du fam naharek anggolo aruhu-o, ulug inahla buruk-o.

Yakobus 1:1

An Yakobus, At Allah inim eke Ninowe Yesus Kristus inim inanggimbu etnowen holal du fam hit obog Allah udaki o kweanma welahebon heahi war hinaptuk ahi-o.

2 Petrus 2:3

It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.

Yudas 1:12

It ap epmano inenggali halug eleg hit hinim wilil esoho naruk-o. Epma hinim wilil, nit fano-at welahe-o, ulug inahla buruk-o. Ari it ap epmano orom buron hik isarukon etno ilitoho wereg-o; eke helak me ase aben di surukon etno ilitoho wereg-o.

Yudas 1:16

Ari halug, dagma imbisahubon ari, it inambilik butuk urukon epmano inim, it inune inabuaregsoho uruk elehon epmano inim, yi angge di angge suk ulug inahla burukon epmano inim, iren suontepatarukon epmano inim, it inenggal-at, nomin hat fano, ulug yig itukon etno inim, it epmano obog-at o dagma imbisahubon wereg-o.

Wahyu 1:1

Wahyu wene du fam At Yesus Kristus etnowen bukaloko yig epahon etno wereg-o. Ariroho embebag ari, fobik suhuon wene etno it Allah anggimbu obog iniluk amag ulug, At Allahen Yesus Kristus yig ituk apagma, At Kristus etnowen anggimbu Yohanes etno yig emag ulug omalaikat misig ambeg belabik wapag-o.