Roma 16:12 - Allah Wene Hurumbik Keron

¹² Eke it hweap Trifena Trifosa At Ninowe eyabuk surukon etano inim, eke at nomin nindi hunduhukon inuk Persis At Ninowe eyabuk anggolo sirision etno inim obog-at heahi war inaptuk amuk-o.

Roma 16:12 ပူးပေါင်းရင်းမြစ်များ

Matius 5:47

Eke hinomi­ni-at heahi war inaptuk hisalug, it ninen ariroho suruk eleg behep? Eke it kwalem onggo warukon etno ariroho suruk eleg buruk ahep?

Matius 9:38

At orom yabuk unde wereg etnowen ap orom yabuk surukon obam seberoho og hisawag ulug kino yig imuk-o,” ulug At Yesusen omini epmano yig isebag.

Roma 16:11

Eke at ap misig an nungguluahon inuk Herodion etno inim, eke at Narkisus omini At Kristus awene waruson epmano inim obog-at heahi war inaptuk amuk-o.

Roma 16:13

Eke Rufus, At Ninowe eyabuk akeleg neken surukon etno inim, eke at isina an nisina neken welatision etno inim obog-at heahi war inaptuk amuk-o.

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

1 Korintus 16:16

Eke it etno inim, eke it nin yabuk fanoroho suruk wilil, Allah udaki inaso werehon etno inim inune holtug mutlug alu-o.

Kolose 1:29

Eke an noag weregsoho welamag ulug At Kristusen oag werehon etno og nituk halug, hinindi yabuk etno an noag weregsoho-at suruk ahi-o.

Kolose 4:12

Eke At Yesus Kristus anggimbu hinomin Epafras etnowen wahinaniog ulug heahi war hinaptuk-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

1 Timotius 4:10

Eke At Allah iluk werehon etnowen it aphe obog inim, eke nit At udaki inim ninili warukon etnowen fanowon etno og nisahu-o, ulug At obam ninindi ebetuk wilil, sat anggolo neken yabuk suruk ahe-o.