Roma 15:8 - Allah Wene Hurumbik Keron

⁸ Eke At Kristus it Yahudi ap iniyunggul ambilik balehon epmano inanggimbu neken apareg wilil, At Allahen ebahon etno demat ebag inahla bukag ulug seheg, eke At Allahen it inetamuki hurumbik yig isebahon epmano demat sirisi ulug iniluksoho seheg,

Roma 15:8 ပူးပေါင်းရင်းမြစ်များ

Matius 15:24

Ariroho yig ituk apagma, At Yesusen yig isaruk wilil, “It Israel aphe wam domba nuk atukon neken werehon etno-at heag inabukag ulug lahap nabik waharisi-o,” ulug yig epag.

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Yohanes 1:11

Inahla beheg eleg weregma, At ibam endag apag ambeg epmano yig isa lebahon oke, it aphe At ibam welapahon epmanowen At obam ebetuk apag fug-o.

Yohanes 10:16

Eke it An nanggom domba nin o werlekma lehet oko werehon epmano inim-at og inaplug waruhuk-o. Og inaplug waharuk aruhukmu, iren An nune inesanggo holtuk amuhupmu, inebe obog misigmu-at dambuksoho imbisalug, At inaso werehon etno misig-at welaruhu-o.

Kisah Para Rasul 13:46

Enggali watuk apagma, it Paulus Barnabas etanowen inakol elegsoho yig isaruk wilil, “At Allah awene etno bilin hit-at yig hisuog ulug welahe-o. Ariroho yig hisuog ulug welahe oke, eke hiren ninambit-o ulug uruk wilil, hinili wawon etno sohorep isehepseg fam, niren hit yig hisao sohorep hisahalug, it Allah wene inapelehon epmano-at yig isa lahuk-o.

Roma 11:22

Eke ari halug, At Allahen it nin ahmu iseheg, it nin ambit iseheg surukon epmano hinindi ebetuk amuk-o. Eke it bule amburuson epmano ambit isaruk wilil, hit hag ahmu hisarisi-o. Eke Aren ahmu hisaruk heheg, hiren fanoroho obam ebetuk eleg hisalug, yumbuksoho sohorep hisahaku-o.

Roma 11:30

Eke hit bilin Allah wene hinapeleg welatikibon etno epmano amuk Allah une hinesanggo holtuk atikip fuhon oke, kidia hag it Yahudi ap inesanggo holtusa fug ari fam, At Allahen hit hinabua hisarisi-o.

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

Roma 3:26

kidia hag it aphe dag surukon epmano At Kristus inuk fam inobam inapelegsoho apma imbisaruk ulug selegma amag ulug suruk-o. Ariroho wilil, At Allah etno fanoroho-at suruk ulug yig nisaruk-o. Eke it aphe nin At Yesus obam ebetuk isalug, At Allahen ninim fanoroho welamuog ulug dambuk ninaptuk-o, ulug selegma atuk-o.

Roma 3:3

Ariroho og isebareg fam, eke it ninen wene eberoko webag fuhon oke, ari fam At Allahen duroho suhuk ulug hurumbik ebahon etno ilitoho suhu fug buruk ahep ano? Ari eleg-o. It aphe obog-at inenggal uruk atlebon oke, At Allah etno demat urukon wereg ulug, Alkitab fam yig nisaruk wilil,

Roma 4:16

Eke ari fam, at Abrahamen Allah obam ebepag etno fam abug yig epag-o. Ariroho abug yig epag ari, it Abraham etamuki epmano obog onggo umburuk eleg iseheg demat og hisahuk-o ulug abug yig epag-o. Eke at Abraham etamuki ulug ebahon ari, wene duroho suruk amuk eke duroho suruk am fug ulug ebahon etno ilitoho surukon ulug ebag fug-o. We at Abraham Allah obam ebepag etno hag ebetuk isalug ebag-o. Eke at Abraham ari nit obog ninikni neken-at wereg-o.

1 Korintus 1:12

Eke ariroho yig nitusa etna hit demat dahan fahan uruk ahep hisihi-o. Eke ariroho uruk wilil, hat misihen, “An Paulusen angge at-o,” eke hat misihen, “An Apolosen angge at-o,” eke hat misihen, “An Kefasen angge at-o,” eke hat misihen, “An Kristusen angge at-o,” ulug uruk ahep hisihi-o.

1 Korintus 10:19

Eke ari halug, keroho ulug yig nisehek buruk ahep-o? Kwanangge amurli hundutukon epmano ebe demat wereg ulug buruk ahep ano? Eke monggat ake umburukon epmano demat ulug hinahla buruk ahep ano?

1 Korintus 10:29

Ariroho yig hisihi ari, hit hinindi kahalsehep ha nowen ulug yig hisihi fug at ap etno indi kahalepfehep ha nowen ulug yig hisihi-o. Eke at ap etnowen it wam uson nenggesa ulug ahla buruk wilil, indi oag eleg am nowen, an keroho nele ulug hinindi ebebuk fug-o.

1 Korintus 15:50

Eke alem du farim yig hisihi-o, nomini, ninebe ninahap kweanmon etno At Allah wereg ambeg kulug Aren angge etno holao ari hai-o. Eke filik atukon epmanowen dag atuk elehon etno holao ari hai-o.

2 Korintus 1:20

Eke At Allahen ariroho suhuk ulug hurumbik ebahon etno At Yesus inuk fam demat ulug yig nisaruk-o. Eke demat ulug yig nisaruk ari fam niren At Allah inuk suontepfuog ulug, demat ulug uruk ahe-o.

Efesus 2:12

Eke hit bilin At Kristus hinim welatikip fug-o. Eke hinebe huso neken wilil, At Allah udaki imig inapahon epmano hinim welatikip fug-o. Eke At Allahen At udaki yig isaruk wilil, fanowon etno demat og hisahuk ulug abug yig isebag etno hit hag yig hisebag fug-o. Eke hiren fanowon etno og nisahu ulug hinahla buruk eleg wilil, o kweanma duma Allah hinim welatikip fug-o.