Roma 15:6 - Allah Wene Hurumbik Keron

⁶ Eke ari fam, hit obog hinebe dambuksoho hinune misig-at uruk wilil, At Allah Ninowe Yesus Kristus Ikni etno inuk-at suontepfuruk amag ulug yig hisihi-o.

Roma 15:6 ပူးပေါင်းရင်းမြစ်များ

Yohanes 20:17

Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.

Kisah Para Rasul 4:24

Yig isaruk apagma, it epmano inesanggo holtuk apareg, it obog dambuksoho sembahyang uruk wilil, “Ninikni Allah wa. Haren bohol inim, kwean inim, ik inim, yi angge di angge boholma, kweanma, ikma werehon epmano obog Haren-at wal haruk senag-o.

Kisah Para Rasul 4:32

Nin eke, it Allah wene webahon epmano inindi misig-at dambulig welapag. Inindi misig-at dambulig wilil, du an naharek uruk apag fug. Nit obog ninaharek-o, ulug uruk apag.

2 Korintus 1:3

At Allah Ninowe Yesus Kristus Ikni etnowen nit ninabua nisaruk wilil, yalmag ninaptukon etno wa ulug yig imuk-o.

2 Korintus 11:31

Eke an wene ihion ari enggal ehek fug ulug At Ninowe Yesus Ikni Allah inuk nintul nantul suontepfuruk amuhukon etnowen iluk wereg-o.

Efesus 1:17

Eke Aren selegmaroho bukaloko yig hisarukon etno hit hinilanggen fenggeneg neken wilil, fanoroho ebebukag ulug sembahyang uruk ahi-o.

Efesus 1:3

Eke At Allah Ninowe Yesus Kristus Ikni etno wa ulug yig imuk-o. Eke nit At Kristus ninim wereg nisalug, At Allah ahien ninobam umburuk wilil, yi angge di angge boholmon epmano obog-at og nisaruk-o.

Kolose 1:3

Eke niren hit hinake sembahyang uruk wilil, At Allah Ninowe Yesus Kristus Ikni etno-at nintul nantul wa ulug yig ituk ahe-o.

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.

Wahyu 1:6

Ariroho ninombisaharuk apareg, nit ninebe At Ikni Allah anggimbu wilil, eyabuk suruk amag ulug minduhup nisahabag-o. Ariroho minduhup nisahabareg fam niren nintul nantul At Yesus Kristus oag werehon etno inuk-at suontepfuruk amuhuk-o. Amin.