Roma 15:18 - Allah Wene Hurumbik Keron

¹⁸ Eke an nune oag weregsoho uruk ahi ari, At Kristusen yig nitukmu-at yabuk suruk atikik ulug yig hisaruk ahi-o. Eke At Kristus ninim yabuk sulug eleg anden-at yabuk sirikik ulug uk ari an nakol-o. Eke At Kristus etno ninim yabuk suruk wilil, it aphe bilin wene inapeleg welatuson epmano Allah wene inesanggo holtuk amag ulug nune yig iseheg, eke yabuk seheg,

Roma 15:18 ပူးပေါင်းရင်းမြစ်များ

Matius 25:16

Laruk apagma, at anggimbu misig uang anggen lima ribu og epahon etnowen onggo nintul nantul hundutuk wilil, uang anggen nin obam seberoho lima ribu-at ombatebag-o.

Markus 16:20

Eke it At omini epmano o ahik ya da epmano wene yig isil nuruk wilil, At Ninowe inuk suon etno inim sukfuganggeroho sil nuruk apag. Iren wene yig iseheg, Aren sukfuganggeroho seheg sil nuruk apag etno fam, it aphe epmanowen wene du demat-o ulug uruk apag. Amin.

Kisah Para Rasul 14:27

Laruk apareg, o Antiokhia epma it Allah wene warukon epmano obog-at wonggal inaptuk apareg, it etanowen At Allah inim wilil sil nuruk apahon epmano dindiloko yig isaruk apag. Yig isaruk wilil, “At Allahen it aphe At awene inapelehon epmano eberoko wawag ulug og isarisi-o,” ulug dindiloko yig isaruk apareg,

Kisah Para Rasul 15:12

Yig isaruk apagma, it Barnabas Paulus etano At Allah inim sil nuruk wilil it Allah wene waruk eleg ambehen elalintoho sukfugangge sebahon epmano dindiloko yig isarukmu, inune eleg-at inesanggo holfag.

Kisah Para Rasul 15:4

Inahien haruk apagma, it etano o Yerusalem kuruk apareg, it Allah wene warukon inim, eke it mondep isebahon inim, it ap inaso werehon epmano inim dambuksoho wene uruk apag. Wene uruk wilil, At Allah inim sil nuruk wilil suruk apahon epmano dindiloko yig isaruk apag.

Kisah Para Rasul 21:19

Inambeg bik isa larukukmu, heahi war inaptuk atusama, At Allahen Paulus yig itukmu it Allah wene inapelehon inim wilil yabuk sirision epmano obog-at dindiloko yig isarisi.

Kisah Para Rasul 26:20

Demat ulug nindimu ebetuk atikikseg, bilin o Damsyik inim, o Yerusalem inim, eke fobik o Yudea obog inim, eke it o ahik ya da Allah wene inapeleg ambeg inim obog-at yig isil nuruk wilil, hit dag suruk atikibon epmano sohorep isalug, hinindi weregsoho At Allah inuk waruk wilil, nit demat wene waruk ahe ulug hiniluk amagsoho fanowon etno-at suruk amuk-o, ulug yig isil nuruk atikik.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Roma 16:26

Eke wene amuk heraho neken welapahon etno it nabi aben hurumbik wene holal embebag etno fam selegma bukaloko yig nisebag-o. Eke ariroho yig nisebag ari, At Allah ilukon itog mondog werehon etnowen ariroho yig isil alu-o ulug mondep isebareg fam, it yi aphe di aphe o ahik ya da werehon epmano obog-at iniluk amag ulug yig isil laruk-o. Eke ariroho yig isil laruk ari, it aphe obog inim, eke it bilin Allah wene inapeleg welatuson epmano inimen, wene etno inesanggo holtuk wilil ilitoho suruk amag ulug yig isil laruk-o.

Roma 6:17

Eke hiren At Allah wa ulug yig ituk amuk-o. Eke hit o amuk at alem dag surukon etno anggimbu neken welatikibon oke, kidia wene etno warikipseg, wene demat yanggul nisarukon du ninesanggo holtug ilitoho-at suruk amuk-o, ulug hinahientoho ebetuk ahep-o.

2 Korintus 11:31

Eke an wene ihion ari enggal ehek fug ulug At Ninowe Yesus Ikni Allah inuk nintul nantul suontepfuruk amuhukon etnowen iluk wereg-o.

2 Korintus 12:6

Ariroho demat eleon oke, eke anden suontepatamin fug-o. Eke at ap misihen at Paulus etno suon at-o ulug ahla buk ari hai-o. We nebe neyeheg nune holeheg suluhen at Paulus ebe duroho wereg ulug ariroho yig num ari fano-o.

2 Korintus 3:5

Eke nineyabuk fanoroho suhuken ulug ninonggarehen ninindi enggatepataruk ahe fug-o. Nit yabuk fanoroho sukag ulug At Allahen-at ninindi enggatep nisaharisi-o.

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Galatia 2:8

Eke it Yahudi ap epmano yig isil lawag ulug at Petrus oag werehon etno og itisireg, mondepfirisi etno hag, it Allah wene inapelehon epmano yig isil lawag ulug an oag werehon etno og nitisireg mondep naharisi-o.

Kolose 3:17

Eke yi wene eheg, di wene eheg, eke yi angge seheg, di angge seheg suruk wilil, At Ninowe Kristus inuk fam Ninikni Allah wa ulug suruk amuk-o.

Ibrani 11:8

Eke at Abraham etno Allahen yig ituk wilil, “Hat hudaki hetamuki unde welamuhup ambeg epmano-at lag-o,” ulug wol haruk apagma, indimuen demat ulug ebetuk apareg, esanggo holfag. Holtuk apareg, o lao ambeg epmano apelehon oke, arat lebag.

Ibrani 5:9

lluk atuk apagma, At ebe it yi aphe di aphe obog-at yanggul isarukon welamag ulug minduhupfebareg fam, it yi aphe di aphe At une inesanggo holtuk isalug, inilioko iniluk welamon etno-at og isaruk amag ulug inggikmu embebag-o.

Yakobus 1:22

Eke Allah wene etno hinesanggo holtuk wilil, arat holehe-o, ulug sohorep isa fug-o. Sohorep isaruk eleg wilil, wene holtuk ahebon etno ilitoho suruk amiek-o.

1 Yohanes 3:18

Nudaki-o, niren ninomini ninim hunduhuk welahe-o ulug we ninuneyen-at uk ari hai-o. Ninuneyen uruk atlug, nininggiken yalmag isa ari fano.

Yudas 1:9

Amuk it malaikat inowe Mikhael etnowen iblis inim winimug aptuk wilil, “At Musa ebe warehon an og nimin-o,” ulug yig epahon oke, eke at iblis obam denggeliog ulug ambilik butuk yig ituk apag fureg, at iblis etno yig ituk wilil, “At Allahen howaruhu-o,” ulug yig epag.