Roma 15:13 - Allah Wene Hurumbik Keron

¹³ Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

Roma 15:13 ပူးပေါင်းရင်းမြစ်များ

Yohanes 14:1

Eke fobik At Yesusen yig isaruk wilil, “Hit hinindi dag am fug-o. Hiren At Allah obam ebetuk ahep hag, An nobam ariroho-at ebetuk amuk-o.

Yohanes 14:27

Ariroho ebebuhubon oke, eke kidia hag hinindi hinahlahiroho welamag ulug yig hisaruk ahi-o. Ariroho yig hisaruk wilil, An ninuk fam hinindi hinahlahiroho welamon etno og hisaruk ahi-o. Ariroho og hisaruk ahi ari, it ap kweanmonen inindi inahlahiroho welamag ulug og isaruk etno hag og isaruk ahi fug-o. Ariroho og hisaruk nealug, hit hinindi dag am fug-o. Eke hinakol ha fug-o.

Roma 12:12

Eke hiren nit fobik fano ninabuhu ulug hinahla buruk wilil, it ninen dahon epmano hinobam umburuk isalug, hinindi hinahlahiroho-at welamuk-o. Ariroho wilil, nintul nantul sembahyang uruk amuk-o.

Roma 14:17

Eke At Allah weregma welamon etno alem ik orom naruk aheon epmano fam welamuhuk fug-o. Eke At Roh Kudusen alem dahon ninobam werehon epmano elehep nisahakeg, eke At Allah inim fanoroho welamag ulug dambulip nisahakeg, eke nit ninahien hawag ulug yig niseheg suruk halug, nit At Allah weregma welamon etno holahuk-o.

Roma 15:19

eke elalintoho sukfugangge seheg suruk wilil, At Roh Kudus etnowen ninim ninoag weregsoho surukuk-o. Ariroho suruk wilil, o Yerusalemen o Ilirikum kwalema luog ulug larukuk-o. Kwalema laruk wilil, At Kristus awene fanowon etno yig isil larikik-o.

Roma 15:5

Eke At Allahen inahlahiroho wilil inindi oag weregsoho welamon etno og isebag etno hag, hit ariroho hinebe dambuksoho hinindi misig-at wilil, At Kristus Yesusen sebahon epmano ilitoho suruk amon etno og hisawag ulug yig hisihi-o.

1 Korintus 2:4

Eke ariroho wilil, it aphe ninindi wereg ulug inahla burukonen inune enggatoho uruk etno hag wene yig hisarikik fug-o. An Roh Kudus oag werehon etno fam hurumbik dindiloko yig hisiog ulug sirikik-o.

2 Korintus 9:8

Eke hit yi angge di angge hinindi buruk ahebon epmano At Allahen obam seberoho og hisiog ulug iluk wereg-o. Eke hit hag yi angge di angge ilitoho wilil, it nin sumbut isaruk amag ulug obam seberoho og hisahu at-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Efesus 1:2

Eke At Ninikni Allah inim eke At Ninowe Yesus Kristus inimen ninabua hisaruk wilil, hinim dambuksoho welamag ulug yig hisihi-o.

1 Tesalonika 1:5

Eke bilin wene fano wene etno yig hisa waharuk wilil, ninuneyen yig hiseheg, eke At Roh Kudusen og nisarukmu oag werehon etno fam yanggul hiseheg, eke hiniluk amag ulug wene du demat-o ulug yig hiseheg surukuk-o. Eke nit ninebe hit hinahla wilil, keroho neken welatukuk etno hit hiniluk-o. Eke ariroho welatukuk ari hit hinake-at welatukuk-o.

1 Timotius 1:1

Nomin Timotius wai. An Paulusen hat namloho ninim Allah wene waruk aheon etno holal du bal hituk ahi-o. Eke At Allah ninili warukon etno inim, eke At Kristus Yesus fobik fano ninabuhuon etno inimen At Kristus Yesus awene yig isil nuruk amag ulug minduhup naharusa etno ilitoho,

Ibrani 6:11

Eke hit hinarug fanoroho suruk ahebon etno mondog-at suruk amag ulug ninindi hisaruk wilil yig hisehe-o. Eke hit hinarug fanoroho suruk hisalug, hiren fanowon og nisahu ulug hinahla buruk ahebon etno og hisahu at-o.

1 Petrus 1:8

Eke At Yesus Kristus etno hinilanggen harikip fug oke, hinindimu hinim hunduhuk welahep-o. Eke At etno hinilanggen haruk ahep fug oke, At obam ebetuk ahep-o. Ariroho welahep ari, hinindi hinahien suon haruk wilil,