Roma 15:1 - Allah Wene Hurumbik Keron

¹ Eke nit At Allah obam ebetuk wilil, ninindi oag weregsoho welaheon epmanowen it ninomini inindi oag eleg heheg angginon inobam werehon epmano yalmag inabuk ari fano at-o. Eke nit ninahien huog ulug sukon etno sohorep isalug,

Roma 15:1 ပူးပေါင်းရင်းမြစ်များ

Roma 14:1

Eke ap hiron misig indi oag eleg halug, hinim fanoroho welamuk-o. Ariroho wilil, hinim winimug aptuk am fug-o.

Roma 14:2

Eke at misig indi fanoroho ebetukon halug, yi angge di angge obog naruk oke, at indi oag elehon etno yi angge di angge we engga-at naruk-o.

Roma 4:20

Eke at ariroho demat ulug indi ebetukon etno sohorep iseheg eleg-at wilil, At Allahen abug yig epahon etno suhu fug ulug ahla bebag fug-o. Aren demat suhu ulug ahla buruk wilil, indi oag wereg atuk apareg, At Allah inuk-at suontepfebag-o.

1 Korintus 4:10

Eke At Kristus awene yig isil laruk ahe etno fam nit etno ninindi kimbu neken-at welaheon oke, eke hit hag At Kristus inuk fam hinindi weregsoho welahep-o. Eke nit ninebe ninoag elehon-at oke, hit hag hinoag wereg-o. Eke hit suontep hisaharuk wilil, nit hag kimburep nisaharuk-o.

1 Korintus 9:22

Eke it ap inindi oag elehon epmano an nilahut war inabuhuken ulug, an nebe it ninim nindi oag eleg neken atikik-o. Eke an yi seheg di seheg suruk wilil, ap nin inili og inabukag ulug an nebe it ninim wilil, it wereg epmano ilitoho welatikik-o.

2 Korintus 12:10

Eke ari halug, anden At Kristus inuk fam yi seheg di seheg suruk nealug, noag elehepfeheg, eke inune dahon nobam embeheg, eke yi angge di angge obok welamag ulug elegsoho nombahakeg, eke nebe muko wilip nahakeg, eke yi angge di angge dahon nobam nombahakeg suruk isalug, nahientoho-at welahi-o. Eke an nebe noag eleg nealug, noag werehep naharuk-o.

Efesus 6:10

Eke wene atog misig yig hisamin-o. We At Ninowe etnowen oag werehon etno og hisaruk halug, hit hinoag weregsoho welamuhup-o.

Filipi 2:4

Eke an neyabuk-at sik-o, ulug hinahla buruk eleg wilil, it hinomini ineyabuk yalmag inaptuk amiek-o.

1 Tesalonika 5:14

Eke it yabuk seheg eleg yuhun-at sil nurukon epmano inesanggo wareheg, eke it ap inindi angginon epmano inahlahairep iseheg, eke it inindi oag elehon epmano inindi oag werehep iseheg, eke it obog hinune fanowon-at yig iseheg suruk amag ulug yig hisihi-o.

2 Timotius 2:1

Namloho, hat hag At Yesus Kristus hinim wilil habuen og hitukmu hindi oag weregsoho-at welamin-o.

1 Yohanes 2:14

Nudaki-o, hit At Ninikni hiniluk ari famen, anden holal du bal hisihi-o. Niknisi-o, hit At almen welapareg kidia werehon etno hiniluk ari famen, anden holal du bal hisihi-o. Nomini-o, hit elege wilil, hinoag weregsoho welahep ari famen, anden holal du bal hisihi-o. Eke hinindimu Allah wene etno wereg-o. Hiren iblis dahon etno apmarepfirikip-o.