Roma 14:2 - Allah Wene Hurumbik Keron

² Eke at misig indi fanoroho ebetukon halug, yi angge di angge obog naruk oke, at indi oag elehon etno yi angge di angge we engga-at naruk-o.

Roma 14:2 ပူးပေါင်းရင်းမြစ်များ

1 Timotius 4:4

Eke yi angge di angge fanowon At Allahen wal hebahon epmano niren dahon ulug sohorep isao hai-o. Ninindimuen wa ulug holaruk am fano at-o.

Roma 14:14

Eke an At Ninowe Yesus ninim nindi hunduhuk wilil, yi angge di angge epmano uson eleg ulug nahla buruk wilil, demat niluk atisireg, yig hisaruk ahi-o. Eke ap misihen alem du suruk am usa-o ulug ahla buruk halug, alem ari fam ahla burukon epmano uson na fuhon-at welamag-o.

Ibrani 13:9

Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.

Galatia 2:12

Eke it ap at Yakobusen lahap isa waharision epmano awan waharuk eleg iseheg, at Petrus etno it Allah udaki bilin awene inapeleg welatuson epmano orom inim naruson oke, eke fobik it ap epmano waharuk atusama, it ap ninen uruk wilil, “It ap bilin Allah wene inapeleg welatuson epmano iniyunggul ambilik balukag-o,” ulug ariroho uruson etno at Petrus akol haruk wilil, “It ap bilin wene inapeleg welatuson epmano ninim orom namin fug-o,” ulug imbisarisi-o.

Ibrani 9:10

Eke ik orom du nao usa ano, eleg ano, ulug urukon etno inim, eke yi angge di angge obog usaroho suruk wilil ho suruk amuk urukon etno inim, ari ahap selemon ahut neken-at yig nisaruk-o. Eke At Allahen wene hurumbik keron etno awan yig isaruk eleg heheg, hurumbik bilinon etno ahut neken-at yig nisebag-o.

Titus 1:15

Eke it ap inindi fanowon halug yi angge di angge obog-at nao ari fano at-o. Eke it ninen Allah wene ebetuk eleg wilil, inindi dahon halug, yi angge di angge nawon etno usa ulug uruk-o. Eke it ariroho urukon epmano inahla burukon inim, eke inobabut surukon inim obog-at sabele neken denggelepatalug wereg-o.

1 Korintus 10:25

Eke it epmanowen wam inu onggo hundutuk ambeg epmanowen og hisaruk etno nao fano ano, dag ano? ulug hinahla buruk eleg wilil, og hisarukon etno obog-at nao fano-o.

Roma 14:1

Eke ap hiron misig indi oag eleg halug, hinim fanoroho welamuk-o. Ariroho wilil, hinim winimug aptuk am fug-o.

Roma 14:20

Eke At Allahen fanoroho sirision etno hiren alem yi angge di angge nawon epmano fam seberoho umbuk fug-o. Eke yi angge di angge epmano obog yuhun-at nao ari fano-at oke, at ap hinomin misig etno dahapfehep ha nowen ulug alem arion na fug yig hisihi-o.

Roma 15:1

Eke nit At Allah obam ebetuk wilil, ninindi oag weregsoho welaheon epmanowen it ninomini inindi oag eleg heheg angginon inobam werehon epmano yalmag inabuk ari fano at-o. Eke nit ninahien huog ulug sukon etno sohorep isalug,

1 Korintus 8:9

Eke hiren yuhun-at suruk ahebon etno it aphe inindi oag elehon epmanowen inilanggen hisalug, ari fam it dag suk nowen ulug hinilanggen yaharoho welamiek-o.

1 Korintus 9:22

Eke it ap inindi oag elehon epmano an nilahut war inabuhuken ulug, an nebe it ninim nindi oag eleg neken atikik-o. Eke an yi seheg di seheg suruk wilil, ap nin inili og inabukag ulug an nebe it ninim wilil, it wereg epmano ilitoho welatikik-o.